ଶ୍ରୀଗଣେଶାୟ ନମଃ ॥
ବ୍ରହ୍ମୋବାଚ ।
ଶତାକ୍ଷରାତ୍ମକଂ ଦେବ୍ୟା ନାମାଷ୍ଟାବିଂଶତିଃ ଶତମ୍ ।
ଶୃଣୁ ବକ୍ଷ୍ୟାଭି ତତ୍ସର୍ୱମତିଗୁହ୍ୟଂ ସନାତନମ୍ ॥ ୧॥
ଭୂତିଦା ଭୁବନା ବାଣୀ ବସୁଧା ସୁମନା ମହୀ ।
ହରିଣୀ ଜନନୀ ନନ୍ଦା ସବିସର୍ଗା ତପସ୍ୱିନୀ ॥ ୨॥
ପୟସ୍ୱିନୀ ସତୀ ତ୍ୟାଗା ଚୈନ୍ଦବୀ ସତ୍ୟବୀରସା ।
ବିଶ୍ୱା ତୁର୍ୟା ପରା ରେଚ୍ୟା ନିର୍ଘୃଣୀ ଯମିନୀ ଭବା ॥ ୩॥
ଗୋବେଦ୍ୟା ଚ ଜରିଷ୍ଠା ଚ ସ୍କନ୍ଦିନୀ ଧୀର୍ମତିର୍ହିମା ।
ଭୀଷଣା ଯୋଗିନୀ ପକ୍ଷୀ ନଦୀ ପ୍ରଜ୍ଞା ଚ ଚୋଦିନୀ ॥ ୪॥
ଧନିନୀ ଯାମିନୀ ପଦ୍ମା ରୋହିଣୀ ରମଣୀ ଋଷିଃ ।
ସେନାମୁଖୀ ସାମୟୀ ଚ ବକୁଲା ଦୋଷବର୍ଜିତା ॥ ୫॥
ସର୍ୱକାମଦୁଘା ସୋମୋଦ୍ଭବାଽହଙ୍କାରବର୍ଜିତା ।
ଦ୍ୱିପଦା ଚ ଚତୁଷ୍ପାଦା ତ୍ରିପଦା ଚୈବ ଷଟ୍ପଦା ॥ ୬॥
ଅଷ୍ଟାପଦୀ ନବପଦୀ ସା ସହସ୍ରାକ୍ଷରାତ୍ମିକା ।
ଇଦଂ ଯଃ ପରମଂ ଗୁହ୍ୟଂ ସାବିତ୍ରୀମନ୍ତ୍ରଗର୍ଭିତମ୍ ॥ ୭॥
ନାମାଷ୍ଟବିଂଶତିଶତଂ ଶୃଣୁୟାଚ୍ଛ୍ରାବୟେତ୍ପଠେତ୍ ।
ମର୍ତ୍ୟାନାମମୃତତ୍ୱାୟ ଭୀତାନାମଭୟାୟ ଚ ॥ ୮॥
ମୋକ୍ଷାୟ ଚ ମୁମୁକ୍ଷୂଣାଂ ଶ୍ରୀକାମାନ୍ ପ୍ରାପ୍ତୟେ ଶ୍ରିୟଃ ।
ବିଜୟାୟ ଯୁୟୁତ୍ସୂନାଂ ବ୍ୟାଧିତାନାମରୋଗକୃତ୍ ॥ ୯॥
ବଶ୍ୟାୟ ବଶ୍ୟକାମାନାଂ ବିଦ୍ୟାୟୈ ବେଦକାମିନାମ୍ ।
ଦ୍ରବିଣାୟ ଦରିଦ୍ରାଣାଂ ପାପିନାଂ ପାପଶାନ୍ତୟେ ॥ ୧୦॥
ବାଦିନାଂ ବାଦବିଜୟେ କବୀନାଂ କବିତାପ୍ରଦମ୍ । ବାଦବିଷୟେ
ଅନ୍ନାୟ କ୍ଷୁଧିତାନାଂ ଚ ସ୍ୱର୍ଗାୟ ନାକମିଚ୍ଛତାମ୍ ॥ ୧୧॥ ସ୍ୱର୍ଗାର୍ଥଂ
ପଶୁଭ୍ୟଃ ପଶୁକାମାନାଂ ପୁତ୍ରେଭ୍ୟଃ ପୁତ୍ରକାଙ୍କ୍ଷିଣାମ୍ ।
କ୍ଲେଶିନାଂ ଶୋକଶାନ୍ତ୍ୟର୍ଥଂ ନୃଣାଂ ଶତ୍ରୁଭୟାୟ ଚ ॥ ୧୨॥
ରାଜବଶ୍ୟାୟ ଦ୍ରଷ୍ଟବ୍ୟଂ ପରମଂ ନୃପସେବିନାମ୍ ।
ଭକ୍ତ୍ୟର୍ଥଂ ବିଷ୍ଣୁଭକ୍ତାନାଂ ବିଷ୍ଣୌ ସର୍ୱାନ୍ତରାତ୍ମନି ॥ ୧୩॥
ନାୟକଂ ବିଧିସୃଷ୍ଟାନାଂ ଶାନ୍ତୟେ ଭବତି ଧ୍ରୁବମ୍ ।
ନିଃସ୍ପୃହାଣାଂ ନୃଣାଂ ମୁକ୍ତିଃ ଶାଶ୍ୱତୀ ଭବତି ଧ୍ରୁବମ୍ ॥ ୧୪॥
ଜପ୍ୟଂ ତ୍ରିବର୍ଗସଂୟୁକ୍ତଂ ଗୃହସ୍ଥେନ ବିଶେଷତଃ ।
