୧. ଧ୍ୟାନମ୍ -
ମୁକ୍ତାବିଦ୍ରୁମହେମନୀଲଧବଲଚ୍ଛାୟୈର୍ମୁଖୈସ୍ତ୍ରୀକ୍ଷଣେ -
ର୍ୟୁକ୍ତାମିନ୍ଦୁକଲାନିଦ୍ଧମୁକୁଟାଂ ତତ୍ତ୍ୱାର୍ଥବର୍ଣାତ୍ମିକାମ୍ ।
ଗାୟତ୍ରୀଂ ବରଦାଽଭୟାଙ୍କୁଶକଶାଂ ଶୁଭ୍ରଂ କପାଲଂ ଗଦା
ଶଙ୍ଖଂ ଚକ୍ରମଥାରବିନ୍ଦୟୁଗଲଂ ହସ୍ତୈର୍ୱହନ୍ତୀଂ ଭଜେ ॥ ୧॥
୨. ଆବାହନମ୍ -
ଉଷସି ମାଗଧମଙ୍ଗଲଗାୟନୈର୍ଝଟିତି ଜାଗୃହିଂ ଜାଗୃହି ଜାଗୃହି
ଅତିକୃପାର୍ଦ୍ରକଟାକ୍ଷନିରୀକ୍ଷଣୈର୍ଜଗଦିଦଂ ସୁଖିନଂ କୁରୁ ହେଽମ୍ବିକେ ॥
ଓଁ ଐଂ ହୀ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଆବାହନଂ ସମର୍ପୟାମି ନମଃ ।
ଓଁ କନକମୟବିତର୍ଦିଶୋଭମାନଂ
ଦିଶି ଦିଶି ପୂର୍ଣସୁବର୍ଣକୁମ୍ଭୟୁକ୍ତମ୍ ।
ମଣିମୟଶୁଭମଣ୍ଡପଂ ତ୍ୱମେହି
ମୟି କୃପୟେତି ସମର୍ଚନଂ ଗ୍ରହୀତୁମ୍ ॥ ୨॥
୩. ଆସନମ୍ -
କନକମୟବିତର୍ଦିସ୍ଥାପିତେ ତୂଲିକାଢ୍ୟେ
ବିବିଧକୁସୁମକୀର୍ଣେ କୋଟିବାଲାର୍କବର୍ଣେ ।
ଭଗବତି ରମଣୀୟେ ରତ୍ନସିଂହାସନେଽସ୍ମିନ୍
ଉପବିଶ ପଦୟୁଗ୍ମଂ ହେମପୀଠେ ନିଧେହି ॥ ୩॥
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ହେମପୀଠ ଆସନଂ ସମର୍ପୟାମି ନମଃ ॥
୪. ପାଦ୍ୟମ୍ -
ଦୂର୍ୱୟା ସରସିଜାନ୍ୱିତମାତଃ କାନ୍ତୟା ଚ ସହିତଂ କୁସୁମାଢ୍ୟମ୍ ।
ପଦ୍ମୟୁଗ୍ମସଦୃଶେ ପଦୟୁଗ୍ମେ ପାଦ୍ୟମେତଦୁରରୀକୁରୁ ମାତଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ପାଦ୍ୟପାତ୍ରାତ୍ପାଦୟୋଃ
ପାଦ୍ୟଂ ସମର୍ପୟାମି ନମଃ ॥ ୪॥
୫. ଅର୍ଘ୍ୟମ୍ -
ଗନ୍ଧପୁଷ୍ପୟବସର୍ଷପଦୂର୍ୱାସଂୟୁତଂ କୁଶତିଲାକ୍ଷତମିତ୍ରମ୍ ।
ହେମପାତ୍ରନିହିତଂ ସହରତ୍ନୈରର୍ଘ୍ୟମେତଦୁରରୀକୁରୁ ମାତଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଅର୍ଘ୍ୟପାତ୍ରାତ୍
ହସ୍ତୟୋରର୍ଘ୍ୟଂ ସମର୍ପୟାମି ନମଃ ॥ ୪॥
୬. ଆଚମନୀୟମ୍ -
ଜଲଜଦୟୁତିନା କରେଣ ଜାତୀଫଲକଙ୍କୋଲଲବଙ୍ଗଗନ୍ଧୟୁକ୍ତୈଃ ।
ଅମୃତୈରମୃତୈରିବାଶ୍ରିତୈତଦ୍ଭଗବତ୍ୟାଚମନଂ ବିଧୀୟତାମ୍ ।
ଓଁ ଐ ହୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଆଚମନୀୟପାତ୍ରାଦାଚମନୀୟଂ
ସମର୍ପୟାମି ନମଃ ॥ ୬॥
୭. ମଧୁପର୍କଃ-
ମଧୁନିହିତଂ କନକସ୍ୟ ସମ୍ପୁଟେ ପିହିତଂ ରତ୍ନପିଧାନକେନ ଯତ୍ ।
ତଦିଦଂ ଭଗବତି କରେଽର୍ପିତଂ ତେ ମଧୁପର୍କଂ ଜନନି ପ୍ରଗୃହ୍ୟତାମ୍ ।
ଓଁ ଐ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ମଧୁପର୍କପାତ୍ରାତ୍
ମଧୁପର୍କଂ ସମର୍ପୟାମି ନମଃ ॥ ୭॥
୮. ଆଚମନୀୟମ୍ -
ପାଦ୍ୟାନ୍ତେ ପରିକଲ୍ପିତଂ ଚ ପଦୟୋରର୍ଘ୍ୟଂ ତଥା ହସ୍ତୟୋଃ
ସୌଧୀଭିର୍ମଧୁପର୍କମମ୍ବ ମଧୁରଂ ଧାରାଭିରାସ୍ୱାଦୟଃ ।
ତୋୟେନାଚମନଂ ବିଧେହି ଶୁଚିନା ଗାଙ୍ଗେନ ଯତ୍କଲ୍ପିତଂ
ସାଷ୍ଟାଙ୍ଗପ୍ରାଣିପାତୟୁକ୍ତଶିଶୁକଂ ଦୃଷ୍ଟ୍ୟା କୃତାର୍ଥୀକୁରୁ ।
ଓଁ ଐ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଆଚମନୀୟପାତ୍ରାଦିଦମାଚମନୀୟଂ
ସମର୍ପୟାମି ନମଃ ॥ ୮॥
୯. ସ୍ନାନମ୍ -
ଗଙ୍ଗାସରସ୍ୱତୀରେବାପୟୋଷ୍ଣୀନର୍ମଦାଜଲୈଃ ।
