॥ ଅଥ ଶ୍ରୀମଦ୍ଦେବୀଭାଗବତେ ମହାପୁରାଣେ ଗାୟତ୍ରୀହୃଦୟମ୍ ॥
ନାରଦ ଉବାଚ ।
ଭଗବନ୍ଦେବଦେବେଶ ଭୂତଭବ୍ୟ ଜଗତ୍ପ୍ରଭୋ ।
କବଚଂ ଚ ଶୃତଂ ଦିବ୍ୟଂ ଗାୟତ୍ରୀମନ୍ତ୍ରବିଗ୍ରହମ୍ ॥ ୧॥
ଅଧୁନା ଶ୍ରୋତୁମିଚ୍ଛାମି ଗାୟତ୍ରୀହୃଦୟଂ ପରମ୍ ।
ଯଦ୍ଧାରଣାଦ୍ଭବେତ୍ପୁଣ୍ୟଂ ଗାୟତ୍ରୀଜପତୋଽଖିଲମ୍ ॥ ୨॥
ଶ୍ରୀନାରାୟଣ ଉବାଚ ।
ଦେବ୍ୟାଶ୍ଚ ହୃଦୟଂ ପ୍ରୋକ୍ତଂ ନାରଦାଥର୍ୱଣେ ସ୍ଫୁଟମ୍ ।
ତଦେବାହଂ ପ୍ରବକ୍ଷ୍ୟାମି ରହସ୍ୟାତିରହସ୍ୟକମ୍ ॥ ୩॥
ବିରାଡ୍ରୂପାଂ ମହାଦେବୀଂ ଗାୟତ୍ରୀଂ ବେଦମାତରମ୍ ।
ଧ୍ୟାତ୍ୱା ତସ୍ୟାସ୍ତ୍ୱଥାଙ୍ଗେଷୁ ଧ୍ୟାୟେଦେତାଶ୍ଚ ଦେବତାଃ ॥ ୪॥
ପିଣ୍ଡବ୍ରହ୍ମଣ୍ଦୟୋରୈକ୍ୟାଦ୍ଭାବୟେତ୍ସ୍ୱତନୌ ତଥା ।
ଦେବୀରୂପେ ନିଜେ ଦେହେ ତନ୍ମୟତ୍ୱାୟ ସାଧକଃ ॥ ୫॥
ନାଦେବୋଽଭ୍ୟର୍ଚୟେଦ୍ଦେବମିତି ବେଦବିଦୋ ବିଦୁଃ ।
ତତୋଽଭେଦାୟ କାୟେ ସ୍ୱେ ଭାବୟେଦ୍ଦେବତା ଇମାଃ ॥ ୬॥
ଅଥ ତତ୍ସମ୍ପ୍ରବକ୍ଷ୍ୟାମି ତନ୍ମୟତ୍ୱମୟୋ ଭବେତ୍ ।
ଗାୟତ୍ରୀହୃଦୟସ୍ୟାସ୍ୟାପ୍ୟହମେବ ଋଷିଃ ସ୍ମୃତଃ ॥ ୭॥
ଗାୟତ୍ରୀଛନ୍ଦ ଉଦ୍ଦିଷ୍ଟଂ ଦେବତା ପରମେଶ୍ୱରୀ ।
ପୂର୍ୱୋକ୍ତେନ ପ୍ରକାରେଣ କୁର୍ୟାଦଙ୍ଗାନି ଷଟ୍ କ୍ରମାତ୍ ।
ଆସନେ ବିଜନେ ଦେଶେ ଧ୍ୟାୟେଦେକାଗ୍ରମାନସଃ ॥ ୮॥
ଅଥାର୍ଥନ୍ୟାସଃ । ଦ୍ୟୌମୂର୍ଧ୍ନି ଦୈବତମ୍ ।
ଦନ୍ତପଙ୍କ୍ତାବଶ୍ୱିନୌ । ଉଭେ ସନ୍ଧ୍ୟେ ଚୌଷ୍ଠୌ ।
ମୁଖମଗ୍ନିଃ । ଜିହ୍ୱା ସରସ୍ୱତୀ । ଗ୍ରୀବାୟାଂ ତୁ ବୃହସ୍ପତିଃ ।
ସ୍ତନୟୋର୍ୱସବୋଽଷ୍ଟୌ । ବାହ୍ୱୋର୍ମରୁତଃ । ହୃଦୟେ ପର୍ଜନ୍ୟଃ ।
ଆକାଶମୁଦରମ୍ । ନାଭାବନ୍ତରିକ୍ଷମ୍ । କଟ୍ୟୋରିନ୍ଦ୍ରାଗ୍ନୀ ।
ଜଘନେ ବିଜ୍ଞାନଘନଃ ପ୍ରଜାପତିଃ । କୈଲାସମଲୟେ ଊରୂ ।
ବିଶ୍ୱେଦେବା ଜାନ୍ୱୋଃ । ଜଙ୍ଘାୟାଂ କୌଶିକଃ । ଗୁହ୍ୟମୟନେ ।
ଊରୂ ପିତରଃ । ପାଦୌ ପୃଥିବୀ । ବନସ୍ପତୟୋଙ୍ଗୁଲୀଷୁ ।
ଋଷୟୋ ରୋମାଣି । ନଖାନି ମୁହୂର୍ତାନି । ଅସ୍ଥିଷୁ ଗ୍ରହାଃ ।
