ଶ୍ରୀଗାୟତ୍ରୀ ସୁପ୍ରଭାତମ୍

ଶ୍ରୀ ପାତୂରି ସୀତାରାମାଞ୍ଜନେୟୁଲୁ କୃତ

        ॥ ଶ୍ରୀରସ୍ତୁ ॥

ଶ୍ରୀ ଜାନିରଦ୍ରିତନୟାପତିରବ୍ଜଗର୍ଭଃ

ସର୍ୱେ ଚ ଦୈବତଗଣାଃ ସମହର୍ଷୟୋଽମୀ ।

ଏତେ ଭୂତନିଚୟାଃ ସମୁଦୀରୟନ୍ତି

ଗାୟତ୍ରି - ଲୋକବିନୁତେ ତବ ସୁପ୍ରଭାତମ୍ ॥ ୧॥

ପୁଷ୍ପୋଚ୍ଚୟପ୍ରବିଲସତ୍କରକଞ୍ଜୟୁଗ୍ମାମ୍

ଗଙ୍ଗାଦିଦିବ୍ୟତଟିନୀବରତୀରଦେଶେ- ।

ଷ୍ୱର୍ଘ୍ୟମ୍ ସମର୍ପୟିତୁମତ୍ରଜନାସ୍ତବୈତେ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨॥

କର୍ଣେଽମୃତମ୍ ବିକିରତା ସ୍ୱରସଞ୍ଚୟେନ

ସର୍ୱେ ଦ୍ୱିଜାଃ ଶ୍ରୁତିଗଣମ୍ ସମୁଦୀରୟନ୍ତି ।

ପଶ୍ୟାଶ୍ରମାସଥ ବୃକ୍ଷତଲେଷୁ ଦେବି

ଗାୟତି -ଲୋକବିନୁତେ -ତବ ସୁପ୍ରଭାତମ୍ ॥ ୪॥

ଗାବୋ ମହର୍ଷିନିଚୟାଶ୍ରମ ଭୂମିଭାଗାତ୍

ଗନ୍ତୁମ୍ ବନାୟ ଶନକୈଃ ଶନକୈଃ ପ୍ରୟାନ୍ତି ।

ବତ୍ସାନ୍ ପୟୋଽମୃତରସମ୍ ନନୁ ପାୟଯିତ୍ୟା

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୪॥

ଶିଷ୍ୟ ପ୍ରବୋଧନପରା ବର ମୌନି ମୁଖ୍ୟାଃ

ବ୍ୟାଖ୍ୟାନ୍ତି ବେଦଗଦିତମ୍ ସ୍ଫୁଟ ଧର୍ମ ତତତ୍ତ୍ୱମ୍ ।

ସ୍ୱୀୟାଶ୍ରମାଙ୍ଗଣତଲେଷୁ ମନୋହରେଷୁ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୫॥

ଶ୍ରୋତ୍ରାମୃତମ୍ ଶ୍ରୁତିରବମ୍ କଲୟନ୍ତ ଏତେ

ବିସ୍ମୃତ୍ୟ ଗନ୍ତୁମଟବୀମ୍ ଫଲଲାଭଲୋଭାତ୍ ।

ବୃକ୍ଷାଗ୍ର ଭୂମିଷୁ ବନେଷୁ ଲସନ୍ତି କୀରାଃ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୬॥

ମୂର୍ତିତ୍ରୟାତ୍ମକଲିତେ ନିଗମ ତ୍ରୟେଣ

ବେଦ୍ୟେ ସ୍ୱରତ୍ରୟ ପରିସ୍ଫୁଟ ମନ୍ତରୂପେ

ତତ୍ତ୍ୱପ୍ରବୋଧନପରୋପନିଷତ୍ପ୍ରପଞ୍ଚେ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୭॥

ବିଶ୍ୱାତ୍ମିକେ ନିଗମଶୀର୍ଷବତଂସରୂପେ

ସର୍ୱାଗମାନ୍ତରୁଦିତେ ବରତୈଜସାତ୍ମନ୍ ।

ପ୍ରାଜ୍ଞାତ୍ମିକେ ସୃଜନପୋଷଣସଂହୃତିସ୍ଥେ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୮॥