ସ୍ନାପିତାଽସି ମୟା ଦେବି ପ୍ରସୀଦ ପରମେଶ୍ୱରି ।
ଓଁ ଐ ହୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନାନାନଦୀନାଂ
ଜଲୈଃ ସ୍ନାନଂ ସମର୍ପୟାମି ନମଃ ॥ ୯॥
୧୦. ପଞ୍ଚାମୃତସ୍ନାନମ୍ -
ପୟୋ ଦଧି ଘୃତଂ ଚୈବ ମଧୁଶର୍କରୟା ଯୁତମ୍ ।
ପଞ୍ଚାମୃତଂ ମୟାଽଽନୀତଂ ସ୍ନାନାର୍ଥଂ ପ୍ରତିଗୃହ୍ୟତାମ୍ ।
ଓଁ ଐ ହୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ପଞ୍ଚାମୃତସ୍ନାନଂ
ସମର୍ପୟାମି ନମଃ ॥ ୧୦॥
୧୧. ପୟଃ ସ୍ନାନମ୍ -
ସ୍ୱଧେନୁଜାତଂ ବଲବୀର୍ୟବର୍ଦ୍ଧନଂ ଦିବ୍ୟାମୃତାତ୍ୟନ୍ତରସପ୍ରଦଂ ଶୁଭମ୍ ।
ଶ୍ରୀ ଚଣ୍ଡିକେ ଦୁଗ୍ଧସମୁଦ୍ରସମ୍ଭବେ ଗୃହାଣ ଦୁଗ୍ଧଂ ମନସା ସମର୍ପିତମ୍ ।
ଓଁ ଐ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଦୁଗ୍ଧସ୍ନାନଂ
ସମର୍ପୟାମି ନମଃ ॥ ୧୧॥
୧୨. ଦଧିସ୍ନାନମ୍ -
କ୍ଷୀରୋଦ୍ଭବଂ ସ୍ୱାଦୁ ସୁଧାମୟଂ ଚ
ଶ୍ରୀଚନ୍ଦ୍ରକାନ୍ତିସଦୃଶଂ ସୁଶୋଭନମ୍ ।
ଶ୍ରୀ ଚଣ୍ଡିକେ ଶୁମ୍ଭନିଶୁମ୍ଭନାଶିନି
ସ୍ନାନାର୍ଥମଙ୍ଗୀକୁରୁ ଚାର୍ପିତଂ ଦଧି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଦଧିସ୍ନାନଂ
ସମର୍ପୟାମି ନମଃ ॥ ୧୨॥
୧୩. ଘୃତସ୍ନାନମ୍ -
ଶ୍ରୀକ୍ଷୀରଜୋଦ୍ଭୂତମିଦଂ ମନୋଜ୍ଞଂ ପ୍ରଦୀପ୍ତବହ୍ନିଦୟୁତିପାବିତଂ ଚ ।
ଶ୍ରୀଚଣ୍ଡିକେ ଦୈତ୍ୟବିନାଶଦକ୍ଷେ ହୈୟଙ୍ଗବୀନଂ ପରିଗ୍ଟହ୍ୟତାଂ ଚ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଘୃତସ୍ନାନଂ
ସମର୍ପୟାମି ନମଃ ॥ ୧୩॥
୧୪. ମଧୁସ୍ନାନମ୍ -
ମାଧୁର୍ୟମିଶ୍ରଂ ମଧୁମକ୍ଷିକାଗଣୈର୍ୱୃକ୍ଷାଲିରମ୍ୟେ ମଧକାନନେ ଚିତମ୍ ।
ଶ୍ରୀଚଣ୍ଡିକେ ଶଙ୍କରପ୍ରାଣବଲ୍ଲଭେ
ସ୍ନାନାର୍ଥମଙ୍ଗୀକୁରୁ ତେଽର୍ପିତଂ ମଧୁ ।
ଓଁ ଐଂ ହୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ମଧୁସ୍ନାନଂ
ସମର୍ପୟାମି ନମଃ ॥ ୧୪॥
୧୫. ଶର୍କରାସ୍ନାନମ୍ -
ପୂର୍ଣେକ୍ଷୁକାମ୍ଭୋଧିସମୁଦ୍ଭବାମିମାଂ ମାଣିକ୍ୟମୁକ୍ତାଫଲଦାନମଞ୍ଜୁଲାମ୍ ।
ଶ୍ରୀଚଣ୍ଡିକେ ଚଣ୍ଡବିନାଶକାରିଣି ସ୍ନାନାର୍ଥମଙ୍ଗୀକୁରୁ ଶର୍କରାଂ ଶୁଭାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଶର୍କରାସ୍ନାନଂ
ସମର୍ପୟାମି ନମଃ ॥ ୧୫॥
୧୬. ଜଲସ୍ନାନମ୍ -
ଓଁ ତସ୍ମାଦ୍ୟଜ୍ଞାତ୍ସର୍ୱହୁତଃ ସମ୍ଭୃତଂ ପୃଷଦାଜ୍ୟମ୍ ।
ପଶୂଂସ୍ତାଂଶ୍ଚକ୍ରେ ବାୟବ୍ୟାନାରଣ୍ୟା ଗ୍ରାମ୍ୟାଶ୍ଚ ଯେ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଜଲସ୍ନାନଂ
ସମର୍ପୟାମି ନମଃ ॥ ୧୬॥
୧୭. ଇକ୍ଷୁରସସ୍ନାନମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଇକ୍ଷୁରସସ୍ନାନଂ
ସମର୍ପୟାମି ନମଃ ॥ ୧୭॥
୧୮. ସୁଗନ୍ଧିତୈଲମ୍ -
ଏତତ୍ୱମ୍ପକତୈଲମମ୍ବ ବିବିଧୈଃ ପୁଷ୍ପୈର୍ମୁହୁର୍ୱାସିତଂ
ନ୍ୟସ୍ତଂ ରତ୍ନମୟେ ସୁବର୍ଣଚଷକେ ଭୃଙ୍ଗୈର୍ଧମଦ୍ଭିର୍ୱୃତମ୍ ॥
ସାନନ୍ଦଂ ଶୁଭସୁନ୍ଦରୀଭିରଭିତୋ ହସ୍ତେ ଧୃତେ ଚିନ୍ମୟେ
