ଶ୍ରୀଗଣେଶାୟ ନମଃ ॥
ଶ୍ରୀପାର୍ୱତ୍ୟୁବାଚ ।
ଦେବଦେବ ମହାଦେବ ସଂସାରାର୍ଣବତାରକମ୍ ।
ଗାୟତ୍ରୀକବଚଂ ଦେବ କୃପୟା କଥୟ ପ୍ରଭୋ ॥ ୧॥
ଶ୍ରୀମହାଦେବ ଉବାଚ ।
ମୂଲାଧାରେ ସ୍ଥିତା ନିତ୍ୟଂ କୁଣ୍ଡଲୀ ତତ୍ତ୍ୱରୂପିଣୀ ।
ସୂକ୍ଷ୍ମାତିସୂକ୍ଷ୍ମପରମା ବିସତନ୍ତୁସ୍ୱରୂପିଣୀ ॥ ୨॥
ବିଦ୍ୟୁତ୍ପୁଞ୍ଜପ୍ରତୀକାଶା କୁଣ୍ଡଲୀ ଶ୍ରୁତିସର୍ପିଣୀ ।
ପରସ୍ୟ ବ୍ରହ୍ମଗ୍ରହଣୀ ପଞ୍ଚାଶଦ୍ୱର୍ଣରୂପିଣୀ ॥ ୩॥
ଶିବସ୍ୟ ନର୍ତକୀ ନିତ୍ୟା ପରବ୍ରହ୍ମପ୍ରପୂଜିତା ।
ବ୍ରାହ୍ମଣସ୍ୟୈବ ଗାୟତ୍ରୀ ଚିଦାନନ୍ଦସ୍ୱରୂପିଣୀ ॥ ୪॥
ବ୍ରହ୍ମଣ୍ୟବର୍ତ୍ମବାତେୟଂ ପ୍ରାଣାତ୍ମା ନିତ୍ୟନୂତନାତ୍ ।
ନିତ୍ୟଂ ତିଷ୍ଠତି ସାନନ୍ଦା କୁଣ୍ଡଲୀ ତବ ବିଗ୍ରହେ ॥ ୫॥
ଅତିଗୋପ୍ୟଂ ମହତ୍ପୁଣ୍ୟଂ ତ୍ରିକୋଟୀତୀର୍ଥସଂୟୁତମ୍ ।
ସର୍ୱଜ୍ଞାନମୟୀ ଦେବୀ ସର୍ୱଦାନମୟୀ ସଦା ॥ ୬॥
ସର୍ୱସିଦ୍ଧିମୟୀ ଦେବୀ ପାର୍ୱତୀ ପ୍ରାଣବଲ୍ଲଭା ।
ଓଁ ଓଁ ଓଁ ଓଁ ଭୂଃ ଓଁ ଓଁ ଭୁବଃ ଓଁ ଓଁ ସ୍ୱଃ ଓଁ ଓଁ ତ ଓଁ ଓଁ ତ୍ସ
ଓଁ ଓଁ ବି ଓଁ ଓଁ ତୁ ଓଁ ଓଁ ବ ଓଁ ଓଁ ରେ ଓଁ ଓଁ ଣ୍ୟଂ ଓଁ ଓଁ ଭ
ଓଁ ଓଁ ର୍ଗୋ ଓଁ ଓଁ ଦେ ଓଁ ଓଁ ବ ଓଁ ଓଁ ସ୍ୟ ଓଁ ଓଁ ଧୀ ଓଁ ଓଁ ମ
ଓଁ ଓଁ ହି ଓଁ ଓଁ ଧି ଓଁ ଓଁ ଯୋ ଓଁ ଓଁ ଯୋ ଓଁ ଓଁ ନଃ ଓଁ ଓଁ ପ୍ର
ଓଁ ଓଁ ଚୋ ଓଁ ଓଁ ଦ ଓଁ ଓଁ ଯାତ୍ ଓଁ Oମ୍ । ଓଁ ଭୂଃ ଓଁ
ପାତୁ ମେ ମୂଲଂ ଚତୁର୍ଦଲସମନ୍ୱିତମ୍ ।