ଅସୃଙ୍ମାଂସମୃତବଃ । ସମ୍ବତ୍ସରା ବୈ ନିମିଷମ୍ ।
ଅହୋରାତ୍ରାବାଦିତ୍ୟଶ୍ଚନ୍ଦ୍ରମାଃ ।
ପ୍ରବରଂ ଦିବ୍ୟାଂ ଗାୟତ୍ରୀଂ ସହସ୍ରନେତ୍ରାଂ ଶରଣମହଂ ପ୍ରପଦ୍ୟେ ।
ଓଁ ତତ୍ସବିତୁର୍ୱରେଣ୍ୟାୟ ନମଃ । ଓଁ ତତ୍ପୂର୍ୱାଜୟାୟ ନମଃ ।
ତତ୍ପ୍ରାତରାଦିତ୍ୟାୟ ନମଃ । ତତ୍ପ୍ରାତରାଦିତ୍ୟପ୍ରତିଷ୍ଠାୟୈ ନମଃ ।
ପ୍ରାତରଧୀୟାନୋ ରାତ୍ରିକୃତଂ ପାପଂ ନାଶୟତି ।
ସାୟମଧୀୟାନୋ ଦିବସକୃତଂ ପାପଂ ନାଶୟତି ।
ସାୟମ୍ପ୍ରାତରଧୀୟାନଃ ଅପାପୋ ଭବତି ।
ସର୍ୱତୀର୍ଥେଷୁ ସ୍ନାତୋ ଭବତି । ସର୍ୱୈର୍ଦେବୈର୍ଜ୍ଞାତୋ ଭବତି ।
ଅବାଚ୍ୟବଚନାତ୍ପୂତୋ ଭବତି । ଅଭକ୍ଷ୍ୟଭକ୍ଷଣାତ୍ପୂତୋ ଭବତି ।
ଅଭୋଜ୍ୟଭୋଜନାତ୍ପୂତୋ ଭବତି । ଅଚୋଷ୍ୟଚୋଷଣାତ୍ପୂତୋ ଭବତି ।
ଅସାଧ୍ୟସାଧନାତ୍ପୂତୋ ଭବତି । ଦୁଷ୍ପ୍ରତିଗ୍ରହଶତସହସ୍ରାତ୍ପୂତୋ ଭବତି ।
ପଙ୍କ୍ତିଦୂଷଣାତ୍ପୂତୋ ଭବତି । ଅମୃତବଚନାତ୍ପୂତୋ ଭବତି ।
ଅଥାବ୍ରହ୍ମଚାରୀ ବ୍ରହ୍ମଚାରୀ ଭବତୀ ।
ଅନେନ ହୃଦୟେନାଧୀତେନ କ୍ରତୁସହସ୍ରେଣେଷ୍ଟଂ ଭବତି ।
ଷଷ୍ଟିଶତସହସ୍ରଗାୟତ୍ର୍ୟା ଜପ୍ୟାନି ଫଲାନି ଭବନ୍ତି ।
ଅଷ୍ଟୌ ବ୍ରାହ୍ମଣାନ୍ସମ୍ୟଗ୍ଗ୍ରାହୟେତ୍ । ତସ୍ୟ ସିଦ୍ଧିର୍ଭବତି ।
ଯ ଇଦଂ ନିତ୍ୟମଧୀୟାନୋ ବ୍ରାହ୍ମଣଃ ପ୍ରାତଃ ଶୁଚିଃ ସର୍ୱପାପଃ
ପ୍ରମୁଚ୍ୟତ ଇତି । ବ୍ରହ୍ମଲୋକେ ମହୀୟତେ ।
ଇତ୍ୟାହ ଭଗବାନ୍ ଶ୍ରୀନାରାୟଣଃ ॥
ଇତି ଶ୍ରୀଦେବୀଭାଗବତେ ମହାପୁରାଣେ ଦ୍ୱାଦଶସ୍କନ୍ଧେ
ଗାୟତ୍ରୀହୃଦୟଂ ନାମ ଚତୁର୍ଥୋଽଧ୍ୟାୟଃ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
https://youtube.com/playlist?list=PLk9rZGFktJbNmccpBqvmo9jFtZwm5dJgU&feature=shared
ଗାୟତ୍ର୍ୟଥର୍ୱଶୀର୍ଷମ୍ https://gayatree-upasana.blogspot.com/2022/10/blog-post_30.html
No comments:
Post a Comment