ତୁର୍ୟାତ୍ମିକେ ସକଲତତ୍ତ୍ୱଗଣାନତୀତେ

ଆନନ୍ଦଭୋଗକଲିତେ ପରମାର୍ଧଦତ୍ରି

ବ୍ରହ୍ମାନୁଭୂତିବରଦେ ସତତମ୍  ଜନାନାମ୍ ।

ଗାୟତ୍ରି - ଲୋକବିନୁତେ -ସୁପ୍ରଭାତମ୍  ॥ ୯॥

ତାରସ୍ୱରେଣ ମଧୁରମ୍ ପରିଗୀୟମାନେ

ମନ୍ଦ୍ରସ୍ୱରେଣ ମଧୁରେଣ ଚ ମଧ୍ୟମେନ ।

ଗାନାତ୍ମିକେ ନିଖିଲଲୋକ ମନୋଜ୍ଞ ଭାବେ

ଗାୟତ୍ରି - ଲୋକବିନୁତେ - ତବ ସୁପଭାତମ୍ ॥ ୧୦॥

ପାପାଟବୀ ଦହନ ଜାଗୃତ ମାନସା ତ୍ୱମ୍

ଭକ୍ତୌଘ ପାଲନ ନିରନ୍ତର ଦୀକ୍ଷିତାଽସି ।

ତ୍ୱୟ୍ୟେବ ବିଶ୍ୱମଖିଲମ୍ ସ୍ଥିରତାମୁପୈତି

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୧॥

ଯା ବୈଦିକୀ ନିଖିଲ ପାବନ ପାବନୀ ବାକ୍

ଯା ଲୌକିକୀ ବ୍ୟବହୃତି ପ୍ରବଣା ଜନାନାମ୍ ।

ଯା କାବ୍ୟରୂପ କଲିତା ତବ ରୂପ ମେତାଃ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୨॥

ଦିବ୍ୟମ୍  ବିମାନମଧିରୁହ୍ୟ ନଭୋଙ୍ଗଣେଽତ୍ର

ଗାୟନ୍ତି ଦିବ୍ୟ ମହିମାନମିମେ ଭବତ୍ୟାଃ ।

ପଶ୍ୟ ପ୍ରସୀଦ ନିଚୟା ଦିବିଜାଙ୍ଗନାନାମ୍

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୩॥

ହୈମୀମ୍ ରୁଚମ୍  ସକଲ ଭୂମିରୁହାଗ୍ରଦେଶେ-

ଷ୍ୱାଧାୟ ତତ୍କୃତ ପରୋପକୃତୌ ପ୍ରସନ୍ନଃ ।

ଭାନୁଃ କରୋତ୍ୟବସରେ କନକାଭିଷେକମ୍

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୪॥

ଦିବ୍ୟାପଗାସୁ ସରସୀଷୁ ବନୀ ନିକୁଙ୍ଜେ-

ଷୂଚ୍ଚାବଚାନି କୁସୁମାନି ମନୋହରାଣି ।

ପୁଲ୍ଲାନି ସନ୍ତି ପରିତସ୍ତବ ପୂଜନାୟ

ଗାୟତ୍ରି -  ଲୋକବିନୁତେ -  ତବ ସୁପ୍ରଭାତମ୍ ॥ ୧୫॥

କୁର୍ୱନ୍ତି ପକ୍ଷିନିଚୟାଃ କଲଗାନମେତେ

ବୃକ୍ଷାଗ୍ରମୁନ୍ନତତରାସନମାଶ୍ରୟନ୍ତଃ

ଦେବି - ତ୍ୱଦୀୟ ମହିମାନମୁଦୀରୟନ୍ତୋ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୬॥

ବିଶ୍ୱେଶି - ବିଷ୍ଣୁଭଗିନି - ଶ୍ରୁତିବାକ୍ସ୍ୱରୂପେ -

ତନ୍ମାତ୍ରିକେ - ନିଖିଲମନ୍ତମୟସ୍ୱରୂପେ -

ଗାନାତ୍ମିକେ - ନିଖିଲତତ୍ତ୍ୱନିଜସ୍ୱରୂପେ -

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୭॥

ତେଜୋମୟି - ତ୍ରିଭୁବନାବନସକ୍ତଚିତ୍ତେ -

ସନ୍ଧାତ୍ମିକେ - ସକଲ କାଲ କଲା ସ୍ୱରୂପେ -

ମୃତ୍ୟୁଞ୍ଜୟେ - ଜୟିନି - ନିତ୍ୟନିରନ୍ତରାତ୍ମନ୍ -

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୮॥

ତ୍ୱାମେବ ଦେବି - ପରିତୋ ନିଖିଲାନି ତନ୍ତ୍ରା-

ଣ୍ୟାଭାତି ତତ୍ତ୍ୱମଖିଲମ୍ ଭବତୀମ୍ ବିବୃଣ୍ୱତ୍ ।

ତ୍ୱମ୍ ସର୍ୱଦାଽସି ତରୁଣାରୁଣଦିବ୍ୟଦେହେ -

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୧୯॥

ନିତ୍ୟାଽସି ଦେବି - ଭବତୀ ନିଖିଲେ ପ୍ରପଞ୍ଚେ

ବନ୍ଦ୍ୟାଽସି ସର୍ୱ ଭୁବନୈଃ ସତତୋଦ୍ୟତାସି ।

ଧୀ ପ୍ରେରିକାଽସି ଭୁବନସ୍ୟ ଚରାଚରସ୍ୟ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୦॥