ଓଁ ଭୁବଃ ଓଁ ପାତୁ ମେ ଲିଙ୍ଗଂ ସଜଲଂ ଷଡ୍ଦଲାତ୍ମକମ୍ ॥ ୭॥
ଓଂ ସ୍ୱଃ ଓଁ ପାତୁ ମେ କଣ୍ଠଂ ସକାଶାଂ ଦଲଷୋଡଶମ୍ ।
ଓଁ ତ ଓଁ ପାତୁ ମେ ରୂପଂ ବ୍ରହ୍ମାଣଂ କାରଣଂ ପରମ୍ ॥ ୮॥
ଓଁ ତ୍ସ ଓଁ ପାତୁ ମେ ବ୍ରହ୍ମାଣଂ ପାତୁ ସଦା ମମ ।
ଓଁ ବି ଓଁ ପାତୁ ମେ ଗନ୍ଧଂ ସଦା ଶିଶିରସଂୟୁତମ୍ ॥ ୯॥
ଓଁ ତୁ ଓଁ ପାତୁ ମେ ସ୍ପର୍ଶଂ ଶରୀରସ୍ୟ ଚ କାରଣମ୍ ।
ଓଁ ର୍ୱ ଓଁ ପାତୁ ମେ ଶବ୍ଦଂ ଶବ୍ଦବିଗ୍ରହକାରଣମ୍ ॥ ୧୦॥
ଓଁ ରେ ଓଁ ପାତୁ ମେ ନିତ୍ୟଂ ସଦା ତତ୍ତ୍ୱଶରୀରକମ୍ ।
ଓଁ ଣ୍ୟଂ ଓଁ ପାତୁ ମେ ହ୍ୟକ୍ଷଂ ସର୍ୱତତ୍ତ୍ୱୈକକାରଣମ୍ ॥ ୧୧॥
ଓଂ ଭ ଓଁ ପାତୁ ମେ ଶ୍ରୋତ୍ରଂ ଶ୍ରବଣସ୍ୟ ଚ କାରଣମ୍ ।
ଓଁ ର୍ଗୋ ଓଁ ପାତୁ ମେ ଘ୍ରାଣଂ ଗନ୍ଧୋପାଦାନକାରଣମ୍ ॥ ୧୨॥
ଓଁ ଦେ ଓଁ ପାତୁ ମେ ବାସ୍ୟଂ ସଭାୟାଂ ଶବ୍ଦରୂପିଣୀ ।
ଓଁ ବ ଓଁ ପାତୁ ମେ ବାହୁୟୁଗଲଂ ବ୍ରହ୍ମକ୍ରାରଣମ୍ ॥ ୧୩॥
ଓଁ ସ୍ୟ ଓଁ ପାତୁ ମେ ଲିଙ୍ଗଂ ଷଡ୍ଦଲଂ ଷଡ୍ଦଲୈର୍ୟୁରତମ୍ ।
ଓଁ ଧୀ ଓଁ ପାତୁ ମେ ନିତ୍ୟଂ ପ୍ରକୃତିଂ ଶବ୍ଦକାରଣମ୍ ॥ ୧୪॥
ଓଁ ମ ଓଂ ପାତୁ ମେ ନିତ୍ୟଂ ମନୋବ୍ରହ୍ମସ୍ୱରୂପିଣମ୍ ।
ଓଁ ହି ଓଁ ପାତୁ ମେ ବୁଦ୍ଧିଂ ପରବ୍ରହ୍ମମୟଂ ସଦା ॥ ୧୫॥
ଓଁ ଧିୟ ଓଁ ପାତୁ ମେ ନିତ୍ୟମହଙ୍କାରଂ ଯଥା ତଥା ।
ଓଁ ଯୋ ଓଁ ପାତୁ ମେ ନିତ୍ୟଂ ଜଲଂ ସର୍ୱତ୍ର ସର୍ୱଦା ।
