ଗାୟତ୍ର୍ୟଷ୍ଟକମ୍
ସୁକଲ୍ୟାଣୀଂ ବାଣୀଂ ସୁରମୁନିବରୈଃ ପୂଜିତପଦାମ୍
ଶିବାମାଦ୍ୟାଂ ବନ୍ଦ୍ୟାଂ ତ୍ରିଭୁବନମୟୀଂ ବେଦଜନନୀମ୍ ।
ପରଂ ଶକ୍ତିଂ ସ୍ରଷ୍ଟୁଂ ବିବିଧବିଧ ରୂପାଂ ଗୁଣମୟୀଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୧॥
ବିଶୁଦ୍ଧାଂ ସତ୍ତ୍ୱସ୍ଥାମଖିଲ ଦୁରବସ୍ଥାଦିହରଣୀଂ
ନିରାକାରାଂ ସାରାଂ ସୁବିମଲ ତପୋ ମୂର୍ତିମତୁଲାମ୍ ।
ଜଗଜ୍ଜ୍ୟେଷ୍ଠାଂ ଶ୍ରେଷ୍ଠାମସୁରସୁରପୂଜ୍ୟାଂ ଶ୍ରୁତିନୁତାଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୨॥
ତପୋ ନିଷ୍ଠାଭୀଷ୍ଟାଂସ୍ୱଜନମନସନ୍ତାପଶମନୀଂ
ଦୟାମୂର୍ତିଂ ସ୍ଫୂର୍ତିଂ ଯତିତତି ପ୍ରସାଦୈକସୁଲଭାମ୍ ।
ବରେଣ୍ୟାଂ ପୁଣ୍ୟାଂ ତାଂ ନିଖିଲ ଭବ ବନ୍ଧାପହରଣୀଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୩॥
ସଦାରାଧ୍ୟାଂ ସାଧ୍ୟାଂ ସୁମତି ମତି ବିସ୍ତାରକରଣୀଂ
ବିଶୋକାମାଲୋକାଂ ହୃଦୟଗତ ମୋହାନ୍ଧହରଣୀମ୍ ।
ପରାଂ ଦିବ୍ୟାଂ ଭବ୍ୟାମଗମଭବସିନ୍ଧ୍ୱେକ ତରଣୀଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୪॥
ଅଜାଂ ଦ୍ୱୈତାଂ ତ୍ରୈତାଂ ବିବିଧଗୁଣରୂପାଂ ସୁବିମଲାଂ
ତମୋ ହନ୍ତ୍ରୀଂ-ତନ୍ତ୍ରୀଂ ଶ୍ରୁତି ମଧୁରନାଦାଂ ରସମୟୀମ୍ ।
ମହାମାନ୍ୟାଂ ଧନ୍ୟାଂ ସତତକରୁଣାଶୀଲ ବିଭବାଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୫॥
ଜଗଦ୍ଧାତ୍ରୀଂ ପାତ୍ରୀଂ ସକଲ ଭବ ସଂହାରକରଣୀଂ
ସୁବୀରାଂ ଧୀରାଂ ତାଂ ସୁବିମଲ ତପୋ ରାଶି ସରଣୀମ୍ ।
ଅନେକାମେକାଂ ବୈ ତ୍ରିଜଗସଦଧିଷ୍ଠାନପଦବୀଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୬॥
ପ୍ରବୁଦ୍ଧାଂ ବୁଦ୍ଧାଂ ତାଂ ସ୍ୱଜନମତି ଜାଡ୍ୟାପହରଣାଂ
ହିରଣ୍ୟାଂ ଗୁଣ୍ୟାଂ ତାଂ ସୁକବିଜନ ଗୀତାଂ ସୁନିପୁଣୀମ୍ ।
ସୁବିଦ୍ୟାଂ ନିରବଦ୍ୟାମମଲ ଗୁଣଗାଥାଂ ଭଗବତୀଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୭॥
ଅନନ୍ତାଂ ଶାନ୍ତାଂ ଯାଂ ଭଜତି ବୁଧ ବୃନ୍ଦଃ ଶ୍ରୁତିମୟୀଂ
ସୁଗେୟାଂ ଧ୍ୟେୟାଂ ଯାଂ ସ୍ମରତି ହୃଦି ନିତ୍ୟଂ ସୁରପତିଃ ।
ସଦା ଭକ୍ତ୍ୟା ଶକ୍ତ୍ୟା ପ୍ରଣତମତିଭିଃ ପ୍ରୀତିବଶଗାଂ
ଭଜେଽମ୍ବାଂ ଗାୟତ୍ରୀଂ ପରମସୁଭଗାନନ୍ଦଜନନୀମ୍ ॥ ୮॥
ଶୁଦ୍ଧ ଚିତ୍ତଃ ପଠେଦ୍ୟସ୍ତୁ ଗାୟତ୍ର୍ୟା ଅଷ୍ଟକଂ ଶୁଭମ୍ ।
ଅହୋ ଭାଗ୍ୟୋ ଭବେଲ୍ଲୋକେ ତସ୍ମିନ୍ ମାତା ପ୍ରସୀଦତି ॥ ୯॥
ଇତି ଗାୟତ୍ର୍ୟଷ୍ଟକଂ ଅଥବା ସ୍ତୋତ୍ରଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଶ୍ରୀଗାୟତ୍ର୍ୟଷ୍ଟକମ୍ ୩ https://gayatree-upasana.blogspot.com/2022/10/blog-post_36.html
No comments:
Post a Comment