ନାରଦ ଉବାଚ -
ଭକ୍ତାନୁକମ୍ପିନ୍ସର୍ୱଜ୍ଞ ହୃଦୟଂ ପାପନାଶନମ୍ ।
ଗାୟତ୍ର୍ୟାଃ କଥିତଂ ତସ୍ମାଦ୍ଗାୟତ୍ର୍ୟାଃ ସ୍ତୋତ୍ରମୀରୟ ॥ ୧॥
ଆଦିଶକ୍ତେ ଜଗନ୍ମାତର୍ଭକ୍ତାନୁଗ୍ରହକାରିଣି ।
ସର୍ୱତ୍ର ବ୍ୟାପିକେଽନନ୍ତେ ଶ୍ରୀସନ୍ଧ୍ୟେ ତେ ନମୋଽସ୍ତୁ ତେ ॥ ୨॥
ତ୍ୱମେବ ସନ୍ଧ୍ୟା ଗାୟତ୍ରୀ ସାବିତ୍ରୀ ଚ ସରସ୍ୱତୀ ।
ବ୍ରାହ୍ମୀ ଚ ବୈଷ୍ଣବୀ ରୌଦ୍ରୀ ରକ୍ତା ଶ୍ୱେତା ସିତେତରା । ୩॥।
ପ୍ରାତର୍ବାଲା ଚ ମଧ୍ୟାହ୍ନେ ଯୌବନସ୍ଥା ଭବେତ୍ପୁନଃ ।
ବ୍ରହ୍ମା ସାୟଂ ଭଗବତୀ ଚିନ୍ତ୍ୟତେ ମୁନିଭିଃ ସଦା ॥ ୪॥ ବୃଦ୍ଧା ସାୟଂ
ହଂସସ୍ଥା ଗରୁଡାରୂଢା ତଥା ବୃଷଭବାହିନୀ ।
ଋଗ୍ୱେଦାଧ୍ୟାୟିନୀ ଭୂମୌ ଦୃଶ୍ୟତେ ଯା ତପସ୍ୱିଭିଃ ॥ ୫॥
ଯଜୁର୍ୱେଦଂ ପଠନ୍ତୀ ଚ ଅନ୍ତରିକ୍ଷେ ବିରାଜତେ ।
ସା ସାମଗାପି ସର୍ୱେଷୁ ଭ୍ରାମ୍ୟମାଣା ତଥା ଭୁବି ॥ ୬॥
ରୁଦ୍ରଲୋକଂ ଗତା ତ୍ୱଂ ହି ବିଷ୍ଣୁଲୋକନିବାସିନୀ ।
ତ୍ୱମେବ ବ୍ରହ୍ମଣୋ ଲୋକେଽମର୍ତ୍ୟାନୁଗ୍ରହକାରିଣୀ ॥ ୭॥
ସପ୍ତର୍ଷିପ୍ରୀତିଜନନୀ ମାୟା ବହୁବରପ୍ରଦା ।
ଶିବୟୋଃ କରନେତ୍ରୋତ୍ଥା ହ୍ୟଶ୍ରୁସ୍ୱେଦସମୁଦ୍ଭବା ॥ ୮॥
ଆନନ୍ଦଜନନୀ ଦୁର୍ଗା ଦଶଧା ପରିପଠ୍ୟତେ ।
ବରେଣ୍ୟା ବରଦା ଚୈବ ବରିଷ୍ଠା ବରବର୍ଣିନୀ ॥ ୯॥
ଗରିଷ୍ଠା ଚ ବରାର୍ହା ଚ ବରାରୋହା ଚ ସପ୍ତମୀ ।
ନୀଲଗଙ୍ଗା ତଥା ସନ୍ଧ୍ୟା ସର୍ୱଦା ଭୋଗମୋକ୍ଷଦା ॥ ୧୦॥
ଭାଗୀରଥୀ ମର୍ତ୍ୟଲୋକେ ପାତାଲେ ଭୋଗବତ୍ୟପି ।