କେଶେଷୁ ଭ୍ରମରପ୍ରଭେଷୁ ସକଲସ୍ୱାଙ୍ଗେଷୁ ଚାଲିପ୍ୟତାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସୁଗନ୍ଧିତତୈଲଂ
ସମର୍ପୟାମି ନମଃ ॥ ୧୮॥
୧୯. ଉଦ୍ୱର୍ତ୍ତନସ୍ନାନମ୍ -
ମାତଃ କୁଙ୍କୁମପଙ୍କନିର୍ମିତମିଦଂ ଦେହେ ତବୋଦ୍ୱର୍ତ୍ତନଂ
ଭକ୍ତ୍ୟାହଂ କଲୟାମି ହୈମରଜସା ସମ୍ମିଶ୍ରିତଂ କେସରୈଃ ।
କେଶାନାନାମଲକୈର୍ୱିଶୋଧ୍ୟ ବିଶଦଂ କସ୍ତୂରିକାଦ୍ୟର୍ଚିତୈଃ
ସ୍ନାନଂ ତେ ନବରତ୍ନକୁମ୍ଭବିଧିନା ସମ୍ବାସିତୋଷ୍ଣୋଦକୈଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଉଦ୍ୱବର୍ତ୍ତନସ୍ନାନଂ
ସମର୍ପୟାମି ନମଃ ॥ ୧୯॥
୨୦. ସୁଗନ୍ଧିଜଲମ୍ -
ଏଲୋଶୀରସୁବାସିତୈଃ ସକୁସୁମୈର୍ଗଙ୍ଗାଦିତୀର୍ଥୋଦକୈଃ
ମାଣିକ୍ୟାଦିକମୌକ୍ତିକାମୃତୟୁତୈଃ ସ୍ୱଚ୍ଛୈଃ ସୁବର୍ଣୋଦକୈଃ ।
ମନ୍ତ୍ରାନ୍ ବୈଦିକତାନ୍ତ୍ରିକାନ୍ ପରିପଠନ୍ ସାନନ୍ଦମତ୍ୟାଦରଂ
ସ୍ନାନଂ ତେ ପରିକଲ୍ପୟାମି ଜନନି ସ୍ନେହାତ୍ତ୍ୱମଙ୍ଗୀକୁରୁ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସୁଗନ୍ଧିଜଲସ୍ନାନଂ
ସମର୍ପୟାମି ନମଃ ॥ ୨୦॥
୨୧. ଶୁଦ୍ଧୋଦକସ୍ନାନମ୍ -
ଉଦ୍ଗନ୍ଧୈରଗୁରୂଦ୍ଭବୈଃ ସୁରଭିଣା କସ୍ତୂରିକାବାରିଣା
ସ୍ଫୂର୍ଜତ୍ସୌରଭୟକ୍ଷକର୍ଦମଜଲୈଃ କାଶ୍ମୀରନୀଲୈରପି ॥
ପୁଷ୍ପାମ୍ଭୋଭିରଶେଷତୀର୍ଥସଲିଲୈଃ କର୍ପୂରବାସୋଭରୈଃ
ସ୍ନାନଂ ତେ ପରିକଲ୍ପୟାମି କମଲେ ଭକ୍ତ୍ୟା ତଦଙ୍ଗୀକୁରୁ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଶୁଦ୍ଧୋଦକସ୍ନାନଂ
ସମର୍ପୟାମି ନମଃ ॥ ୨୧॥
୨୨. ବସ୍ତ୍ରମ୍ -
ବାଲାର୍କଦ୍ୟୁତି ଦାଡିମୀୟକୁସୁମପ୍ରସ୍ପର୍ଦ୍ଧି ସର୍ୱୋତ୍ତମ
ମାତସ୍ତ୍ୱଂ ପରିଧେହି ଦିବ୍ୟବସନଂ ଭକ୍ତ୍ୟା ମୟା କଲ୍ପିତମ୍ ।
ମୁକ୍ତାଭିର୍ଗ୍ରନ୍ଥିତଂ ଚ କଞ୍ଚୁକମିଦଂ ସ୍ୱୀକୃତ୍ୟ ପୀତପ୍ରଭଂ
ତପ୍ତସ୍ୱର୍ଣସମାନବର୍ଣମତୁଲଂ ପ୍ରାବାରମଙ୍ଗୀକୁରୁ ।
ଓଁ ଐଂ ହୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ବସ୍ତ୍ରଂ ସମର୍ପୟାମି ନମଃ ॥ ୨୨॥
୨୩. ଉପବସ୍ତ୍ରମ୍ -
କୌଶେୟୈର୍ଗ୍ରଥିତଂ ଦିବ୍ୟଂ ନାନରତ୍ନୟୁତଂ ବରମ୍ ।
ଉପବସ୍ତ୍ରଂ ମୟା ଦତ୍ତଂ ଗୃହାଣ ପରମେଶ୍ୱରି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଉପବସ୍ତ୍ରଂ
ସମର୍ପୟାମି ନମଃ ॥ ୨୩॥
୨୪. ଆଚମନମ୍ -
ଭୂପାଲଦିକ୍ପାଲକିରୀଟରତ୍ନମରୀଚିୟୋଗାର୍ଚିତପାଦପୀଠୈଃ ।
ଦେବୈଃ ସମାରାଧିତପାଦପଦ୍ୟୈଃ ଶ୍ରୀଚଣ୍ଡିକେ ସ୍ୱାଚମନଂ ଗୃହାଣ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଆଚମନଂ
ସମର୍ପୟାମି ନମଃ ॥ ୨୪॥
୨୫. ପାଦୁକେ -
ନବରତ୍ନୟୁତେ ମୟାର୍ପିତେ କମନୀୟେ ତପନୀୟପାଦୁକେ । -
ସବିଲାସମିଦଂ ପଦଦ୍ୱୟଂ କୃପୟା ଦେବି ତୟୋର୍ନିଧୀୟତାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ରତ୍ନଖଚିତସ୍ୱର୍ଣନିର୍ମିତେ
ପାଦୁକେ ସମର୍ପୟାମି ନମଃ ॥ ୨୫॥
୨୬. ମଣ୍ଡପପ୍ରବେଶମ୍ -
ନାନାରତ୍ନସମାକୀର୍ଣଂ ମଣିସ୍ତମ୍ଭବିରାଜିତମ୍ ।
ମଣ୍ଡପଂ ପ୍ରବିଶ ତ୍ୱଂ ହେ ମାତଃ ଶୀଘ୍ରଂ ପ୍ରସୀଦ ମେ ।
