ଗାୟତ୍ରୀ ଆବାହନ
(ଅକାରାଦିକ୍ଷକାରାନ୍ତାଦିନାମଘଟିତମ୍)
ନାରଦ ଉବାଚ -
ଭଗବନ୍ସର୍ୱଧର୍ମଜ୍ଞ ସର୍ୱଶାସ୍ତ୍ରବିଶାରଦ ।
ଶ୍ରୁତିସ୍ମୃତିପୁରାଣାନାଂ ରହସ୍ୟଂ ତ୍ୱନ୍ମୁଖାଚ୍ଛ୍ରୁତମ୍ ॥ ୧॥
ସର୍ୱପାପହରଂ ଦେବ ଯେନ ବିଦ୍ୟା ପ୍ରବର୍ତତେ ।
କେନ ବା ବ୍ରହ୍ମବିଜ୍ଞାନଂ କିଂ ନୁ ବା ମୋକ୍ଷସାଧନମ୍ ॥ ୨॥
ବ୍ରାହ୍ମଣାନାଂ ଗତିଃ କେନ କେନ ବା ମୃତ୍ୟୁ ନାଶନମ୍ ।
ଐହିକାମୁଷ୍ମିକଫଲଂ କେନ ବା ପଦ୍ମଲୋଚନ ॥ ୩॥
ବକ୍ତୁମର୍ହସ୍ୟଶେଷେଣ ସର୍ୱଂ ନିଖିଲମାଦିତଃ ।
ଶ୍ରୀନାରାୟଣ ଉବାଚ -
ସାଧୁ ସାଧୁ ମହାପ୍ରାଜ୍ଞ ସମ୍ୟକ୍ ପୃଷ୍ଟଂ ତ୍ୱୟାଽନଘ ॥ ୪॥
ଶୃଣୁ ବକ୍ଷ୍ୟାମି ଯତ୍ନେନ ଗାୟତ୍ର୍ୟଷ୍ଟସହସ୍ରକମ୍ ।
ନାମ୍ନାଂ ଶୁଭାନାଂ ଦିବ୍ୟାନାଂ ସର୍ୱପାପବିନାଶନମ୍ ॥ ୫॥
ସୃଷ୍ଟ୍ୟାଦୌ ଯଦ୍ଭଗବତା ପୂର୍ୱଂ ପ୍ରୋକ୍ତଂ ବ୍ରବୀମି ତେ ।
ଅଷ୍ଟୋତ୍ତରସହସ୍ରସ୍ୟ ଋଷିର୍ବ୍ରହ୍ମା ପ୍ରକୀର୍ତିତଃ ॥ ୬॥
ଛନ୍ଦୋଽନୁଷ୍ଟୁପ୍ତଥା ଦେବୀ ଗାୟତ୍ରୀ ଦେବତା ସ୍ମୃତା ।
ହଲୋ ବୀଜାନି ତସ୍ୟୈବ ସ୍ୱରାଃ ଶକ୍ତୟ ଈରିତାଃ ॥ ୭॥
ଅଙ୍ଗନ୍ୟାସକରନ୍ୟାସାବୁଚ୍ୟେତେ ମାତୃକାକ୍ଷରୈଃ ।
ଅଥ ଧ୍ୟାନଂ ପ୍ରବକ୍ଷ୍ୟାମି ସାଧକାନାଂ ହିତାୟ ବୈ ॥ ୮॥
ଧ୍ୟାନମ୍ -
ରକ୍ତଶ୍ୱେତହିରଣ୍ୟନୀଲଧବଲୈର୍ୟୁକ୍ତାଂ ତ୍ରିନେତ୍ରୋଜ୍ଜ୍ୱଲାଂ
ରକ୍ତାଂ ରକ୍ତନବସ୍ରଜଂ ମଣିଗଣୈର୍ୟୁକ୍ତାଂ କୁମାରୀମିମାମ୍ ।
ଗାୟତ୍ରୀଂ କମଲାସନାଂ କରତଲବ୍ୟାନଦ୍ଧକୁଣ୍ଡାମ୍ବୁଜାଂ
ପଦ୍ମାକ୍ଷୀଂ ଚ ବରସ୍ରଜଂ ଚ ଦଧତୀଂ ହଂସାଧିରୂଢାଂ ଭଜେ ॥ ୯॥
ଓଁ ଅଚିନ୍ତ୍ୟଲକ୍ଷଣାବ୍ୟକ୍ତାପ୍ୟର୍ଥମାତୃମହେଶ୍ୱରୀ ।
ଅମୃତାର୍ଣବମଧ୍ୟସ୍ଥାପ୍ୟଜିତା ଚାପରାଜିତା ॥ ୧୦॥
ଅଣିମାଦିଗୁଣାଧାରାପ୍ୟର୍କମଣ୍ଡଲସଂସ୍ଥିତା ।
