ଶ୍ରୀଃ ।
ଯସ୍ମିନ୍ଦୃଷ୍ଟେ ନୈବ ଦୃଶ୍ୟେତ ବିଶ୍ୱଂ ଯସ୍ମିଂଲବ୍ଧେ ନୈବ ଲବ୍ଧବ୍ୟଶେଷଃ ।
ଯସ୍ମିନ୍ ଜ୍ଞାତେ ନୈବ ବେଦ୍ୟାନ୍ତରାଶା ଗାୟତ୍ର୍ୟର୍ଥଂ ପଞ୍ଚବକ୍ତ୍ରଂ ପ୍ରପଦ୍ୟେ ॥ ୧॥
ଯା ଗାୟତ୍ରୀ ନାମଧେୟଂ ମହାର୍ଥଂ ସାର୍ଥଂ କର୍ତୁଂ ସମ୍ପ୍ରବିଷ୍ଟୋପନାୟେ ।
ମାର୍ଗେ ମନ୍ତ୍ରାନ୍ ସର୍ୱତୋ ଦର୍ଶୟିତ୍ୱା ତାରେ ଲୀନା ସର୍ୱବେଦାର୍ଥଦୀପେ ॥ ୨॥
ଶ୍ରୋତବ୍ୟଂ ମେ ବାକ୍ୟମେତତ୍ସମସ୍ତୈର୍ୱର୍ଣୈର୍ଭାବ୍ୟଂ ସ୍ୱାଶ୍ରମପ୍ରାପ୍ତଚିହ୍ନୈଃ ।
ତେଭ୍ୟସ୍ତୁଷ୍ୟେଚ୍ଛଙ୍କରଃ ଶ୍ରୀହରିର୍ୱା ପ୍ରଷ୍ଟବ୍ୟୋ ବଃ ଶ୍ରୀଗୁରୁଃ ସ୍ୱୈର୍ୱିନୀତୈଃ ॥ ୩॥
https://pearlvineodia.blogspot.com/2022/10/active-income-passive-income.html
ଗାୟତ୍ରୀ ଚେତ୍ସମ୍ୟଗାପ୍ତା କ୍ରମେଣ ସା ସଞ୍ଜପ୍ତା କର୍ମଶୁଦ୍ଧୟା ଦ୍ୱିଜେନ ।
ସା ବିଜ୍ଞାତା ଗୋପିତା ସମ୍ପ୍ରଦାୟାତ୍କିଂ ନୋ ଦଦ୍ୟାଦ୍ୱେଦମାତା ମତା ଚେତ୍ ॥ ୪॥
ବୁଦ୍ଧାବୀଶାରୋହଣଂ କର୍ମ ତସ୍ୟାଃ ସା ଚେତ୍ୟକ୍ତା ତ୍ୟକ୍ତ ଈଶୋ ଦ୍ୱିଜେନ ।
ଯସ୍ୟାଂ ସର୍ୱା ଦେବତାଃ ସମ୍ପ୍ରବିଷ୍ଟାଃ ସର୍ୱାତ୍ମାନଂ ମନ୍ତ୍ରରାଜଂ ପ୍ରପଦ୍ୟେ ॥ ୫॥
ବିଷ୍ଣୁଃ ଶମ୍ଭୁର୍ଭାସ୍କରୋ ବିଘ୍ନରାଜୋ ଯା ବା କା ବା ଦେବତାଽସ୍ୟା ବିଭୂତିଃ ।
ସୈକୋପାସ୍ୟା ବେଦମାର୍ଗୈକନିଷ୍ଠୈଃ କ୍ଷୀରାବ୍ଧୌ କିଂ ଦୁଗ୍ଧଭିକ୍ଷାପ୍ରୟାସଃ ॥ ୬॥
ନେୟଂ ଲଭ୍ୟା ମାନୁଷାଣାଂ ଝଷାଣାଂ ଗଙ୍ଗାଶବ୍ଦୋ ମାନୁଷତ୍ୱୈକହେତୁଃ ।
ଯସ୍ୟା ଲବ୍ଧ୍ୟୈ ବେଦିକାଗ୍ରେସରାଣାଂ ବଂଶେ ବେଦୈଃ ସଂସ୍କୃତେ ଜନ୍ମହେତୁଃ ॥ ୭॥
ମନ୍ତ୍ରୈଃ କିଂ ତୈର୍ୟୈଃ ପ୍ରତୀକ୍ଷ୍ୟେତ ଦେବୀ ଗାୟତ୍ର୍ୟମ୍ବା ସମ୍ପ୍ରବେଷ୍ଟୁଂ ଦ୍ୱିଜେଷୁ ।