ଓଁ ନଃ ଓଁ ପାତୁ ମେ ନିତ୍ୟଂ ତେଜଃପୁଞ୍ଜୋ ଯଥା ତଥା ॥ ୧୬॥
ଓଁ ପ୍ର ଓଁ ପାତୁ ମେ ନିତ୍ୟମନିଲଂ କାର୍ୟକାରଣମ୍ ।
ଓଁ ଚୋ ଓଁ ପାତୁ ମେ ନିତ୍ୟମାକାଶଂ ଶିବସନ୍ନିଭମ୍ ॥ ୧୭॥
ଓଁ ଦ ଓଁ ପାତୁ ମେ ଜିହ୍ୱାଂ ଜପୟଜ୍ଞସ୍ୟ କାରଣମ୍ ।
ଓଁ ଯାତ୍ ଓଁ ମେ ନିତ୍ୟଂ ଶିବଜ୍ଞାନମୟଂ ସଦା ॥ ୧୮॥
ତତ୍ତ୍ୱାନି ପାତୁ ମେ ନିତ୍ୟଂ ଗାୟତ୍ରୀ ପରଦୈବତମ୍ ।
କୃଷ୍ଣା ମେ ସତତଂ ପାତୁ ବ୍ରହ୍ମାଣୀ ଭୂର୍ଭୁବଃସ୍ୱରୋମ୍ ॥ ୧୯॥
ଓଁ ଅସ୍ୟ ଶ୍ରୀଗାୟତ୍ରୀକବଚସ୍ୟ ପରବ୍ରହ୍ମ ଋଷିଃ
ଋଗ୍ୟଜୁଃସାମାଥର୍ୱାଣଶ୍ଛନ୍ଦାଂସି, ବ୍ରହ୍ମା ଦେବତା,
ଧର୍ମାର୍ଥକାମମୋକ୍ଷାର୍ଥଂ ଜପେ ବିନିୟୋଗଃ ॥
ଓଁ ଭୂର୍ଭୁବଃସ୍ୱଃ ତତ୍ସବିତୁର୍ୱରେଣ୍ୟଂ ଭର୍ଗୋ ଦେବସ୍ୟ ଧୀମହି ।
ଧିୟୋ ଯୋ ନଃ ପ୍ରଚୋଦୟାତ୍ ।
କାମକ୍ରୋଧାଦିକଂ ସର୍ୱଂ ସ୍ମରଣାଦ୍ୟାତି ଦୂରତଃ ।
ଇଦଂ କବଚମଜ୍ଞାତ୍ୱା ବ୍ରହ୍ମବିଦ୍ୟାଂ ଜପେଦ୍ୟଦି ॥ ୨୦॥
ଶତକୋଟିଜପେନାପି ନ ସିଦ୍ଧିର୍ଜାୟତେ ପ୍ରିୟେ ।
ଗାୟତ୍ରୀକବଚାତ୍ସର୍ୱଂ ସ୍ମରଣାତ୍ସିଧ୍ୟତି ଧ୍ରୁବମ୍ ॥ ୨୧॥
ପଠିତ୍ୱା କବଚଂ ବିପ୍ରୋ ଗାୟତ୍ରୀଂ ସକୃଦୁଚ୍ଚରେତ୍ ।
ସର୍ୱପାପବିନିର୍ମୁକ୍ତୋ ଜୀବନ୍ମୁକ୍ତୋ ଭବେଦ୍ୱିଜଃ ॥ ୨୨॥
ଇଦଂ କବଚମଜ୍ଞାତ୍ୱା ତ୍ୱନ୍ୟଦ୍ୟଃ କବଚଂ ପଠେତ୍ ।
ସର୍ୱଂ ତସ୍ୟ ବୃଥା ଦେବି ତ୍ରୈଲୋକ୍ୟମଙ୍ଗଲାଦିକମ୍ ॥ ୨୩॥
ଗାୟତ୍ରୀ କବଚଂ ଯସ୍ୟ ଜିହ୍ୱାୟାଂ ବିଦ୍ୟତେ ସଦା ।