ଓଁ ଐଂ ହ୍ରୀଂ ଶ୍ରୀଂ ଭଗବତି ମାତଃ ମଣ୍ଡପଂ ପ୍ରବିଶ ତେ ନମଃ ॥ ୨୬॥
୨୭. ସିଂହାସନାରୋହଣମ୍ -
ମୁକ୍ତାବିଦ୍ରୁମନୀଲମରକତତମଣିପ୍ରଖ୍ୟେ ଶୁଭେଽତ୍ୟୁଜ୍ଜ୍ୱଲେ
ତିଗ୍ମାଂଶୁପ୍ରବିକାସିହେମରଚିତେ ସିଂହୈଃ ସଦାଲଙ୍କୃତେ ।
କୌଶେୟୈଃ ସୁସମାବୃତେଽତିମୃଦୁଲେ ନାନୋପଧାନାବୃତେ
ମାତସ୍ତ୍ୱଂ ପଦବୀଂ ନିଧେହି କୃପୟା ଦିବ୍ୟେଽତି ସିଂହାସନେ ।
ଐଂ ହ୍ରୀଂ ଶ୍ରୀଂ ଭଗବତି ଗାୟତ୍ରି ସିଂହାସନମଧିରୁହ୍ୟତାଂ ନମଃ ॥ ୨୭॥
୨୮. କେଶପାଶସଂସ୍କାରଃ-
ବହୁଭିରଗୁରୁଧୂପୈଃ ସାଦରଂ ଧୂପୟିତ୍ୱା
ଭଗବତି ତବ କେଶାନ୍ କଙ୍କତୈର୍ମାର୍ଜୟିତ୍ୱା ॥
ସୁରଭି (କମଲବୃନ୍ଦୈଃ) ଶ୍ଚମ୍ପକୈଶ୍ଚାର୍ଚୟିତ୍ୱା
ଝଟିତି କନକସୂତ୍ରୈର୍ଜୁଟୟନ୍ ବେଷୟାମି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ କେଶପାଶାନ୍
ବେଷ୍ଟିତୁଂ ପ୍ରାର୍ଥୟାମି ନମଃ ॥ ୨୮॥
୨୯. ସୌବୀରାଞ୍ଜନମ୍ -
ସୌବୀରାଜନମିଦମମ୍ବ ଚକ୍ଷୁଷୋସ୍ତେ
ବିନ୍ୟସ୍ତଂ କନକଂଶଲାକୟା ମୟା ଯତ୍ ।
ତନ୍ନୂନଂ ମଲିନମପି ତ୍ୱଦକ୍ଷିସଙ୍ଗାତ୍
ବ୍ରହ୍ମେନ୍ଦ୍ରାଦୟଭିଲଷଣୀୟତାମିୟାୟ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସୌବୀରାଞ୍ଜନଂ
ସମର୍ପୟାମି ନମଃ ॥ ୨୯॥
୩୦. ଅଲଙ୍କାରାଣି -
ମଞ୍ଜୀରାନ୍ ପଦୟୋର୍ନିଧାୟ ରୁଚିରାନ୍ ବିନ୍ୟସ୍ୟ କାଞ୍ଚୀ କଟୌ
ମୁକ୍ତାହାରସୁରୋଜୟୋରନୁପମଂ ନକ୍ଷତ୍ରମାଲାଂ ଗଲେ ।
କେୟୂରାଣି ଭୁଜେଷୁ ରତ୍ନବଲୟଶ୍ରେଣୀଂ କରେଷୁ କ୍ରମାତ୍
ତାଟଙ୍କେ ତବ କର୍ଣୟୋର୍ୱିନିଦଧେ ଶୀର୍ଷେ ଚ ଚୂଡାମଣିମ୍ ॥
ଧମ୍ମିଲ୍ଲେ ତବ ଦେବି ହେମକୁସମାନ୍ୟାଧାୟ ଭାଲସ୍ଥଲେ
ମୁକ୍ତାରାଜିବିରାଜି ହେମତିଲକଂ ନାସାପୁଟେ ମୌଲିକାମ୍ ।
ମାତର୍ମୌକ୍ତିକଜାଲିକାଂ ଚ କୁଚୟୋଃ ସର୍ୱାଙ୍ଗୁଲୀଷୂର୍ମିକାଃ
କଟୟାଂ କାଞ୍ଚନକିଙ୍କିଣୀଂ ବିନିଦଧେ ରତ୍ନାବତଂସୌ ଶ୍ରୁତୌ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନାନାଲଙ୍କରାଣି
ସମର୍ପୟାମି ନମଃ ॥ ୩୦॥
୩୧. ଗନ୍ଧମ୍ -
ପ୍ରତ୍ୟଙ୍ଗଂ ପରିମାର୍ଜୟାମି ଶୁଚିନା ବସ୍ତ୍ରେଣ ସମ୍ପ୍ରୋକ୍ଷିତମ୍ ।
କୁର୍ୱେ କେଶକଲାପମାୟତତରଂ ଘୂପୋତ୍ତମୈର୍ଧୂପିତମ୍ ।
କାଶ୍ମୀରୈରଗୁରୁଦ୍ରବୈର୍ମଲୟଜୈଃ ସଙ୍ଘର୍ଷ୍ୟ ସମ୍ପାଦିତଂ
ଭକ୍ତତ୍ରାଣପରେ (ବିଶୁଦ୍ଧ-) ବିମଲେ ଶ୍ରୀଚନ୍ଦନଂ ଗୃହ୍ୟତାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଗନ୍ଧଂ ସମର୍ପୟାମି ନମଃ ॥ ୩୧॥
୩୨. କୁଙ୍କୁମମ୍ -
ମାତର୍ଭାଲତଲେ ତବାତିବିମଲେ କାଶ୍ମୀରକସ୍ତୂରିକା-
ଽଗୁରୁଭିଃ ସମ୍ବଲିତଂ କରୋମି ତିଲକଂ ଦେହେଽଙ୍ଗରାଗଂ ହି ତତ୍ ।
ବକ୍ଷୋଜାଦିଷୁ ଯକ୍ଷକର୍ଦମରସଂ ସିକ୍ତ୍ୱା ଚ ପୁଷ୍ପାବୃତିଂ
ପାଦୌ କୁଙ୍କୁମଲେପନାଦିଭିରହଂ ସମ୍ପୂଜୟାମି କ୍ରମାତ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ କୁଙ୍କୁମଂ
ସମର୍ପୟାମି ନମଃ ॥ ୩୨॥
୩୩. କଜ୍ଜଲମ୍ -
ଚାମ୍ପେୟକପୂର୍ରକଚନ୍ଦନାଦିଭିର୍ନାନାବିଧୈର୍ଗନ୍ଧଚୟୈଃ ସୁବାସିତମ୍ ।