ତ୍ରିଲୋକବାହିନୀ ଦେବୀ ସ୍ଥାନତ୍ରୟନିବାସିନୀ ॥ ୧୧॥
ଭୂର୍ଲୋକସ୍ଥା ତ୍ୱମେବାସି ଧରିତ୍ରୀ ଲୋକଧାରିଣୀ ।
ଭୁବୋ ଲୋକେ ବାୟୁଶକ୍ତିଃ ସ୍ୱର୍ଲୋକେ ତେଜସାଂ ନିଧିଃ ॥ ୧୨॥
ମହର୍ଲୋକେ ମହାସିଦ୍ଧିର୍ଜନଲୋକେ ଜନେତ୍ୟପି ।
ତପସ୍ୱିନୀ ତପୋଲୋକେ ସତ୍ୟଲୋକେ ତୁ ସତ୍ୟବାକ୍ ॥ ୧୩॥
କମଲା ବିଷ୍ଣୁଲୋକେ ଚ ଗାୟତ୍ରୀ ବ୍ରହ୍ମଲୋକଗା । ବ୍ରହ୍ମଲୋକଦା
ରୁଦ୍ରଲୋକେ ସ୍ଥିତା ଗୌରୀ ହରାର୍ଧାଙ୍ଗନିବାସିନୀ ॥ ୧୪॥
ଅହମୋ ମହତଶ୍ଚୈବ ପ୍ରକୃତିସ୍ତ୍ୱଂ ହି ଗୀୟସେ ।
ସାମ୍ୟାବସ୍ଥାତ୍ମିକା ତ୍ୱଂ ହି ଶବଲବ୍ରହ୍ମରୂପିଣୀ ॥ ୧୫॥
ତତଃ ପରାପରା ଶକ୍ତିଃ ପରମା ତ୍ୱଂ ହି ଗୀୟସେ ।
ଇଚ୍ଛାଶକ୍ତିଃ କ୍ରିୟାଶକ୍ତିର୍ଜ୍ଞାନଶକ୍ତିସ୍ତ୍ରିଶକ୍ତିଦା ॥ ୧୬॥
ଗଙ୍ଗା ଚ ଯମୁନା ଚୈବ ବିପାଶା ଚ ସରସ୍ୱତୀ ।
ସରୟୂର୍ଦେବିକା ସିନ୍ଧୁର୍ନର୍ମଦେରାବତୀ ତଥା ॥ ୧୭॥
ଗୋଦାବରୀ ଶତଦ୍ରୁଶ୍ଚ କାବେରୀ ଦେବଲୋକଗା ।
କୌଶିକୀ ଚନ୍ଦ୍ରଭାଗା ଚ ବିତସ୍ତା ଚ ସରସ୍ୱତୀ ॥ ୧୮॥
ଗଣ୍ଡକୀ ତାପିନୀ ତୋୟା ଗୋମତୀ ବେତ୍ରବତ୍ୟପି ।
ଇଡା ଚ ପିଙ୍ଗଲା ଚୈବ ସୁଷୁମ୍ଣା ଚ ତୃତୀୟକା ॥ ୧୯॥
ଗାନ୍ଧାରୀ ହସ୍ତିଜିହ୍ୱା ଚ ପୂଷାପୂଷା ତଥୈବ ଚ ।
ଅଲମ୍ବୁଷା କୁହୂଶ୍ଚୈବ ଶଙ୍ଖିନୀ ପ୍ରାଣବାହିନୀ ॥ ୨୦॥
ନାଡୀ ଚ ତ୍ୱଂ ଶରୀରସ୍ଥା ଗୀୟସେ ପ୍ରାକ୍ତନୈର୍ବୁଧୈଃ ।
ହୃତପଦ୍ମସ୍ଥା ପ୍ରାଣଶକ୍ତିଃ କଣ୍ଠସ୍ଥା ସ୍ୱପ୍ନନାୟିକା ॥ ୨୧॥
ତାଲୁସ୍ଥା ତ୍ୱଂ ସଦାଧାରା ବିନ୍ଦୁସ୍ଥା ବିନ୍ଦୁମାଲିନୀ ।
