ହରିଃ ଓଁ ।
ତରୁଣାଦିତ୍ୟସଙ୍କାଶା ସହସ୍ରନୟନୋଜ୍ଜ୍ୱଲା ।
ବିଚିତ୍ରମାଲ୍ୟାଭରଣା ତୁହିନାଚଲବାସିନୀ ॥ ୧॥
ବରଦାଭୟହସ୍ତାବ୍ଜା ରେବାତୀରନିବାସିନୀ ।
ପ୍ରଣିତ୍ୟଯବିଶେଷଜ୍ଞା ଯନ୍ତ୍ରାକୃତବିରାଜିତ ॥ ୨॥
ଭଦ୍ରପାଦପ୍ରିୟା ଚୈବ ଗୋବିନ୍ଦପଥଗାମିନୀ ।
ଦେବର୍ଷିଗଣସନ୍ତୁଷ୍ଟା ବନମାଲାବିଭୂଷିତା ॥ ୩॥
ସ୍ୟନ୍ଦନୋତ୍ତମସଂସ୍ଥା ଚ ଧୀରଜୀମୂତନିଃସ୍ୱନା ।
ମତ୍ତମାତଙ୍ଗଗମନା ହିରଣ୍ୟକମଲାସନା ॥ ୪॥
ଦୀନଜନୋଦ୍ଧାରନିରତା ଯୋଗିନୀ ଯୋଗଧାରିଣୀ ।
ନଟନାତ୍ୟୈକନିରତା ପ୍ରଣବାଦ୍ୟକ୍ଷରାତ୍ମିକା ॥ ୫॥
ଘୋରାଚାରା କ୍ରିୟାସକ୍ତା ଦାରିଦ୍ର୍ୟଚ୍ଛେଦକାରିଣୀ ।
ଯାଦବେନ୍ଦ୍ରକୁଲୋଦ୍ଭୂତା ତୁରୀୟପଦଗାମିନୀ ॥ ୬॥
ଗାୟତ୍ରୀ ଗୋମତୀ ଗଙ୍ଗା ଗୌତମୀ ଗରୁଡାସନା ।
ଗେୟଗାନପ୍ରିୟା ଗୌରୀ ଗୋବିନ୍ଦପଦପୂଜିତା ॥ ୭॥
ଗନ୍ଧର୍ୱନଗରାଗାରା ଗୌରବର୍ଣା ଗଣେଶ୍ୱରୀ ।
ଗୁଣାଶ୍ରୟା ଗୁଣବତୀ ଗହ୍ୱରୀ ଗଣପୂଜିତା ॥ ୮॥
ଗୁଣତ୍ରୟସମାୟୁକ୍ତା ଗୁଣତ୍ରୟବିବର୍ଜିତା ।
ଗୁହାବାସା ଗୁଣାଧାରା ଗୁହ୍ୟା ଗନ୍ଧର୍ୱରୂପିଣୀ ॥ ୯॥
ଗାର୍ଗପ୍ରିୟା ଗୁରୁପଦା ଗୁହଲିଙ୍ଗାଙ୍ଗଧାରିଣୀ ।
ସାବିତ୍ରୀ ସୂର୍ୟତନୟା ସୁଷୁମ୍ନାନାଡିଭେଦିନୀ ॥ ୧୦॥
ସୁପ୍ରକାଶା ସୁଖାସୀନା ସୁମତିସ୍ସୁରପୂଜିତା ।
ସୁଷୁପ୍ତ୍ୟବସ୍ଥା ସୁଦତୀ ସୁନ୍ଦରୀ ସାଗରାମ୍ବରା ॥ ୧୧॥
ସୁଧାଂଶୁବିମ୍ବବଦନା ସୁସ୍ତନୀ ସୁବିଲୋଚନା ।
ସୀତା ସତ୍ତ୍ୱାଶ୍ରୟା ସନ୍ଧ୍ୟା ସୁଫଲା ସୁବିଧାୟିନୀ ॥ ୧୨॥
ସୁଭ୍ରୂସ୍ସୁବାସା ସୁଶ୍ରୋଣୀ ସଂସାରାର୍ଣବତାରିଣୀ ।
ସାମଗାନପ୍ରିୟା ସାଧ୍ୱୀ ସର୍ୱାଭରଣଭୂଷିତା ॥ ୧୩॥
ବୈଷ୍ଣବୀ ବିମଲାକାରା ମହେନ୍ଦ୍ରୀ ମନ୍ତ୍ରରୂପିଣୀ ।
ମହଲକ୍ଷ୍ମୀର୍ମହାସିଦ୍ଧିର୍ମହାମାୟା ମହେଶ୍ୱରୀ ॥ ୧୪॥
ମୋହିନୀ ମଦନାକାରା ମଧୁସୂଦନଚୋଦିତା ।
ମୀନାକ୍ଷୀ ମଧୁରାବାସା ନଗେନ୍ଦ୍ରତନା ଉମା ॥ ୧୫॥
