ଗାୟତ୍ରୀ ଉପାସନା: ଗାୟତ୍ରୀତତ୍ତ୍ୱସ୍ତୋତ୍ରମ୍

ଶ୍ରୀଗଣେଶାୟ ନମଃ ॥

ଶ୍ରୀଗାୟତ୍ର୍ୟୈ ନମଃ ।

ଶ୍ରୀଗାୟତ୍ରୀତତ୍ତ୍ୱମାଲାମନ୍ତ୍ରସ୍ୟ ବିଶ୍ୱାମିତ୍ର ଋଷିଃ, ଅନୁଷ୍ଟୁପ୍ଛଦଃ,

ପରମାତ୍ମା ଦେବତା, ହଲୋ ବୀଜାନି, ସ୍ୱରାଃ ଶକ୍ତୟଃ, ଅବ୍ୟକ୍ତଂ କୀଲକମ୍,

ମମ ସମସ୍ତପାପକ୍ଷୟାର୍ଥେ ଗାୟତ୍ରୀତତ୍ତ୍ୱପାଠେ ବିନିୟୋଗଃ ।

ଚତୁର୍ୱିଶତିତତ୍ତ୍ୱାନାଂ ଯଦେକଂ ତତ୍ତ୍ୱମୁତ୍ତମମ୍ ।

ଅନୁପାଧି ପରମ୍ବ୍ରହ୍ମ ତତ୍ପରଞ୍ଜ୍ୟୋତିରୋମିତି ॥ ୧॥

ଯୋ ବେଦାଦୌ ସ୍ୱରଃ ପ୍ରୋକ୍ତୋ ବେଦାନ୍ତେ ଚ ପ୍ରତିଷ୍ଠିତଃ ।

ତସ୍ୟ ପ୍ରକୃତିଲୀନସ୍ୟ ତତ୍ପରଞ୍ଜ୍ୟୋତିରୋମିତି ॥ ୨॥

ତତ୍ସଦାଦିପଦୈର୍ୱାଚ୍ୟଂ ପରମଂ ପଦମବ୍ୟଯମ୍ ।

ଅଭେଦତ୍ୱଂ ପଦାର୍ଥସ୍ୟ ତତ୍ପରଞ୍ଜ୍ୟୋତିରୋମିତି ॥ ୩॥

ଯସ୍ୟ ମାୟାଂଶଭାଗେନ ଜଗଦୁତ୍ପଦ୍ୟତେଽଖିଲମ୍ ।

ତସ୍ୟ ସର୍ୱୋତ୍ତମଂ ରୂପମରୂପସ୍ୟାଭିଧୀମହି ॥ ୪॥

ନ ପଶ୍ୟନ୍ତି ପରମଂ ପଶ୍ୟନ୍ତୋ ହି ଦିବୌକସଃ ।

ତଂ ଭୂତାନିଲଦେବଂ ତୁ ସୁପର୍ଣମୁପଧାବତାମ୍ ॥ ୫॥

ଯଦଂଶଃ ପ୍ରେରିତୋ ଜନ୍ତୁଃ କର୍ମପାଶନିୟନ୍ତ୍ରିତଃ ।

ଆଜନ୍ମକୃତପାପାନାମପହନ୍ତୁଂ ଦିବୌକସଃ ॥ ୬॥

ଇଦଂ ମହାମୁନିପ୍ରୋକ୍ତଂ ଗାୟତ୍ରୀତତ୍ତ୍ୱମୁତ୍ତମମ୍ ।

ଯଃ ପଠେତ୍ପରୟା ଭକ୍ତ୍ୟା ସ ଯାତି ଷରମାଂ ଗତିମ୍ ॥ ୭॥

ସର୍ୱବେଦପୁରାଣେଷୁ ସାଙ୍ଗୋପାଙ୍ଗେଷୁ ଯତ୍ଫଲମ୍ ।

ସକୃଦସ୍ୟ ଜପାଦେବ ତତ୍ଫଲଂ ପ୍ରାପ୍ନୁୟାନ୍ନରଃ ॥ ୮॥

ଅଭକ୍ଷ୍ୟଭକ୍ଷଣାତ୍ପୂତୋ ଭବତି ।

ଅଗମ୍ୟାଗମନାତ୍ପୂତୋ ଭବତି । ସର୍ୱପାପେଭ୍ୟଃ ପୂତୋ ଭବତି ।

ପ୍ରାତରଧୀୟାନୋ ରାତ୍ରିକୃତଂ ପାପଂ ନାଶୟତି ।

ସାୟମଧୀୟାନୋ ଦିବସକୃତଂ ପାପଂ ନାଶୟତି ।

ମଧ୍ୟନ୍ଦିନମୁପୟୁଞ୍ଜାନୋଽସତ୍ପ୍ରତିଗ୍ରହାଦିନା ମୁକ୍ତୋ ଭବତି ॥ ୯॥

ଅନୁପ୍ଲବଂ ପୁରୁଷାଃ ପୁରୁଷମଭିବଦନ୍ତି ଯଂ ଯଂ କାମମଭିଧ୍ୟାୟତି

ତଂ ତମେବାପ୍ନୋତୀ ପୁତ୍ରପୌତ୍ରାନ୍ କୀର୍ତିସୌଭାଗ୍ୟାନି ଚୋପଲଭତେ ।

ସର୍ୱଭୂତାତ୍ମମିତ୍ରଂ ଦେହାନ୍ତେ ତଦ୍ୱିଶିଷ୍ଟୋ ଗାୟତ୍ରୀପରମଂ ପଦମାପ୍ନୋତି ॥ ୧୦॥

ଇତି ଶ୍ରୀବେଦସାରେ ଗାୟତ୍ରୀତତ୍ତ୍ୱସ୍ତୋତ୍ରଂ ସମ୍ପୂର୍ଣମ୍ ॥

ଗାୟତ୍ରୀ ଆବାହନ

ଗାୟତ୍ରୀ ମନ୍ତ୍ର ଆହୁତି

ଗାୟତ୍ରୀ ଆରତୀ

ଗାୟତ୍ରୀନାମାଷ୍ଟାବିଂଶତିସ୍ତୋତ୍ରମ୍ https://gayatree-upasana.blogspot.com/2022/10/blog-post_96.html

ଗାୟତ୍ରୀ ଉପାସନା