ନେତ୍ରାଞ୍ଜନାର୍ଥାୟ ହରିନ୍ମଣିପ୍ରଭଂ ଶ୍ରୀଚଣ୍ଡିକେ ସ୍ୱୀକୁରୁ କଜ୍ଜଲଂ ଶୁଭମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ କଜ୍ଜଲଂ
ସମର୍ପୟାମି ନମଃ ॥ ୩୩॥
୩୪. ଅକ୍ଷତାନ୍ -
ରତ୍ନାକ୍ଷତୈସ୍ତ୍ୱାଂ ପରିପୂଜୟାମି ମୁକ୍ତାଫଲୈର୍ୱା ରୁଚିରୈରବିଦ୍ଧୈଃ ।
ଅଖଣ୍ଡିତୈର୍ଦେବି ଯବାଦିଭିର୍ୱା କାଶ୍ମୀରପଙ୍କାଙ୍କିତତଣ୍ଡୁଲୈର୍ୱା ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଅକ୍ଷତାନ୍ ସମର୍ପୟାମି ନମଃ ॥ ୩୪॥
୩୫. ଅତ୍ତରମ୍ -
ଜନନି ଚମ୍ପତୈଲମିଦଂ ପୁରୋ ମୃଗମଦଃ ପଟବାସକ ଐଡକଃ ।
ବିପୁଲଗନ୍ଧମିଦଂ ଚ ଚତୁଃସମଂ ସପଦି ସର୍ୱମିଦଂ ପରିଗୃହ୍ୟତାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ପରିମଲଂ
ସମର୍ପୟାମି ନମଃ ॥ ୩୫॥
୩୬. ସିନ୍ଦୂରମ୍ -
ସୀମନ୍ତେ ତେ ଭଗବତି ମୟା ସାଦରଂ ନ୍ୟସ୍ତମେତତ୍
ସିନ୍ଦୂର ତେ ହୃଦୟକମଲେ ହର୍ଷବର୍ଷଂ ତନୋତୁ ।
ବାଲାଦିତ୍ୟଦୟୁତିରିବ ସଦା ଲୋହିତାୟସ୍ୟକାନ୍ତି-
ଶ୍ଚନ୍ତର୍ଧ୍ୱାନ୍ତଂ ହରତୁ ସକଲଂ ଚେତସା ଚିନ୍ତୟାମି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସିନ୍ଦୂରଂ ସମର୍ପୟାମି ନମଃ ॥ ୩୬॥
୩୭. ମୁକୁଟମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନବରତ୍ନଜଟିତସ୍ୱର୍ଣମୁକୁଟଂ
ସମର୍ପୟାମି ନମଃ ॥ ୩୭॥
୩୮. ପୁଷ୍ପାଣି -
ମନ୍ଦାରକୁନ୍ଦକରବୀରଲବଙ୍ଗପୁଷ୍ପୈ-
ସ୍ତ୍ୱାଂ ଦେବି ସନ୍ତତମହଂ ପରିପୂଜୟାମି ।
ଜାତୀଜପାବକୁଲଚମ୍ପକକେତକାଦି-
ନାନାବିଧାନି କୁସୁମାନି ଚ ତେଽର୍ପୟାମି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନାନାବିଧାନି ପୁଷ୍ପାଣି
ସମର୍ପୟାମି ନମଃ ॥ ୩୮॥
୩୯. ପୁଷ୍ପମାଲା -
ପୁଷ୍ପୌଘୈର୍ଦ୍ୟୋତୟଦ୍ଭିଃ ସତତପରିଚଲତ୍କାନ୍ତିକଲ୍ଲୋଲଜାଲୈଃ
କୁର୍ୱାଣା ମଜ୍ଜଦନ୍ତଃକରଣବିମଲତାଶୋଭିତେୟଂ ତ୍ରିବେଣୀ ।
ମୁକ୍ତାଭିଃ ପଦ୍ମରାଗୈର୍ମରକତମଣିଭିର୍ନିମିତା ଦୀପ୍ୟମାନୈଃ
ନିତ୍ୟଂ ହାରଂ ତ୍ୱଂ ଭଗବତି କମଲେ ଗୃହ୍ୟତାଂ କଣ୍ଠମଧ୍ୟେ ॥ ୩୯॥
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ପୁଷ୍ପମାଲାଂ
ସମର୍ପୟାମି ନମଃ ॥ ୩୯॥
୪୦. ଶ୍ୱେତଚୂର୍ଣମ୍ -
ମନ୍ଦାରବଲ୍ଲୀକରବୀରସମ୍ଭବଂ କର୍ପରପାଟୀରସୁବାସିତଂ ସିତମ୍ ।
ଶ୍ରୀଶ୍ୱେତଚୂର୍ଣଂ ବିଧିନା ସମର୍ପିତଂ ପ୍ରୀତ୍ୟା ତ୍ୱମଙ୍ଗୀକୁରୁ ମାତରଦ୍ୟ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସ୍ୱେତଚୂର୍ଣ
ସମର୍ପୟାମି ନମଃ ॥ ୪୦॥
୪୧. ରକ୍ତଚୂର୍ଣମ୍ -
ପ୍ରତ୍ୟୂଷବାଲାର୍କମୟୂଖସନ୍ନିଭଂ ଜାତୀଫଲୈଲାଗୁରୁଣା ସୁବାସିତମ୍ ।
ଶ୍ରୀରକ୍ତଚୂର୍ଣଂ ମନସା ମୟାର୍ପିତଂ ପ୍ରୀତ୍ୟାଂ ତ୍ୱମଙ୍ଗୀକୁରୁ ମାତରଦ୍ୟ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ରକ୍ତଚୂର୍ଣ
ସମର୍ପୟାମି ନମଃ ॥ ୪୧॥
୪୨. ହରିଦ୍ରା -
ହରିଦ୍ରମୋତ୍ଥାମତିପୀତବର୍ଣା ସୁବାସିତାଂ ଚନ୍ଦନପାରିଜାତୈଃ ।
ଅନନ୍ୟଭାବେନ ସମର୍ପିତଂ ତେ ମାତର୍ହରିଦ୍ରାମୁରରୀକୁରୁସ୍ୱ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ହରିଦ୍ରାଂ