ତ୍ରିବିକ୍ରମପଦାକ୍ରାନ୍ତା ତ୍ରିସର୍ୱା ତ୍ରିବିଲୋଚନା ।
ସୂର୍ୟମଣ୍ଡଲମଧ୍ୟସ୍ଥା ଚନ୍ଦ୍ରମଣ୍ଡଲସଂସ୍ଥିତା ॥ ୧୬॥
ବହ୍ନିମଣ୍ଡଲମଧ୍ୟସ୍ଥା ବାୟୁମଣ୍ଡଲସଂସ୍ଥିତା ।
ବ୍ୟୋମମଣ୍ଡଲମଧ୍ୟସ୍ଥା ଚକ୍ରିଣୀ ଚକ୍ରରୂପିଣୀ ॥ ୧୭॥
କାଲଚକ୍ରବିତାନସ୍ଥା ଚନ୍ଦ୍ରମଣ୍ଡଲ ଦର୍ପଣା ।
ଜ୍ୟୋତ୍ସ୍ନାତପାସୁଲିପ୍ତାଙ୍ଗୀ ମହାମାରୁତବୀଜିତା ॥ ୧୮॥
ସର୍ୱମନ୍ତ୍ରାଶ୍ରୟା ଧେନୁଃ ପାପଘ୍ନୀ ପରମେଶ୍ୱରୀ ।
ନମସ୍ତେଽସ୍ତୁ ମହାଲକ୍ଷ୍ମି ମହାସମ୍ପତ୍ତିଦାୟିନି ॥ ୧୯॥
ନମସ୍ତେ କରୁଣାମୂର୍ତି ନମସ୍ତେ ଭକ୍ତବତ୍ସଲେ ।
ଗାୟତ୍ର୍ୟାଃ ପ୍ରଜପେଦ୍ୟସ୍ତୁ ନାମ୍ନାମଷ୍ଟୋତ୍ତରଂ ଶତମ୍ ॥ ୨୦॥
ଫଲଶ୍ରୁତିଃ ।
ତସ୍ୟ ପୁଣ୍ୟଫଲଂ ରୋଦ୍ଧୁଂ ବ୍ରହ୍ମଣାପି ନ ଶକ୍ୟତେ ।
ପ୍ରାତଃକାଲେ ଚ ମଧ୍ୟାହ୍ନେ ସାୟହ୍ନେ ବା ଦ୍ୱିଜୋତ୍ତମ ॥ ୨୧॥
ଯେ ପଠନ୍ତୀହ ଲୋକେଽସ୍ମିନ୍ ସର୍ୱାନ୍କାମାନବାପ୍ନୁୟାତ୍ ।
ପଠନାଦେବ ଗାୟତ୍ରୀ ନାମ୍ନାମଷ୍ଟୋତ୍ତରଂ ଶତମ୍ ॥ ୨୨॥
ବ୍ରହ୍ମହତ୍ୟାଦି ପାପେଭ୍ୟୋ ମୁଚ୍ୟତେ ନାତ୍ର ସଂଶୟଃ ।
ଦିନେ ଦିନେ ପଠେଦ୍ୟସ୍ତୁ ଗାୟତ୍ରୀସ୍ତବମୁତ୍ତମମ୍ ॥ ୨୩॥
ସ ନରୋ ମୋକ୍ଷମାପ୍ନୋତି ପୁନରାବୃତ୍ତିବର୍ଜିତଂ
ପୁତ୍ରପ୍ରଦମପୁତ୍ରାଣାଂ ଦରିଦ୍ରାଣାଂ ଧନପଦମ୍ ॥ ୨୪॥
ରୋଗିଣାଂ ରୋଗଶମନଂ ସର୍ୱୈଶ୍ୱର୍ୟପ୍ରଦାୟକଂ
ବହୁନାତ୍ର କିମୁନା ସ୍ତୋତ୍ରଂ ଶୀଘ୍ରଂ ଫଲପ୍ରଦମ୍ ॥ ୨୫॥
ଇତି ଶ୍ରୀଗାୟତ୍ର୍ୟଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
गोवर्द्धन मठ, पुरी से जुड़ने के लिए क्लिक करें 👇👇
https://kutumbapp.page.link/WiGY11W4eeJEHyWZA?ref=KRV6D
ଗାୟତ୍ର୍ୟଷ୍ଟୋତ୍ତରଶତନାମାବଲିଃ https://gayatree-upasana.blogspot.com/2022/10/blog-post_68.html
No comments:
Post a Comment