ଦେବୈଃ କିଂ ତୈରଗ୍ନିନା ପୁଷ୍ଟିମଦ୍ଭିସ୍ତସ୍ମାଦ୍ଭସ୍ମୋଦ୍ଭୂଷିତୈଃ ସା ନିଷେବ୍ୟା ॥ ୮॥
ଦତ୍ତଂ ଭସ୍ମ ଶ୍ରୀତ୍ରିପାଦାମ୍ବୟୈତନ୍ତ୍ର୍ୟଙ୍ଘ୍ରେରଗ୍ନେଃ ଶେଷରୂପଂ ସ୍ୱରୂପମ୍ ।
ତସ୍ମାଦ୍ଭସ୍ମ ପ୍ରୋଚ୍ୟତେ ଭାସନାଚ୍ଚ ଭୂତିର୍ଗାୟତ୍ର୍ୟମ୍ବୟୈକ୍ୟାସ୍ତ୍ତ୍ରିପୁଣ୍ଡ୍ରମ୍ ॥ ୯॥
ଶୈବୋଽନ୍ୟୋ ବା ଯାଂ ବିନା କିଂ ଦ୍ୱିଜଃ ସ୍ୟାଚ୍ଛୈବୋଽନ୍ୟୋ ବା ଦୀକ୍ଷୟା ବେଦମାତୁଃ ।
ତସ୍ମାଚ୍ଛୈବୋ ବୈଷ୍ଣବୋଽନ୍ୟେଷୁ ଗଣ୍ୟୋ ଗାୟତ୍ର୍ଣାପ୍ତା ବ୍ରହ୍ମତା ବେଦମାନ୍ୟା ॥ ୧୦॥
ଭେଦାପୋହବ୍ୟାପୃତିଂ ସା ବିଭର୍ତି ଧ୍ୟାନୈର୍ଭିନ୍ନୈର୍ଧ୍ୟାନନିଷ୍ଠୈକବେଦ୍ୟାମ୍ ।
ତସ୍ମାନ୍ନାମାନ୍ୟତ୍ର ସଂୟାନ୍ତି ସର୍ୱାଣ୍ୟସ୍ୟା ନିଷ୍ଠା ଶାମ୍ଭବୀ ବୈଷ୍ଣବୀ ଚ ॥ ୧୧॥
ଲୋକସ୍ଥାସ୍ତେ ବିଷ୍ଣୁରୁଦ୍ରାଦିଦେବାଃ କୈଶ୍ଚିତ୍କାମୈଃ କୈଶ୍ଚିଦେବାଧିକାରୈଃ ।
ଗାୟତ୍ର୍ୟାସ୍ତା ମୂର୍ତୟଃ ସେବନୀୟା ଗାୟତ୍ର୍ୟାଂ ତେ ସେବିତାଃ ସମ୍ଭ୍ରମେଣ ॥ ୧୨॥
ବ୍ରହ୍ମତ୍ୱଂ ଚେଦାପ୍ତୁକାମୋଽସ୍ୟୁପାସ୍ୱ ଗାୟତ୍ରୀଂ ଚେଲ୍ଲୋକକାମୋଽନ୍ୟଦେବମ୍ ।
କାମୋ ଜ୍ଞାତଃ ସ୍ୱୀୟପାଦପ୍ରବୃତ୍ୟା ବାଦଃ କୋ ବା ତୃପ୍ତିହୀନେ ପ୍ରବୃତ୍ତିଃ ॥ ୧୩॥
ବୁଦ୍ଧେଃ ସାକ୍ଷୀ ବୁଦ୍ଧିଗମ୍ୟୋ ଜପାଦୌ ଗାୟତ୍ର୍ୟର୍ଥଃ ସୋଽନଘୋ ବେଦସାରଃ ।
ତଦ୍ବ୍ରହ୍ମୈବ ବ୍ରହ୍ମତୋପାସକସ୍ୟାପ୍ୟେବଂ ମନ୍ତ୍ରଃ କୋଽସ୍ତି ତନ୍ତ୍ରେ ପୁରାଣେ ॥ ୧୪॥
ଜାତ୍ୟଶ୍ୱଃ କିଂ ଜାତିମାପ୍ତୁଂ ସକାମୋ ଗତ୍ୟଭ୍ୟାସାତ୍ସ୍ପଷ୍ଟତାମେତି ଜାତିଃ ।
ବ୍ରହ୍ମତ୍ୱାପ୍ତୌ କଃ ପ୍ରୟାସୋ ଦ୍ୱିଜାନାଂ ଯଦ୍ଗାୟତ୍ର୍ୟା ବ୍ୟଜ୍ୟତେ ଚାଷ୍ଟମେଽବ୍ଦେ ॥ ୧୫॥