ମୂଲେ ତୁ କୁଣ୍ଡଲୀ ଶକ୍ତିର୍ୱ୍ୟାପିନୀ କେଶମୂଲଗା ॥ ୨୨॥
ଶିଖାମଧ୍ୟାସନା ତ୍ୱଂ ହି ଶିଖାଗ୍ରେ ତୁ ମନୋନ୍ମନୀ ।
କିମନ୍ୟଦ୍ ବହୁନୋକ୍ତେନ ଯତ୍କିଞ୍ଚିଜ୍ଜଗତୀତ୍ରୟେ ॥ ୨୩॥
ତତ୍ସର୍ୱଂ ତ୍ୱଂ ମହାଦେବି ଶ୍ରିୟେ ସନ୍ଧ୍ୟେ ନମୋଽସ୍ତୁ ତେ ।
ଇତୀଦଂ କୀର୍ତିତଂ ସ୍ତୋତ୍ରଂ ସନ୍ଧ୍ୟାୟାଂ ବହୁପୁଣ୍ୟଦମ୍ ॥ ୨୪॥
ମହାପାପପ୍ରଶମନଂ ମହାସିଦ୍ଧିବିଧାୟକମ୍ ।
ଯ ଇଦଂ କୀର୍ତୟେତ୍ ସ୍ତୋତ୍ରଂ ସନ୍ଧ୍ୟାକାଲେ ସମାହିତଃ ॥ ୨୫॥
ଅପୁତ୍ରଃ ପ୍ରାପ୍ନୁୟାତ୍ ପୁତ୍ରଂ ଧନାର୍ଥୀ ଧନମାପ୍ନୁୟାତ୍ ।
ସର୍ୱତୀର୍ଥତପୋଦାନୟଜ୍ଞୟୋଗଫଲଂ ଲଭେତ୍ ॥ ୨୬॥
ଭୋଗାନ୍ ଭୁକ୍ତ୍ୱା ଚିରଂ କାଲମନ୍ତେ ମୋକ୍ଷମବାପ୍ନୁୟାତ୍ ।
ତପସ୍ୱିଭିଃ କୃତଂ ସ୍ତୋତ୍ରଂ ସ୍ନାନକାଲେ ତୁ ଯଃ ପଠେତ୍ ॥ ୨୭॥
ଯତ୍ର କୁତ୍ର ଜଲେ ମଗ୍ନଃ ସନ୍ଧ୍ୟାମଜ୍ଜନଜଂ ଫଲମ୍ ।
ଲଭତେ ନାତ୍ର ସନ୍ଦେହଃ ସତ୍ୟଂ ଚ ନାରଦ ॥ ୨୮॥
ଶୃଣୁୟାଦ୍ୟୋଽପି ତଦ୍ଭକ୍ତ୍ୟା ସ ତୁ ପାପାତ୍ ପ୍ରମୁଚ୍ୟତେ ।
ପୀୟୂଷସଦୃଶଂ ବାକ୍ୟଂ ସନ୍ଧ୍ୟୋକ୍ତଂ ନାରଦେରିତମ୍ ॥ ୨୯॥
॥ ଇତି ଶ୍ରୀଦେବୀଭାଗବତେ ମହାପୁରାଣେ ଦ୍ୱାଦଶସ୍କନ୍ଧେ
ପଞ୍ଚମୋଽଧ୍ୟାୟେ ଶ୍ରୀଅଘନାଶକଗାୟତ୍ରୀସ୍ତୋତ୍ରଂ ସମ୍ପୂର୍ଣମ୍ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀ ଉପାସନା https://gayatree-upasana.blogspot.com/2022/10/2.htm
.
No comments:
Post a Comment