ଭୈରବ ଉବାଚ -
ଶ୍ରୃଣୁ ଦେବି ପ୍ରବକ୍ଷ୍ୟାମି ଗାୟତ୍ରୀତତ୍ତ୍ୱମୁତ୍ତମମ୍ ।
ସ୍ତୋମଂ ମନ୍ତ୍ରମୟଂ ନାମ ସର୍ୱତନ୍ତ୍ରେଷୁ ଗୋପିତମ୍ ॥ ୧॥
ଅଙ୍ଗପଞ୍ଚାଙ୍ଗମୀଶାନି ମହାପାତକନାଶନମ୍ ।
ପୁଣ୍ୟପ୍ରଦଂ ବେଦସାରଂ ସର୍ୱତତ୍ତ୍ୱୋତ୍ତମୋତ୍ତମମ୍ ॥ ୨॥
ପରମାର୍ଥାଭିଖ୍ୟାତସ୍ୟ ସ୍ତୋତ୍ରସ୍ୟାସ୍ତି ଋଷିଃ ଶିବଃ ।
ତ୍ରିଷ୍ଟୁପ୍ ଛନ୍ଦୋ ମହାଦେବି ତ୍ରିପଦୀ ଦେବତା ସ୍ମୃତା ॥ ୩॥
ତାରଂ ବୀଜଂ ଶିରଃ ଶକ୍ତିଃ ସ୍ୱର୍ଗଂ କୀଲକମୀଶ୍ୱରି ।
ଧର୍ମାର୍ଥକାମମୋକ୍ଷାର୍ଥେ ବିନିୟୋଗ ଇତି ସ୍ମୃତଃ ॥ ୪॥
ଧ୍ୟାନମ୍-
ଚତୁର୍ଭୁଜାମର୍କସହସ୍ରକୋଟିଭାଂ
ତ୍ରିଲୋଚନାଂ ହାରକିରୀଟଶୋଭିତାମ୍ ।
କପାଲଖଟ୍ୱାଙ୍ଗଧରାଂ ମହୋଜ୍ଜ୍ୱଲାଂ
(ଶ୍ରୁତୀ) ଶ୍ୱରୀ ପଞ୍ଚମୁଖୀଂ ଭଜାମ୍ୟହମ୍ ॥ ୧॥
ବିବିଧମଣିମୟୂରବୈଃ ସ୍ଫୀତକେୟୂରହାରାଂ
ପ୍ରବରକନକକାଞ୍ଚୀକିଙ୍କିଣୀକିଙ୍କିଣାଢ୍ୟାମ୍ ।
ସକଲଭୁବନରକ୍ଷାସୃଷ୍ଟିସଂହାରକର୍ତ୍ରୀଂ
ନିଗମପରମବିଦ୍ୟାମାଶ୍ରୟେ ବେଦଧାତ୍ରୀମ୍ ॥ ୨॥
ପ୍ରଣବଂ ମନୁରାଜମୌଲିରତ୍ନୋପରି
ଦେବେଶ୍ୱରି ବେଦସାଗରୋତ୍ଥାମ୍ ।
ପ୍ରଜୟେ ହୃଦୟେ ଦୟଃ ସମୁଦ୍ରଃ ସତତଂ
ବ୍ରହ୍ମବିଦୀଶ୍ୱରୋ ଭବେଦ୍ୟ ଏକଃ ॥ ୩॥
ଶଙ୍କା ଭବେଚ୍ଚୈବ ବିହାୟ ଶଙ୍କା
କଙ୍କାଲମାଲାଭରଣୋ ନିଶୀଥେ ।
କୃଶାନୁଭାନୁପ୍ରଭୟା ସମାନୋ
ବିମାନଚାରୀ ସ ଭବେତ ସମାନଃ ॥ ୪॥
ନୃବୀଜମନ୍ତଃ ଶିବଶକ୍ତିରୂପଂ
ବିଭୋର୍ଜପେଦ୍ୟଃ ତ୍ରିପଦୀରହସ୍ୟମ୍ ।
ସ କାମୁକଃ କାମକଲାବିଦଗ୍ଧୋ
ଭବେତ୍ତୁ ରମ୍ଭାଙ୍ଗବିଲାସଭାଗୀ ॥ ୫॥
ତ୍ରିକୂଟବୀଜଂ ତବ ମନ୍ତ୍ରମଧ୍ୟେ