ବନ୍ଦାମହେ ଭଗବତୀମ୍ ଭବତୀମ୍ ଭବାବ୍ଧି-

ସନ୍ତାରିଣୀମ୍ ତ୍ରିକରଣୈଃ କରୁଣାମୃତାବ୍ଦେ-

ସମ୍ପଶ୍ୟ ଚିନ୍ମୟତନୋ - କରୁଣାର୍ଦ୍ରଦୃଷ୍ଟ୍ୟା

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୧॥

ତ୍ୱମ୍ ମାତୃକାମୟତନୁଃ ପରମ ପ୍ରଭାବା

ତ୍ୱୟ୍ୟେବ ଦେବି - ପରମଃ ପୁରୁଷଃ ପୁରାଣଃ ।

ତ୍ୱତ୍ତଃ ସମସ୍ତ ଭୁବନାନି ସମୁଲ୍ଲସନ୍ତି

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୨॥

ତ୍ୱମ୍ ବୈ ପ୍ରସୂର୍ନିଖିଲଦେବଗଣସ୍ୟ ଦେବି

ତ୍ୱମ୍ ସ୍ତୂୟସେ ତ୍ରିଷବଣମ୍ ନିଖିଲୈଶ୍ଚ ଲୋକୈଃ ।

ତ୍ୱମ୍ ଦେଶ କାଲ ପରମାର୍ଥ ପରିସ୍ଫୁଟାସି

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୩॥

ତ୍ୱମ୍ ଗାଧିସୂନୁ ପରମର୍ଷି ବରେଣ ଦୃଷ୍ଟା

ତେଜୋମୟୀ ସବିତୁରାତ୍ମମୟାଖିଲାର୍ଥା ।

ସର୍ୱାର୍ଥଦା ପ୍ରଣତ ଭକ୍ତ ଜନସ୍ୟ ଶଶ୍ୱତ୍

ଗାୟତ୍ରି - ଲୋକବିନୁତୋ - ତବ ସୁପ୍ରଭାତମ୍ ॥ ୨୪॥

ସଙ୍କଲ୍ପ୍ୟ ଲୋକମଖିଲମ୍ ମନସୈବ ସୂଷେ

କାରୁଣ୍ୟଭାବ କଲିତାଽବସି ଲୋକମାତା ।

କୋପାନ୍ୱିତା ତମଖିଲମ୍ କୁରୁଷେ ପ୍ରଲୀନମ୍

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୫॥

ମୁକ୍ତାଭ ବିଦ୍ରୁମ ସୁବର୍ଣ ମହେନ୍ଦ୍ର ନୀଲ

ଶ୍ୱେତପ୍ରଭୈର୍ ଭୁବନ ରକ୍ଷଣ ବୁଦ୍ଧି ଦୀକ୍ଷୈଃ ।

ବକ୍ତ୍ରୈର୍ୟୁତେ - ନିଗମ ମାତରୁଦାରସତ୍ତ୍ୱେ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୬॥

କାରୁଣ୍ୟ ବୀଚି ନିଚୟାମଲ କାନ୍ତି କାନ୍ତାମ୍

ବ୍ରହ୍ମାଦି ସର୍ୱ ଦିବିଜେଡ୍ୟ ମହାପ୍ରଭାବାମ୍ ।

ପ୍ରୀତ୍ୟା ପ୍ରସାରୟ ଦୃଶମ୍ ମୟି ଲୋକମାତଃ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୭॥

ଶ୍ରୀ ଲକ୍ଷ୍ମଣାଦି ଗୁରୁ ସତ୍କରୁଣୈକଲବ୍ଧ-

ବିଦ୍ୟା ବିନୀତ ମତିୟାନୟ ମାଙନେୟଃ ।

ସଂସେବତେଽତ୍ରଭବତୀମ୍ ଭୁବତୀମ୍ ବଚୋଭିଃ

ଗାୟତ୍ରି - ଲୋକବିନୁତେ - ତବ ସୁପ୍ରଭାତମ୍ ॥ ୨୮॥

ଇତି ସୀତାରାମାଙ୍ଜନେୟ କବି କୃତ ଗାୟତ୍ରୀ ସୁପ୍ରଭାତମ୍ ॥

ଗାୟତ୍ରୀ ଆବାହନ

https://youtu.be/vycBKIGAKXg

ଗାୟତ୍ରୀ ମନ୍ତ୍ର ଆହୁତି 

https://youtu.be/AF47wDuWLkU

ଗାୟତ୍ରୀ ଆରତୀ 

https://youtu.be/IdpDKyYzBVM

ଆରତୀ https://gayatree-upasana.blogspot.com/2022/10/blog-post_73.html

 

ଶ୍ରୀଗାୟତ୍ରୀସହସ୍ରନାମସ୍ତୋତ୍ରମ୍ ଦେବୀ ଭାଗବତାନ୍ତର୍ଗତମ୍  https://gayatree-upasana.blogspot.com/2022/10/blog-post_35.html