ତଦାଽମୃତମୟୀ ଜିହ୍ୱା ପବିତ୍ରା ଜପପୂଜନେ ॥ ୨୪॥
ଇଦଂ କବଚମଜ୍ଞାତ୍ୱା ବ୍ରହ୍ମବିଦ୍ୟାଂ ଜପେଦ୍ୟଦି ।
ବ୍ୟର୍ଥଂ ଭବତି ଚାର୍ୱଙ୍ଗି ତଜ୍ଜପୋ ବନରୋଦନମ୍ ॥ ୨୫॥
ବ୍ରହ୍ମହତ୍ୟା ସୁରାପାନଂ ସ୍ତେୟଂ ଗୁର୍ୱଙ୍ଗନାଗମଃ ।
ମହାନ୍ତି ପାତକାନ୍ୟସ୍ୟ ସ୍ମରଣାଦ୍ୟାନ୍ତି ଦୂରତଃ ॥ ୨୬॥
ନଶ୍ୱରଂ ମାଂସମେଦୋଽସ୍ଥିମଜ୍ଜାଶୁକ୍ରବିନିର୍ମିତମ୍ ॥ ୨୭॥
ବାତପିତ୍ତକଫୈର୍ୟୁକ୍ତଂ ସ୍ଥୂଲଦେହଂ ତଦୁଚ୍ୟତେ ।
ସୂକ୍ଷ୍ମଂ ଜ୍ୟୋତିର୍ମୟଂ ଦେହଂ ପଞ୍ଚଭୂତାତ୍ମକଂ ବିଦୁଃ ॥ ୨୮॥
ମହାପଦ୍ମବନାନ୍ତସ୍ଥଂ ସର୍ୱାବୟବସଂୟୁତମ୍ ।
ଆଧାରଦେହସମ୍ବନ୍ଧାଦ୍ଗାୟତ୍ରୀ ବ୍ରହ୍ମଣଃ ସ୍ୱୟମ୍ ॥ ୨୯॥
ଏତଦେବ ପରଂ ବ୍ରହ୍ମ କଥିତେ ଉଭୟାତ୍ମକେ ।
ବ୍ରାହ୍ମଣସ୍ୟୈବ ଜୀବାତ୍ମା ଗାୟତ୍ରୀସହିତୋ ବପୁଃ ॥ ୩୦॥
ଆତ୍ମନାଂ ହୃଦୟାମ୍ଭୋଜେ ପ୍ରଦୀପକଲିକୋପମମ୍ ।
ନିର୍ଧୂମଂ ଚ ଯଥା ଜ୍ୟୋତିସ୍ତୈଲାଗ୍ନିବର୍ତିୟୋଗତଃ ॥ ୩୧॥
ତଜ୍ଜ୍ୟୋତିଃ ପରମଂ ବ୍ରହ୍ମ ଶୁଭଦଂ ନାତ୍ର ସଂଶୟଃ ।
ଗାୟତ୍ରୀକବଚଂ ନ୍ୟାସଂ ମାତୃକାସ୍ଥାନସନ୍ଧିଷୁ ॥ ୩୨॥
ସ କୃତ୍ୱା ବ୍ରାହ୍ମଣଶ୍ରେଷ୍ଠ ଚାନ୍ୟନ୍ୟାସଂ ସମାଚରେତ୍ ।
ଅନ୍ୟନ୍ୟାସେ ତଥା ସିଦ୍ଧିରନ୍ୟଥାୟାଽରଣ୍ୟରୋଦନମ୍ ॥ ୩୩॥
ଗାୟତ୍ରୀନ୍ୟାସମାତ୍ରେଣ ପରବ୍ରହ୍ମମୟୋ ଦ୍ୱିଜଃ ।
ଇଦଂ କବଚମଜ୍ଞାତ୍ୱା ବ୍ରହ୍ମଚର୍ୟଂ କରୋତି ଯଃ ॥ ୩୪॥