ଜପେଦ୍ଭବାନି ସ୍ମରତପ୍ତଚେତା ।
ସ ମୀନକାମାଂଶ୍ଚ ନିଦାଘମେଧୋ
ଭବେଦ୍ଭୁବୋ ଭୂପବୁଧୋ ଜନେନ୍ଦ୍ରଃ ॥ ୬॥
ସ୍ମରଜପେଦ୍ୟଃ ପରମାର୍ଥପଥ୍ୟାଂ
ନିର୍ୱାଣପଥ୍ୟାଂ ତବ ପଞ୍ଚବକ୍ତ୍ରେ ।
ସମସ୍ତଲୋକାଧିପତିଃ ପୁରେଽସୌ
ଭବେତ୍ପରାନୁଗ୍ରହଭାଜନଂ ସଃ ॥ ୭॥
ପରାଂ ଜପେଦ୍ୟଃ ପରମାର୍ଥତଥ୍ୟାଂ
ନିର୍ୱାଣରଥ୍ୟାଂ ତବ ପଞ୍ଚବକ୍ତ୍ରେ ।
ସୁଲୋଚନାଂଲୋଚନବୀକ୍ଷଣୋରୁ
ପ୍ରଭାବପୀୟୂଷରସାକୁଲାତ୍ମା ॥ ୮॥
ଲକ୍ଷ୍ମୀଂ ଜପେଦ୍ୟଃ ପରବର୍ଗଭୀତଃ
ଶ୍ମଶାନଭୂମୌ ଶିବବେଷଧାରୀ ।
ତସ୍ୟୈ (-ବ) ବଶ୍ୟା କମଲାକରସ୍ଥା
ଯା ବିଷ୍ଣୁପତ୍ନୀ କମଲାକରସ୍ଥା ॥ ୯॥
ବାଣୀ ଯଦା କଣ୍ଠଜଲେ ଜପେଦ୍ୟୋ
ଦଶାୟୁତଂ ଦୁର୍ଦଶୟାଭିଭୂତଃ ।
ସ ବୈରିବର୍ଗ ସମରେ ନିହତ୍ୟ
ଭବେଦ୍ଭବାନୀତନୟୋ ଦିବେନ୍ଦ୍ରଃ ॥ ୧୦॥
ଭୀମାଂ ଜପେଦ୍ୟୋ ବରତାନ୍ତକାଲେ
ନିତାନ୍ତମମ୍ଭୋଜଦଲାସନସ୍ଥଃ ।
ସ ଭୀମରୂପୋଽରିକୁଲଂ ବିହନ୍ୟା-
ଦନ୍ତେ ଲଭେତ୍କାମପଦଂ ତ୍ରିପାଦ୍ୟାଃ ॥ ୧୧॥
ମନ୍ତ୍ର ଜପେଦ୍ୟଃ ଶୁଚିରର୍ଚନାୟାଂ
ଚତୁର୍ଭୁଜେ ହବ୍ୟଭୁଜଃ ସମକ୍ଷମ୍ ।
ସ ଗାଣପତ୍ୟଂ ପ୍ରତିପଦ୍ୟ ଦେବ୍ୟା
ସ୍ତଥା ଭବେଦ୍ୱିଶ୍ୱନୃପାଧିନାଥଃ ॥ ୧୨॥
ଗାୟତ୍ରୀତ୍ୟଭିଧାକ୍ଷରତ୍ରୟମିଦଂ ବେଦାର୍ଥତତ୍ତ୍ୱଂ ପରଂ
ଯୋ ଧ୍ୟାୟେଦ୍ଧୃଦୟାରବିନ୍ଦକୁହରେ ପ୍ରାତର୍ନିଶୀଥେଽଥବା ।
ଚୈନାଚାରବିଚାରମାର୍ଗନିପୁଣୋ ବେଦାନ୍ତସାରୋଦ୍ଧୃତଂ
ପ୍ରୋଦ୍ଭୂତାଗମତତ୍ତ୍ୱବିତ୍ତୁ ତ୍ରିପଦୀଧାମ ସ୍ୱୟଂ ଯାସ୍ୟତି ॥ ୧୩॥
ରମା (ସୁୟୋଗୀ) ଗିରିଗହ୍ୱରାନ୍ତେ
ଜପେଦ୍ଗିରୀଶାଙ୍କପତେଃ ସମୀପେ ।
