ଉଷଃକାଲଗମ୍ୟାମୁଦାତ୍ତ ସ୍ୱରୂପାଂ
ଅକାର ପ୍ରବିଷ୍ଟାମୁଦାରାଙ୍ଗଭୂଷାମ୍ ।
ଅଜେଶାଦିବନ୍ଦ୍ୟାମଜାର୍ଚାଙ୍ଗଭାଜା-
ମନୌପମ୍ୟରୂପାଂ ଭଜାମ୍ୟାଦି ସନ୍ଧ୍ୟାମ୍ ॥ ୧॥
ସଦାହଂସୟାନାଂ ସ୍ପୁରଦ୍ରତ୍ନବସ୍ତ୍ରାଂ
ବରାଭୀତିହସ୍ତାଂ ଖଗାମ୍ନାୟରୂପାମ୍ ।
ସ୍ଫୁରତ୍ସାଧିକାମକ୍ଷମାଲାଂ ଚ କୁମ୍ଭଂ
ଦଧାନାମହଂ ଭାବୟେ ପୂର୍ୱସନ୍ଧ୍ୟାମ୍ ॥ ୨॥
ସ୍ଫୁରଚଚନ୍ଦ୍ରକାନ୍ତାଂ ଶରଚ୍ଚନ୍ଦ୍ରବକ୍ତ୍ରାଂ
ମହାଚନ୍ଦ୍ରକାନ୍ତାଦ୍ରିପୀନସ୍ତନାଢ୍ୟାମ୍ ।
ତ୍ରିଶୂଲାକ୍ଷହସ୍ତାଂ ତ୍ରିନେତ୍ରସ୍ୟପତ୍ନୀଂ
ବୃଷାରୂଢପାଦାଂ ଭଜେ ମଧ୍ୟସନ୍ଧ୍ୟାମ୍ ॥ ୩॥
ସଦାସାମଗାନପ୍ରିୟାଂ ଶ୍ୟାମଲାଙ୍ଗୀଂ
ଅକାରାନ୍ତରସ୍ଥାଂ କରୋଲ୍ଲାସି ଚକ୍ରାଂ ।
ଗଣାପଦ୍ମହସ୍ତାଂ ସ୍ୱନତ୍ପାଞ୍ଚଜନ୍ୟାଂ
ଖଗେଶୋପବିଷ୍ଟାଂ ଭଜେମାସ୍ତସନ୍ଧ୍ୟାମ୍ ॥ ୪॥
ପ୍ରଗଲ୍ଭସ୍ୱରୂପାଂ ସ୍ଫୁରତ୍କଙ୍କଣାଢ୍ୟାଂ
ସଦାଲମ୍ବମାନସ୍ତନପ୍ରାନ୍ତହାରାମ୍ ।
ମହାନୀଲରତ୍ନପ୍ରଭାକୁଣ୍ଡଲାଢ୍ୟାଂ
ସ୍ଫୁରତ୍ସ୍ମେରବକ୍ତ୍ରାଂ ଭଜେ ତୁର୍ୟସନ୍ଧ୍ୟାମ୍ ॥ ୫॥
ହୃଦମ୍ଭୋଜମଧ୍ୟେ ପରାମ୍ନାୟନୀଡେ
ସୁଖାସୀନସଦ୍ରାଜହଂସାଂ ମନୋଜ୍ଞାମ୍ ।
ସଦାହେମଭାସାଂ ତ୍ରୟୀବିଦ୍ୟମଧ୍ୟାଂ
ଭଜାମସ୍ତୁବାମୋ ବଦାମଃ ସ୍ମରାମଃ ॥ ୬॥
ସଦାତତ୍ପଦୈଃ ସ୍ତୂୟମାନାଂ ସବିତ୍ରୀଂ
ବରେଣ୍ୟାଂ ମହାଭର୍ଗରୂପାଂ ତ୍ରିନେତ୍ରାମ୍ ।
ସଦା ଦେବଦେବାଦି ଦେବସ୍ୟପତ୍ନୀ-
ମହନ୍ଧୀମହୀତ୍ୟାଦି ପାଦୈକଜୁଷ୍ଟାମ୍ ॥ ୭॥
ଅନାଥଂ ଦରିଦ୍ରଂ ଦୁରାଚାରୟୁକ୍ତଂ
ଶତଂ ସ୍ଥୂଲବୁଦ୍ଧିଂ ପରଂ ଧର୍ମହୀନମ୍ ।
ତ୍ରିସନ୍ଧ୍ୟଂ ଜପଧ୍ୟାନହୀନଂ ମହେଶି
ପ୍ରପନ୍ନଂ ଚ ମାଂ ପାଲୟ ତ୍ୱଂ କୃପାଲୋ ॥ ୮॥
ଇତୀଦଂ ଭୁଜଙ୍ଗଂ ପଠେଦ୍ୟସ୍ତୁ ଭକ୍ତ୍ୟା
ସମାଦାୟ ଚିତ୍ତେ ସଦା ତାଂ ପରାଂ ଚ ।
ତ୍ରିସନ୍ଧ୍ୟାସ୍ୱରୂପାଂ ତ୍ରିଲୋକୈକବନ୍ଦ୍ୟାଂ
ସ ମୁକ୍ତୋ ଭବେତ୍ସର୍ୱପାପୈରଜସ୍ରମ୍ ॥ ୯॥
ଇତି ଶ୍ରୀଗାୟତ୍ର୍ୟଷ୍ଟକଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଶ୍ରୀଗାୟତ୍ର୍ୟଷ୍ଟୋତ୍ତରଶତନାମସ୍ତୋତ୍ରମ୍ https://gayatree-upasana.blogspot.com/2022/10/blog-post_10.html
No comments:
Post a Comment