ସମର୍ପୟାମି ନମଃ ॥ ୪୨॥
୪୩. କୁଙ୍କୁମମ୍ -
କୁଙ୍କୁମଂ କାମନାଦିବ୍ୟଂ କାମନାକାମସମ୍ଭବମ୍ ।
କୁଙ୍କୁମେନାର୍ଚିତା ଦେବି ପ୍ରସୀଦ ପରମେଶ୍ୱରି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ କୁଙ୍କୁମଂ
ସମର୍ପୟାମି ନମଃ ॥ ୪୩॥
୪୪. ଅବୀରଗୁଲଲାମ୍ -
ଅବୀରଂ ଚ ଗୁଲାଲଂ ଚ ଚୋବାଚନ୍ଦନମେବ ଚ ।
ଅବୀରେଣାର୍ଚିତା ଦେବି ଋତଂ ଶାନ୍ତିଂ ପ୍ରୟଚ୍ଛ ମେ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଅବୀରଂ ସମର୍ପୟାମି ନମଃ ॥ ୪୪॥
୪୫. ଧୂପମ୍ -
ଲାକ୍ଷାରସମିଲିତୈଃ ସିତାଭ୍ରସହିତୈଃ ଶ୍ରୀବାସସମ୍ମିଶ୍ରିତୈଃ
କର୍ପୂରାକଲିତୈଃ ସିତାମଧୁୟୁତୈର୍ଗୋସର୍ପିଷାଽଽଲୋଡିତୈଃ ।
ଶ୍ରୀଖଣ୍ଡାଗୁରୁଗୁଗ୍ଗୁଲୁପ୍ରଭୃତିଭିର୍ନାନାବିଧୈର୍ୱସ୍ତୁଭି-
ର୍ଧୂପଂ ତେ ପରିକଲ୍ପୟାମି ଜନନି ତଦ୍ଭୂପମଙ୍ଗୀକୁରୁ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଧୂପମାଘ୍ରାପୟାମି ନମଃ ॥ ୪୫॥
୪୬. ଦୀପମ୍ -
ରତ୍ନାଲଙ୍କୃତହେମପାତ୍ରନିହିତୈର୍ଗୋସର୍ପିଷା ଦୀପିତୈ-
ର୍ଦୀପୈର୍ଦୀର୍ଘତରାନ୍ଧକାରଭିଦୁରୈର୍ୱାଲାର୍କକୋଟିପ୍ରଭୈଃ ।
ଆତାମ୍ରଜ୍ୱଲଦୁଜ୍ଜ୍ୱଲଦ୍ଗଗନବଦ୍ରତ୍ନପ୍ରଦୀପୈଃ ସଦା
ମାତସ୍ତ୍ୱାମହମାଦରାଦନୁଦିନଂ ନୀରାଞ୍ଜୟାମ୍ୟୁଜ୍ଜ୍ୱଲୈଃ ।
ଓଁ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଦୀପଂ ଦର୍ଶୟାମି ନମଃ ॥ ୪୬॥
୪୭. ନୈବେଦ୍ୟମ୍ -
ମାତସ୍ତ୍ୱାଂ ଦଘିଦୁଗ୍ଧପାୟସମହାଶାଲ୍ୟନ୍ନସନ୍ତାଲିକା
ସୂପାପୂପସିତାଘୃତୈଃ ସବଟକୈଃ ସକ୍ଷୌଦ୍ରରମ୍ଭାଫଲୈଃ ।
ଏଲାଜୀରକହିଙ୍ଗୁନାଗରନିଶାକୌସ୍ତୁମ୍ବରୈଃ ସଂସ୍କୃତୈଃ
ଶାକୈଃ ଶାକୟୁତୈଃ ସୁଧାଦିସରସୈଃ ସନ୍ତର୍ପୟାମ୍ୟର୍ପିତୈଃ ॥
ସାସୂପସୂପଦଧିଦୁଗ୍ଧସିତାଘୃତାନି
ସୁସ୍ୱାଦୁଭକ୍ଷ୍ୟପରମାନ୍ନପୁରଃସରାଣି ॥
ଶାକୀଲ୍ଲସନମରିଚଜୀରକତ୍ୱଲ୍ଲିକାନି
ଭକ୍ଷ୍ୟାଣି ଭକ୍ଷ ଜଗଦମ୍ବ ମୟାର୍ପିତାନି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈନାନାବିଧପରିପକ୍ୱ-
ସୁମଧୁରପକ୍ୱଫଲୟୁକ୍ତ ନୈବେଦ୍ୟଂ ନିବେଦୟାମି ନମଃ ॥ ୪୭॥
୪୮. ଆଚମନୀୟମ୍ -
ଗଙ୍ଗୋତ୍ତରୀବେଗସମୁଦ୍ଭବେନ ସୁଶୀତଲେନାପି ମନୋହରେଣ ।
ତତ୍ପଦ୍ମପତ୍ରାକ୍ଷି ମୟାଽର୍ପିତେନ ଶାଙ୍ଖୋଦକେନାଚମନଂ କୁରୁସ୍ୱ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନୈବେଦ୍ୟାନ୍ତାଚମନୀୟଂ ଜଲଂ
ସମର୍ପୟାମି ନମଃ ॥ ୪୮॥
୪୯. ପୂର୍ୱାମଧୁରପାନମ୍ -
କ୍ଷୀରମେତଦିଦମୁତ୍ତମୋତ୍ତମଂ ପ୍ରାଜ୍ୟମାଜ୍ୟମିଦମୁଜ୍ଜ୍ୱଲଂ ମଧୁ ।
ପାନମେତଦମୃତୋପମଂ ତ୍ୱୟା ସମ୍ଭ୍ରମେଣ ପରିଣୀୟତାଂ ମୁହୁଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନୈବେଦ୍ୟାନ୍ତାଚମନୀୟଂ ଜଲଂ
ସମର୍ପୟାମି ନମଃ ॥ ୪୯॥
୫୦. ଜଲମ୍ -
ଅତିଶୀତମୁଶୀରବାସିତଂ ତପନୀୟୋପବନେ ନିବେଦିତମ୍ ।
ପଟପୂତମିଦଂ ଜିତାମୃତଂ ଶୁଚି ଗଙ୍ଗାମୃତମେବ ପୀୟତାମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଜଲଂ ସମର୍ପୟାମି ନମଃ ॥ ୫୦॥