ସ ଯୋଗିଗମ୍ୟୋ ଗୁରୁଗର୍ୱହାରୀ
ଗିରାଂ ଭବେଦିନ୍ଦ୍ରସମୁଚ୍ଚିତାଘ୍ରିଃ ॥ ୧୪॥
ମାୟାଂ ଜପେଦ୍ୟଃ ସ୍ମରୟୁକ୍ତଚେତା
ଜଟାକିରୀଟେନ୍ଦୁକଲେ ତବାଗ୍ରେ ।
ସ ବୈଷ୍ଣବେନ୍ଦୌ ସୁରନାଥମୌଲିଃ
ସ୍ଫୁରନ୍ମଣିଜ୍ୟୋତିବିରାଜିତାଙ୍ଘ୍ରିଃ ॥ ୧୫॥
ମା ବୀଜମିନ୍ଦୁସ୍ଫୁରତୋର୍ଧ୍ୱବୀଜଂ
ଜପେନ୍ନିଶୀଥେ ଶୀର୍ଷାସନସ୍ଥଃ ।
ଯୋ ବୀରମାତୈକପରଃ ସ ସଦ୍ୟୋ
ଭବେଦ୍ଧରାୟାଂ ନୃପସାର୍ୱଭୌମଃ ॥ ୧୬॥
ମାୟାୟୁଗଂ ଯଃ ପ୍ରଜପେଦ୍ରତାଦୌ
(ନାରୀ-) ମୁଖାସକ୍ତମୁଖୋ ନିଶୀଥେ ।
ସ ଲୋକପାଲାର୍ଚିତପାଦପଦ୍ମୋ
ଭବେଦ୍ଭବାନ୍ତେ ଭୁବନାଧି ନାଥଃ ॥ ୧୭॥
ବାଣୀ ଜପେଦ୍ୟୋ ଜଡଭାବୟୁକ୍ତୋ
ବେଦାନ୍ତତତ୍ତ୍ୱୈକପରୋ ଭବେଚ୍ଚ ।
ତସ୍ୟାସ୍ୟପଦ୍ମେ ବସତିଂ ବିଧାୟ
ନନର୍ତ୍ତି ବାଣୀ ବିଦୁଷାଂ ସଭାୟାମ୍ ॥ ୧୮॥
ଯୋ ବାୟୁପୂଜ୍ୟାଂ ସୁରତାବସାନେ
ଜପେନ୍ନିଶୀଥେ ଶଶିଖଣ୍ଡଚୂଡେ ।
ସ ବାୟୁପୂଜ୍ୟୋ ବଲବାନ୍ ପ୍ରୟାତି
ତଦ୍ଧାମ ସତ୍ୟଂ ତ୍ରିଦିବେନ୍ଦ୍ରତୁଲ୍ୟଃ ॥ ୧୯॥
କାନ୍ତାର୍ଣମନ୍ତର୍ଜପତେ ସ୍ମରାନ୍ତେ
ଯୋ ବେଦମାତର୍ଦିବସାବସାନେ ।
ବଶ୍ୟୋ ବଶୀ ତସ୍ୟ ପଦାରବିନ୍ଦେ
ସୁଶ୍ରୂଷମାଣୋ ଭବତା ଭବନ୍ତି ॥ ୨୦॥
ମନ୍ତ୍ରାନ୍ତରସ୍ଥଂ ଠଦ୍ୱୟଂ ଜପେଦ୍ୟସ୍
ତେଜୋରୂପଂ ସାଧକସାଧକେଶି ।
ତସ୍ୟାପ୍ୟାସ୍ୟେ ଭାରତୀ ତସ୍ୟ ହସ୍ତେ
ଲକ୍ଷ୍ମୀଃ କୁର୍ୟାଦ୍ୱାସ ଆକଲ୍ପକାଲମ୍ ॥ ୨୧॥
ଭୂଗେହବୃତ୍ତସ୍ରୟଷୋଡଶାର
ନାନାସ୍ତ୍ରଦିକ୍କୋଣୟୁଗାନି ବିନ୍ଦୌ ।
ନିଷେଦୁଷୀଂ ଶୀଧୁରସାକୁଲାକ୍ଷୀ
ଜ୍ୟକ୍ଷୀଂ ତ୍ରିବର୍ଣାଂ ତ୍ରିପଦାଂ ଭଜାମି ॥ ୨୨॥
ଦେବି ତ୍ରୈଲୋକ୍ୟମାତର୍ଲଗୁଡବରକରେ ପୁଷ୍ପମାଲାବତଂସେ