ବ୍ରହ୍ମଚର୍ୟଂ ଭବେଦ୍ୱ୍ୟର୍ଥଂ ଗାୟତ୍ରୀକବଚଂ ବିନା ।
କବଚସ୍ୟ ପ୍ରସାଦେନ ବ୍ରାହ୍ମଣୋ ଜ୍ୱଲଦଗ୍ନିବତ୍ ॥ ୩୫॥
କବଚଂ ପରମେଶାନି ସୃଷ୍ଟିସ୍ଥିତିଲୟାତ୍ମକମ୍ ।
କବଚଂ ବ୍ରାହ୍ମଣ ଇଦଂ ପ୍ରାତରୁତ୍ଥାୟ ଯଃ ପଠେତ୍ ॥ ୩୬॥
ଗାୟତ୍ରୀଂ ସ ସକୃତ୍ସ୍ମୃତ୍ୱା ଜପଲକ୍ଷଫଲଂ ଭବେତ୍ ।
ଗାୟତ୍ରୀଂ ଦଶଧା ଜପ୍ତ୍ୱା ଦଶଲକ୍ଷଫଲଂ ଭବେତ୍ ॥ ୩୭॥
ଏବଂ କ୍ରମେଣ ଗାୟତ୍ରୀଂ ଶତଧା ପ୍ରଜପେଦ୍ୟଦି ।
ଶତଲକ୍ଷଫଲଂ ପ୍ରାପ୍ୟ ବିହରେଦ୍ଦେବବଦ୍ଭୁବି ॥ ୩୮
ସୂର୍ୟେନ୍ଦୋର୍ଗ୍ରହଣେ ଚେଦଂ ପଠିତ୍ୱା କବଚଂ ଦ୍ୱିଜଃ ।
ସକୃଦ୍ୟଦି ଜପେଦ୍ୱିଦ୍ୟାଂ ଗାୟତ୍ରୀଂ ପରମାକ୍ଷରାମ୍ ॥ ୩୯॥
ତତ୍କ୍ଷଣାତ୍ତୁ ଭବେତ୍ସିଦ୍ଧୋ ବ୍ରହ୍ମସାୟୁଜ୍ୟମାପ୍ନୁୟାତ୍ ।
ଇଦଂ କବକ୍ଷମଜ୍ଞାତ୍ୱା ଗାୟତ୍ରୀଂ ପ୍ରଜପେତ୍ତୁ ଯଃ ॥ ୪୦॥
ଜପ ଏବ ବୃଥା ତସ୍ୟ ନିସ୍ତେଜୋ ନ ଚ ସିଦ୍ଧିଦଃ ।
ଯଃ ପଠେତ୍କବଚଂ ଦେବି ସତତଂ ଶିବସନ୍ନିଧୌ ॥ ୪୧॥
ବିଷ୍ଣୁଦେବସ୍ୟ କବଚଂ ପ୍ରଜପେଚ୍ଛକ୍ତିସନ୍ନିଧୌ ।
ତେଜଃପୁଞ୍ଚମୟୋ ବିପ୍ରସ୍ତତ୍କ୍ଷଣାଜ୍ଜାୟତେ ଧ୍ରୁବମ୍ ॥ ୪୨॥
ଇତି ଶ୍ରୀରୁଦ୍ରୟାମଲେ ପାର୍ୱତୀଶ୍ୱରସମ୍ବାଦେ ଗାୟତ୍ରୀକବଚଂ ସମ୍ପୂର୍ଣମ୍ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀକବଚମ୍ ୪ https://gayatree-upasana.blogspot.com/2022/10/blog-post_95.html
No comments:
Post a Comment