ଅଜରାଜାପରାଧର୍ମା ଅକ୍ଷସୂତ୍ରଧରାଧରା ॥ ୧୧॥
ଅକାରାଦିକ୍ଷକାରାନ୍ତାପ୍ୟରିଷଡ୍ୱର୍ଗଭେଦିନୀ ।
ଅଞ୍ଜନାଦ୍ରିପ୍ରତୀକାଶାପ୍ୟଞ୍ଜନାଦ୍ରିନିବାସିନୀ ॥ ୧୨॥
ଅଦିତିଶ୍ଚାଜପାବିଦ୍ୟାପ୍ୟରବିନ୍ଦନିଭେକ୍ଷଣା ।
ଅନ୍ତର୍ବହିଃସ୍ଥିତାବିଦ୍ୟାଧ୍ୱଂସିନୀ ଚାନ୍ତରାତ୍ମିକା ॥ ୧୩॥
ଅଜା ଚାଜମୁଖାବାସାପ୍ୟରବିନ୍ଦନିଭାନନା ।
ଅର୍ଧମାତ୍ରାର୍ଥଦାନଜ୍ଞାପ୍ୟରିମଣ୍ଡଲମର୍ଦିନୀ ॥ ୧୪॥
ଅସୁରଘ୍ନୀ ହ୍ୟମାବାସ୍ୟାପ୍ୟଲକ୍ଷ୍ମୀଘ୍ନ୍ୟନ୍ତ୍ୟଜାର୍ଚିତା ।
ଆଦିଲକ୍ଷ୍ମୀଶ୍ଚାଦିଶକ୍ତିରାକୃତିଶ୍ଚାୟତାନନା ॥ ୧୫॥
ଆଦିତ୍ୟପଦବୀଚାରାପ୍ୟାଦିତ୍ୟପରିସେବିତା ।
ଆଚାର୍ୟାବର୍ତନାଚାରାପ୍ୟାଦିମୂର୍ତିନିବାସିନୀ ॥ ୧୬॥
ଆଗ୍ନେୟୀ ଚାମରୀ ଚାଦ୍ୟା ଚାରାଧ୍ୟା ଚାସନସ୍ଥିତା ।
ଆଧାରନିଲୟାଧାରା ଚାକାଶାନ୍ତନିବାସିନୀ ॥ ୧୭॥
ଆଦ୍ୟାକ୍ଷରସମାୟୁକ୍ତା ଚାନ୍ତରାକାଶରୂପିଣୀ ।
ଆଦିତ୍ୟମଣ୍ଡଲଗତା ଚାନ୍ତରଧ୍ୱାନ୍ତନାଶିନୀ ॥ ୧୮॥
ଇନ୍ଦିରା ଚେଷ୍ଟଦା ଚେଷ୍ଟା ଚେନ୍ଦୀବରନିଭେକ୍ଷଣା ।
ଇରାବତୀ ଚେନ୍ଦ୍ରପଦା ଚେନ୍ଦ୍ରାଣୀ ଚେନ୍ଦୁରୂପିଣୀ ॥ ୧୯॥
ଇକ୍ଷୁକୋଦଣ୍ଡସଂୟୁକ୍ତା ଚେଷୁସନ୍ଧାନକାରିଣୀ ।
ଇନ୍ଦ୍ରନୀଲସମାକାରା ଚେଡାପିଙ୍ଗଲରୂପିଣୀ ॥ ୨୦॥
ଇନ୍ଦ୍ରାକ୍ଷୀ ଚେଶ୍ୱରୀ ଦେବୀ ଚେହାତ୍ରୟବିବର୍ଜିତା ।
ଉମା ଚୋଷା ହ୍ୟୁଡୁନିଭା ଉର୍ୱାରୁକଫଲାନନା ॥ ୨୧॥
ଉଡୁପ୍ରଭା ଚୋଡୁମତୀ ହ୍ୟୁଡୁପା ହ୍ୟୁଡୁମଧ୍ୟଗା ।
ଊର୍ଧ୍ୱା ଚାପ୍ୟୂର୍ଧ୍ୱକେଶୀ ଚାପ୍ୟୂର୍ଧ୍ୱାଧୋଗତିଭେଦିନୀ ॥ ୨୨॥
ଊର୍ଧ୍ୱବାହୁପ୍ରିୟା ଚୋର୍ମିମାଲାବାଗ୍ଗ୍ରନ୍ଥଦାୟିନୀ ।
ଋତଂ ଚର୍ଷିରୃତୁମତୀ ଋଷିଦେବନମସ୍କୃତା ॥ ୨୩॥
ଋଗ୍ୱେଦା ଋଣହର୍ତ୍ରୀ ଚ ଋଷିମଣ୍ଡଲଚାରିଣୀ ।
ଋଦ୍ଧିