ଓଁ ଅସ୍ୟ ଶ୍ରୀଗାୟତ୍ରୀକବଚସ୍ୟ, ବ୍ରହ୍ମା ଋଷିଃ, ଗାୟତ୍ରୀ ଛନ୍ଦଃ,
ଗାୟତ୍ରୀ ଦେବତା, ଭୂଃ ବୀଜମ୍, ଭୁବଃ ଶକ୍ତିଃ, ସ୍ୱଃ କୀଲକମ୍,
ଗାୟତ୍ରୀ ପ୍ରୀତ୍ୟର୍ଥଂ ଜପେ ବିନିୟୋଗଃ ।
ଅଥ ଧ୍ୟାନଂ
ପଞ୍ଚବକ୍ତ୍ରାଂ ଦଶଭୁଜାଂ ସୂର୍ୟକୋଟିସମପ୍ରଭାମ୍ ।
ସାବିତ୍ରୀଂ ବ୍ରହ୍ମ ବରଦାଂ ଚନ୍ଦ୍ରକୋଟିସୁଶୀତଲାମ୍ ॥
ତ୍ରିନେତ୍ରାଂ ସିତବକ୍ତ୍ରାଂ ଚ ମୁକ୍ତାହାରବିରାଜିତାମ୍ ।
ବରାଭୟାଙ୍କୁଶକଶାହେମପତ୍ରାକ୍ଷମାଲିକାମ୍ ॥
ଶଙ୍ଖଚକ୍ରାବ୍ଜୟୁଗଲଂ କରାଭ୍ୟାଂ ଦଧତୀଂ ବରାମ୍ ।
ସିତପଙ୍କଜସଂସ୍ଥାଂ ଚ ହଂସାରୂଢାଂ ସୁଖସ୍ମିତାମ୍ ॥
ଧ୍ୟାତ୍ୱୈବଂ ମାନସାମ୍ଭୋଜେ ଗାୟତ୍ରୀକବଚଂ ଜପେତ୍ ॥
ଓଁ ବ୍ରହ୍ମୋବାଚ ।
ବିଶ୍ୱାମିତ୍ର ମହାପ୍ରାଜ୍ଞ ଗାୟତ୍ରୀକବଚଂ ଶୃଣୁ ।
ଯସ୍ୟ ବିଜ୍ଞାନମାତ୍ରେଣ ତ୍ରୈଲୋକ୍ୟଂ ବଶୟେତ୍କ୍ଷଣାତ୍ ॥ ୧॥
ସାବିତ୍ରୀ ମେ ଶିରଃ ପାତୁ ଶିଖାୟାମମୃତେଶ୍ୱରୀ ।
ଲଲାଟଂ ବ୍ରହ୍ମଦୈବତ୍ୟା ଭ୍ରୁବୌ ମେ ପାତୁ ବୈଷ୍ଣବୀ ॥ ୨॥
କର୍ଣୌ ମେ ପାତୁ ରୁଦ୍ରାଣୀ ସୂର୍ୟା ସାବିତ୍ରିକାଽମ୍ବିକା ।
ଗାୟତ୍ରୀ ବଦନଂ ପାତୁ ଶାରଦା ଦଶନଚ୍ଛଦୌ ॥ ୩॥
ଦ୍ୱିଜାନ୍ ଯଜ୍ଞପ୍ରିୟା ପାତୁ ରସନାୟାଂ ସରସ୍ୱତୀ ।
ସାଙ୍ଖ୍ୟାୟନୀ ନାସିକାଂ ମେ କପୋଲୌ ଚନ୍ଦ୍ରହାସିନୀ ॥ ୪॥
ଚିବୁକଂ ବେଦଗର୍ଭା ଚ କଣ୍ଠଂ ପାତ୍ୱଘନାଶିନୀ ।
ସ୍ତନୌ ମେ ପାତୁ ଇନ୍ଦ୍ରାଣୀ ହୃଦୟଂ ବ୍ରହ୍ମବାଦିନୀ ॥ ୫॥
ଉଦରଂ ବିଶ୍ୱଭୋକ୍ତ୍ରୀ ଚ ନାଭୌ ପାତୁ ସୁରପ୍ରିୟା ।
ଜଘନଂ ନାରସିଂହୀ ଚ ପୃଷ୍ଠଂ ବ୍ରହ୍ମାଣ୍ଡଧାରିଣୀ ॥ ୬॥
ପାର୍ଶ୍ୱୌ ମେ ପାତୁ ପଦ୍ମାକ୍ଷୀ ଗୁହ୍ୟଂ ଗୋଗୋପ୍ତ୍ରିକାଽବତୁ ।
ଊର୍ୱୋରୋଙ୍କାରରୂପା ଚ ଜାନ୍ୱୋଃ ସନ୍ଧ୍ୟାତ୍ମିକାବତୁ ॥ ୭॥
ଜଙ୍ଘୟୋଃ ପାତୁ ଅକ୍ଷୋଭ୍ୟା ଗୁଲ୍ଫୟୋର୍ବ୍ରହ୍ମଶୀର୍ଷକା ।
ସୂର୍ୟା ପଦଦ୍ୱୟଂ ପାତୁ ଚନ୍ଦ୍ରା ପାଦାଙ୍ଗୁଲୀଷୁ ଚ ॥ ୮॥
ସର୍ୱାଙ୍ଗଂ ବେଦଜନନୀ ପାତୁ ମେ ସର୍ୱଦାନଘା ।
ଇତ୍ୟେତତ୍କବଚଂ ବ୍ରହ୍ମନ୍ ଗାୟତ୍ର୍ୟାଃ ସର୍ୱପାବନମ୍ ।
ପୁଣ୍ୟଂ ପବିତ୍ରଂ ପାପଘ୍ନଂ ସର୍ୱରୋଗନିବାରଣମ୍ ॥ ୯॥
ତ୍ରିସନ୍ଧ୍ୟଂ ଯଃ ପଠେଦ୍ୱିଦ୍ୱାନ୍ ସର୍ୱାନ୍ କାମାନବବାପ୍ନୁୟାତ୍ ।
ସର୍ୱଶାସ୍ତ୍ରାର୍ଥତତ୍ତବଜ୍ଞଃ ସ ଭବେଦ୍ୱେଦବିତ୍ତମଃ ॥ ୧୦॥
ସର୍ୱୟଜ୍ଞଫଲଂ ପ୍ରାପ୍ୟ ବ୍ରହ୍ମାନ୍ତେ ସମବାପ୍ନୁୟାତ୍ ।
ପ୍ରାପ୍ନୋତି ଜପମାତ୍ରେଣ ପୁରୁଷାର୍ଥାଂଶ୍ଚତୁର୍ୱିଧାନ୍ ॥ ୧୧॥
ଇତି ଶ୍ରୀବିଶ୍ୱାମିତ୍ରସଂହିତୋକ୍ତଂ ଗାୟତ୍ରୀକବଚଂ ସମ୍ପୂର୍ଣମ୍ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀତତ୍ତ୍ୱସ୍ତୋତ୍ରମ୍ https://gayatree-upasana.blogspot.com/2022/10/blog-post_75.html
No comments:
Post a Comment