୫୧. ଉତ୍ତରାଚମନୀୟମ୍ -
ନୀହାରହାରଂ ବନସାରସାରଂ ପ୍ରକଲ୍ପିତାନେକସୁଗନ୍ଧିଭାରମ୍ ।
ଶୀତାମ୍ବୁ ଜାମ୍ବୁନଦପାତ୍ରବର୍ତ୍ତି ପୀତ୍ୱା ହି ବିଶ୍ୱେଶ୍ୱରି ପୀୟତାଂ ପୁନଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଉତ୍ତରାଚମନୀୟଂ
ସମର୍ପୟାମି ନମଃ ॥ ୫୧॥
୫୨. କରୋଦ୍ୱର୍ତନମ୍ -
ଉଷ୍ଣୋଦକୈଃ ପାଣିୟୁଗଂ ମୁଖଂ ଚ ପ୍ରକ୍ଷାଲ୍ୟ ମାତଃ କଲଧୌତପାତ୍ରେ ।
କର୍ପୂରମିଶ୍ରେଣ ସକୁଙ୍କୁମେନ ହସ୍ତୌ ସମୁଦ୍ୱର୍ତ୍ତୟ ଚନ୍ଦନେନ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ କରୋଦ୍ୱର୍ତ୍ତନଂ ଗନ୍ଧଂ
ସମର୍ପୟାମି ନମଃ ॥ ୫୨॥
୫୩. ତାମ୍ବୂଲମ୍ -
କର୍ପୂରେଣ ଯୁତୈଃ ଲବଙ୍ଗସହିତୈଃ କଙ୍କୋଲଚୂର୍ଣାନ୍ୱିତୈଃ
ସୁସ୍ୱାଦୁକ୍ରମୁକୈଃ ସଗୌରଖଦିରୈଃ ସୁସ୍ନିଗ୍ଧଜାତୀଫଲୈଃ ।
ମାତଃ କେତକପତ୍ରକେନ୍ଦୁରୁଚିଭିସ୍ତାମ୍ବୂଲବଲ୍ଲୀଦଲୈଃ
ସାନନ୍ଦଂ ମୁଖମଣ୍ଡନୀୟମତୁଲଂ ତାମ୍ବୂଲମଙ୍ଗୀକୁରୁ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ତାମ୍ବୂଲଂ
ସମର୍ପୟାମି ନମଃ ॥ ୫୩॥
୫୪. ଦକ୍ଷିଣା -
ଅଥ ବହୁମଣିମିଶ୍ରୈର୍ମୌକ୍ତିକୈସ୍ତ୍ୱାଂ ବିକୀର୍ୟ
ତ୍ରିଭୁବନକମନୀୟେ ପୂଜୟିତ୍ୱା ଚ ବସ୍ତ୍ରୈଃ ।
ମିଲିତବିବିଧୟୁକ୍ତୈଦିବ୍ୟଲାବଣ୍ୟଯୁକ୍ତାଂ
ଜନନି କନକବୃଷ୍ଟିଂ ଦକ୍ଷିଣାଂ ତେଽର୍ପୟାମି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଦକ୍ଷିଣାଂ
ସମର୍ପୟାମି ନମଃ ॥ ୫୪॥
୫୫. ଆରାର୍ତ୍ତିକ୍ୟମ୍ -
ଓଁ କର୍ପୂରଗୌରଂ କରୁଣାବତାରଂ ସଂସାରସାର ଭୁଜଗେନ୍ଦ୍ରହାରମ୍ ।
ସଦା ବସନ୍ତଂ ହୃଦୟାରବିନ୍ଦେ ଭବଂ ଭବାନୀସହିତଂ ନମାମି ॥
ଓଁ ଇଦଂ ହବିଃ ପ୍ରଜନନଂ ମେଽସ୍ତୁ ଦଶବୀରଂ ସର୍ୱଗଣଂ ସ୍ୱସ୍ତୟେ ।
ଆତ୍ମସନି ପ୍ରଜାସନି ପଶୁସନି ଲୋକସନ୍ୟଭୟସନି ।
ଅଗ୍ନି ପ୍ରଜାଂ ବହୁଲାଂ ମେଽକରୋତୁ ଅନ୍ନଂ ପୟୋ ରେତୋଽସ୍ମାସୁ ଧତ୍ତ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଆରାର୍ତିକ୍ୟଂ
ସମର୍ପୟାମି ନମଃ ॥ ୫୫॥
୫୬. ପ୍ରଦକ୍ଷିଣା -
ପଦେ ପଦେ ଯା ପରିପୂଜକେଭ୍ୟଃ ସଦ୍ୟୋଽଶ୍ୱମେଧାଦିଫଲଂ ଦଦାତି ।
ତାଂ ସର୍ୱପାପକ୍ଷୟହେତୁଭୂତାଂ ପ୍ରଦାକ୍ଷିଣାଂ ତେ ପରିତଃ କରୋମି ।
ଓଁ ଐଂ ହୀଂ ଶ୍ରୀଂ ଭଗବତ୍ୟା ଗାୟତ୍ର୍ୟାଃ ପ୍ରଦାକ୍ଷିଣାଂ କରୋମି ନମଃ ॥ ୫୬॥
୫୭. ମନ୍ତ୍ରପୁଷ୍ପାଞ୍ଜଲିଃ -
ଓଁ ଯଜ୍ଞେନ ଯଜ୍ଞମୟଜନ୍ତ ଦେବାସ୍ତାନି ଧର୍ମାଣି ପ୍ରଥମାନ୍ୟାସନ୍ ।
ତେ ହ ନାକଂ ମହିମାନଃ ସଚନ୍ତ ଯତ୍ର ପୂର୍ୱେ ସାଧ୍ୟାଃ ସନ୍ତି ଦେବାଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ମନ୍ତ୍ରପୁଷ୍ପାଞ୍ଜଲିଂ
ସମର୍ପୟାମି ନମଃ ॥ ୫୭॥
୫୮. ପ୍ରାର୍ଥନା -
ଓଁ ଶ୍ରୀଶ୍ଚ ତେ ଲକ୍ଷ୍ମୀଶ୍ଚ ପତ୍ନ୍ୟାବହୋରାତ୍ରେ ପାର୍ଶ୍ୱେ
ନକ୍ଷତ୍ରାଣି ରୂପମଶ୍ୱିନୌ ବ୍ୟାତ୍ତମ୍ ।
ଇଷ୍ଣନ୍ନିଷାଣାମୁମ୍ମ ଇଷାଣ ସର୍ୱଲୋକମ୍ମ ଇଷାଣ ॥
ଓଁ ବିଶ୍ୱତଶ୍ଚକ୍ଷୁରୁତ ବିଶ୍ୱତୋ ମୁଖୋ ବିଶ୍ୱତୋ ବାହୁରୁତ ବିଶ୍ୱତସ୍ପାତ୍ ।