ନାନାରତ୍ନପ୍ରଭାଢ୍ୟେ ତ୍ରିନୟନବିଲସତ୍ସୂର୍ୟଚନ୍ଦ୍ରାଗ୍ନିନେତ୍ରେ ।
ପୀଠେ ବୈ ପଞ୍ଚବକ୍ତ୍ରେ ବଲୟମଣିବିଭାଭାସୁରେ ନୂପୁରାଢ୍ୟେ
ଶ୍ରୀମନ୍ନୀଲୋତ୍ପଲାଭେ ତ୍ରିଭୁବନହୃଦୟେ ବେଦମାତଃ ପ୍ରସୀଦ ॥ ୨୩॥
ଇତି ସ୍ତୋତ୍ରଂ ପୁଣ୍ୟଂ ପରମମନୁମୟତତ୍ତ୍ୱସହିତଂ
ପଠେଦ୍ୱା ଗାୟତ୍ରୀଂ ନିଶି କୁଜଦିନେ ବାପି ସତତମ୍ ।
ପଠେଦ୍ୱାଽସୌ ଦାନ୍ତଃ (ସକଲମପି) ଶାସ୍ତ୍ରଂ ଗମୟତି
ଲଭେଲ୍ଲକ୍ଷ୍ମୀଂ ପ୍ରାନ୍ତେ ପରମପଦବୀମାତୃକାମପି ॥ ୨୪॥
ଏତଦ୍ଦେବୀପଞ୍ଚାଙ୍ଗଂ ସର୍ୱ ସାରମନୁତ୍ତମମ୍ ।
ଗାୟତ୍ର୍ୟାସ୍ତତ୍ତ୍ୱମୀଶାନି ଚତୁର୍ୱେଦରହସ୍ୟକମ୍ ॥ ୨୬॥
ସର୍ୱସାରମୟଂ ସିଦ୍ଧିପ୍ରଦଂ ଭୋଗାପବର୍ଗଦମ୍ ।
ସର୍ୱତନ୍ତ୍ରେଷୁ ଗୁପ୍ତଂ ଚ ମହାଦିବ୍ୟଂ ମହାପଦମ୍ ॥ ୨୭॥
ନ ଦାତବ୍ୟମଭକ୍ତାୟ କୁଚୈଲାୟ ଦୁରାତ୍ମନେ ।
ଅନ୍ୟଶିଷ୍ୟାୟ ନୋ ଦେୟଂ ଦତ୍ତ୍ୱା ନିରୟମାପ୍ନୁୟାତ୍ ॥ ୨୮॥
ଶିଷ୍ୟାୟ ଶୁଦ୍ଧମନସେ ଗୁରୁଭକ୍ତାୟ ପାର୍ୱତି ।
ଦୀକ୍ଷିତାୟ କୁଲୀନାୟ ଦେୟଂ ସାଧକସତ୍ତମେ ॥ ୨୯॥
ଇତୀଦଂ ଦେବି ଗାୟତ୍ର୍ୟାସ୍ତତ୍ତ୍ୱସାରରହସ୍ୟକମ୍ ।
ଗୁହ୍ୟଂ ଗୋପ୍ୟଂ ନ ଦାତବ୍ୟଂ ଗୋପନୀୟଂ ପ୍ରୟତ୍ନତଃ ॥ ୩୦॥
ଇତି ଶ୍ରୀ ରୂଦ୍ରୟାମଲତନ୍ତ୍ରେ ଗାୟତ୍ରୀରହସ୍ୟେ
ପରମାର୍ଥଦେବତାତ୍ରିପଦୀଗାୟତ୍ରୀପଞ୍ଚାଙ୍ଗଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀରାଜୋପଚାରମାନସପୂଜା https://gayatree-upasana.blogspot.com/2022/10/blog-post_29.html
No comments:
Post a Comment