ମୁନୀନାଂ ଜ୍ଞାନସିଦ୍ଧ୍ୟର୍ଥଂ ଯତୀନାଂ ମୋକ୍ଷସିଦ୍ଧୟେ ॥ ୧୫॥
ଉଦ୍ୟତଂ ଚନ୍ଦ୍ରକିରଣମୁପସ୍ଥାୟ କୃତାଞ୍ଜଲିଃ ।
କାନନେ ବା ସ୍ୱଭବନେ ତିଷ୍ଠନ୍ ଶୁଦ୍ଧୋ ଜପେଦିଦମ୍ ॥ ୧୬॥
ସର୍ୱାନ୍ କାମାନବାପ୍ନୋତି ତଥୈବ ଶିବସନ୍ନିଧୌ ।
ମମ ପ୍ରୀତିକରଂ ଦିବ୍ୟଂ ବିଷ୍ଣୁଭକ୍ତିବିବର୍ଧନମ୍ ॥ ୧୭॥
ଜ୍ୱରାର୍ତାନାଂ କୁଶାଗ୍ରେଣ ମାର୍ଜୟେତ୍କୁଷ୍ଠରୋଗିଣାମ୍ ।
ଅଙ୍ଗମଙ୍ଗଂ ଯଥାଲିଙ୍ଗଂ କବଚେନ ତୁ ସାଧକଃ ॥ ୧୮॥
ମଣ୍ଡଲେନ ବିଶୁଧ୍ୟେତ ସର୍ୱରୋଗୈର୍ନ ସଂଶୟଃ ।
ମୃତପ୍ରଜା ଚ ଯା ନାରୀ ଜନ୍ମବନ୍ଧ୍ୟା ତଥୈବ ଚ ॥ ୧୯॥
କନ୍ୟାଦିବନ୍ଧ୍ୟା ଯା ନାରୀ ତାସାମଙ୍ଗଂ ପ୍ରମାର୍ଜୟେତ୍ ।
ପୁତ୍ରା ନରୋଗିଣସ୍ତାସ୍ତୁ ଲଭନ୍ତେ ଦୀର୍ଘଜୀବିନଃ ॥ ୨୦॥
ତାସ୍ତାଃ ସମ୍ବତ୍ସରାଦର୍ୱାକ୍ ଗର୍ଭଂ ତୁ ଦଧିରେ ପୁନଃ ।
ପତିବିଦ୍ୱେଷିଣୀ ଯା ସ୍ତ୍ରୀ ଅଙ୍ଗଂ ତସ୍ୟାଃ ପ୍ରମାର୍ଜୟେତ୍ ॥ ୨୧॥
ତମେବ ଭଜତେ ସା ସ୍ତ୍ରୀ ପତିଂ କାମବଶଂ ନୟେତ୍ ।
ଅଶ୍ୱତ୍ଥେ ରାଜବଶ୍ୟାର୍ଥଂ ବିଲ୍ୱମୂଲେ ସ୍ୱରୂପଭାକ୍ ॥ ୨୨॥
ପାଲାଶମୂଲେ ବିଦ୍ୟାର୍ଥୀ ତେଜସୋଽଭିମୁଖୋ ରବୌ ।
କନ୍ୟାର୍ଥୀ ଚଣ୍ଡିକାଗେହେ ଜପେଚ୍ଛତ୍ରୁଭୟାୟ ଚ ॥ ୨୩॥
ଶ୍ରୀକାମୋ ବିଷ୍ଣୁଗେହେ ଚ ଉଦ୍ୟାନେ ଶ୍ରୀର୍ୱଶୀଭବେତ୍ ।
ଆରୋଗ୍ୟାର୍ଥେ ସ୍ୱଗେହେ ଚ ମୋକ୍ଷାର୍ଥୀ ଶୈଲମସ୍ତକେ ॥ ୨୪॥
ସର୍ୱକାମୋ ବିଷ୍ଣୁଗେହେ ମୋକ୍ଷାର୍ଥୀ ଯତ୍ର କୁତ୍ରଚିତ୍ ।
ଜପାରମ୍ଭେ ତୁ ହୃଦୟଂ ଜପାନ୍ତେ କବଚଂ ପଠେତ୍ ॥ ୨୫॥
କିମତ୍ର ବହୁନୋକ୍ତେନ ଶୃଣୁ ନାରଦ ତତ୍ତ୍ୱତଃ ।
ଯଂ ଯଂ ଚିନ୍ତୟତେ ନିତ୍ୟଂ ତଂ ତଂ ପ୍ରାପ୍ନୋତି ନିଶ୍ଚିତମ୍ ॥ ୨୬॥
ଇତି ଶ୍ରୀମଦ୍ୱସିଷ୍ଠସଂହିତାୟାଂ ବ୍ରହ୍ମନାରଦସମ୍ବାଦେ
ଗାୟତ୍ରୀନାମାଷ୍ଟାବିଂଶତିସ୍ତୋତ୍ରଂ ସମାପ୍ତମ୍ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀ ପଞ୍ଚାଙ୍ଗମ୍ https://gayatree-upasana.blogspot.com/2022/10/blog-post_42.html
No comments:
Post a Comment