ସମ୍ବାହୁଭ୍ୟାଂ ଧମତି ସମ୍ପତତ୍ରୈର୍ଦ୍ୟାବାଭୂମୀ ଜନୟନ୍ ଦେବ ଏକଃ ।
ଓଁ ଐଂ ହ୍ରୀଂ ଶ୍ରୀଂ ଭଗବତୀ ଗାୟତ୍ର୍ୟୀଂ ପ୍ରାର୍ଥୟାମି ନମଃ ॥ ୫୮॥
୫୯. ବିଶେଷାର୍ଘ୍ୟମ୍ -
କଲିଙ୍ଗକୋଶାତକସଂୟୁତାନି ଜମ୍ବୀରନାରଙ୍ଗସମନ୍ୱିତାନି ।
ସୁନାରିକେଲାନି ସଦାଡିମାନି ଫଲାନି ତେ ଦେବି ସମର୍ପୟାମି ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ବିଶେଷାର୍ଘ୍ୟଂ
ସମର୍ପୟାମି ନମଃ ॥ ୫୯॥
୬୦. ଛତ୍ରମ୍ -
ମାତଃ କାଞ୍ଚନଦଣ୍ଡମଣ୍ଡିତମିଦଂ ପୂର୍ଣେନ୍ଦୁବିମ୍ବପ୍ରଭଂ
ନାନାରତ୍ନବିଶୋଧି ହେମତିଲକଂ ଲୋକତ୍ରୟାହ୍ଲାଦକମ୍ ।
ଭାସ୍ୱନ୍ମୌକ୍ତିକଜାଲିକାପରିବୃତଂ ପ୍ରୀତ୍ୟାତ୍ମହସ୍ତେ ଧୃତଂ
ଛତ୍ରଂ ତେ ପରିକଲ୍ପୟାମି ଜନନି ତ୍ୱଷ୍ଟ୍ରା ସ୍ୱୟଂ ନିର୍ମିତମ୍ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଛତ୍ରଂ ସମର୍ପୟାମି ନମଃ ॥ ୬୦॥
୬୧. ଚାମରମ୍ -
ଶରଦିନ୍ଦୁମରୀଚିଗୌରବର୍ଣୈଃ ମାଣିକ୍ୟମୁକ୍ତାବିଲସତ୍ସୁଦଣ୍ଡୈଃ ।
ଜଗଦମ୍ବ ବିଚିତ୍ର ଚାମରୈସ୍ତ୍ୱାମହମାନନ୍ଦଭରେଣ ବୀଜୟାମି ।
ଐଂ ହ୍ରୀଂ ଶ୍ରୀଂ ଭଗବତୀଂ ଗାୟତ୍ରୀଂ ଚାମରେଣ ବୀଜୟାମି ନମଃ ॥ ୬୧॥
୬୨. ଆଦର୍ଶଃ-
ମାର୍ତଣ୍ଡମଣ୍ଡଲନିଭୋ ଜଗଦମ୍ବ ଯୋଽୟଂ
ଭକ୍ତ୍ୟା ମୟା ମଣିମୟୋ ମୁକୁରୋଽର୍ପିତସ୍ତେ ।
ପୂର୍ଣେନ୍ଦୁବିମ୍ବରୁଚିରଂ ବଦନଂ ସ୍ୱକୀୟ-
ମସ୍ମିନ୍ ବିଲୋକୟ ବିଲୋଲବିଲୋଚନେନ ।
ଓଁ ଐଂ ହ୍ରୀଂ ଶ୍ରୀଂ ଭଗବତୀଂ ଗାୟତ୍ରୀଂ ଦର୍ପଣଂ ଦର୍ଶୟାମି ନମଃ ॥ ୬୨॥
୬୩. ଅସ୍ତ୍ରମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସୁଦର୍ଶନାଦ୍ୟସ୍ତ୍ରଂ
ସମର୍ପୟାମି ନମଃ ॥ ୬୩॥
୬୪. ଶସ୍ତ୍ରମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ଗଦାଶଖମ୍ପାଶାଦି ଶସ୍ତ୍ରଂ
ସମର୍ପୟାମି ନମଃ ॥ ୬୪॥
୬୫. ବାହନମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ହଂସସିଂହଗରୁଡାଦି ବାହନଂ
ସମର୍ପୟାମି ନମଃ ॥ ୬୫॥
୬୬. ସୈନ୍ୟମ୍ -
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ସୈନ୍ୟଂ ସମର୍ପୟାମି ନମଃ ॥
୬୭. ନୃତ୍ୟମ୍ -
ଭ୍ରମବିଲୋଲିତକୁନ୍ତଲବୃନ୍ଦକା ଗଲିତମାଲ୍ୟବିକୀର୍ଣସୁଭୂମୟଃ ।
ଝଟିତି ଝଙ୍କୃତିଭିର୍ଜଗଦମ୍ବିକେ ମୃଦୁରବା ହୃଦୟଂ ସୁଖୟନ୍ତୁ ତେ ।
ଓଁ ଐଂ ହ୍ରୀଂ ଶ୍ରୀଂ ଭଗବତ୍ୟୈ ଗାୟତ୍ର୍ୟୈ ନୃତ୍ୟଂ
ସମର୍ପୟାମି ନମଃ ॥ ୬୭॥
୬୮. ପ୍ରଣାମଃ -
ଓଁ ଐଂ ହ୍ରୀଂ ଶ୍ରୀଂ ଭଗବତୀ ଗାୟତ୍ରୀ ସାଷ୍ଟାଙ୍ଗ ପ୍ରଣମାମି ।
ଇତି ରାଜୋପଚାରମାନସପୂଜା ସମାପ୍ତା ।
ସମାପ୍ତି ଚାଗାଦିୟଂ ଗାୟତ୍ରୀଉପାସନାପଦ୍ଧତିଃ ।
ଓଁ ଶାନ୍ତିଃ ! ଶାନ୍ତିଃ !! ଶାନ୍ତିଃ !!!
ଗାୟତ୍ରୀ ରାଜ ଉପଚାର ମାନସ ପୂଜା ଉପାସନା ପଦ୍ଧତି
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀସ୍ତବରାଜଃ https://gayatree-upasana.blogspot.com/2022/10/blog-post_41.html
No comments:
Post a Comment