ବ୍ରହ୍ମତ୍ୱସ୍ୟ ଖ୍ୟାପନାର୍ଥଂ ପ୍ରବିଷ୍ଟା ଗାୟତ୍ରୀୟଂ ତାବତାସ୍ୟଦ୍ୱିଜତ୍ୱମ୍ ।
କର୍ଣଦ୍ୱାରା ବ୍ରହ୍ମଜନ୍ମପ୍ରଦାନାଦୁକ୍ତୋ ବେଦେ ବ୍ରାହ୍ମଣୋ ବ୍ରହ୍ମନିଷ୍ଠଃ ॥ ୧୬॥
ଏଷା ନିଷ୍ଠା ଦୁର୍ଲଭା ମର୍ତ୍ୟବୁଦ୍ଧୌ ତସ୍ମାଲ୍ଲୋକେ ବୈଷ୍ଣବାଃ ଶାମ୍ଭବାଶ୍ଚ ।
ଭିନ୍ନଂ ଭିନ୍ନଂ ମାର୍ଗମାସ୍ଥାୟ ବେଦଂ କ୍ଷାମଂ କୁର୍ୱନ୍ତ୍ୟାସ୍ତିକଚ୍ଛଦ୍ମନେ ମେ ॥ ୧୭॥
ପକ୍ଷିଦ୍ୱନ୍ଦ୍ୱଂ ବିଦ୍ୟତେ ସ୍ୱସ୍ୱଦେହେ ଭୋକ୍ତାରଂ ସା ଧ୍ୟାନମାଚଷ୍ଟ ଏତତ୍ ।
ଯାବତ୍କ୍ଷୀଣା ଭୋକ୍ତୃତା ସ୍ୟାତ୍ତତସ୍ତୁ ଜ୍ଞାତ୍ୱା ବ୍ରୂୟାଦ୍ରୁହ୍ମତାଂ ସ୍ୱସ୍ୟ ବିଦ୍ୱାନ୍ ॥ ୧୮॥
ଗାୟତ୍ର୍ୟର୍ଥଂ ନୋ ବିଜାନାତି କଶ୍ଚିତ୍ତସ୍ମାଦନ୍ୟଂ ଦେବମାହ ଦ୍ୱିଜୋଽପି ।
ବିଜ୍ଞାତଶ୍ଚେତ୍ସର୍ୱବାଦସ୍ୟ ଶାତିର୍ମୁକ୍ତିର୍ହସ୍ତେ ଗାୟମାନସ୍ୟ ମନ୍ତ୍ରମ୍ ॥ ୧୯॥
ଭସ୍ମାନ୍ତଂ ଚେଦ୍ୱିଶ୍ୱମେତତ୍ସମସ୍ତଂ ଭସ୍ମୋଦ୍ଭୂତଂ ଭସ୍ମ ସମ୍ଭାସତେ ଚ ।
ତସ୍ମାଦ୍ବ୍ରହ୍ମ ପ୍ରାହୁରାଦ୍ୟୈର୍ୱଚୋଭିର୍ୱେଦାସ୍ତସ୍ମାଦ୍ଭସ୍ମ ଲିଙ୍ଗଂ ଦ୍ୱିଜାନାମ୍ ॥ ୨୦॥
ଇତି ଶ୍ରୀଶଙ୍କରାଚାର୍ୟାଭିପ୍ରାୟଃକୃଷ୍ଣଭିକ୍ଷୁଣା ।
ବର୍ଣିତସ୍ତେନ ଗାୟତ୍ରୀ ବିଭୂତ୍ୟା ସହ ନନ୍ଦତୁ ॥ ୨୧॥
ଇତି ଶ୍ରୀମତ୍ପରମହଂସପରିବ୍ରାଜକାଚାର୍ୟକୃଷ୍ଣାନନ୍ଦସରସ୍ୱତୀବିରଚିତଂ
ଗାୟତ୍ରୀସ୍ତୋତ୍ରଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
गोवर्द्धन मठ, पुरी से जुड़ने के लिए क्लिक करें 👇👇
https://kutumbapp.page.link/WiGY11W4eeJEHyWZA?ref=KRV6D
ଗାୟତ୍ର୍ୟଷ୍ଟକମ୍ https://gayatree-upasana.blogspot.com/2022/10/blog-post_89.htm
No comments:
Post a Comment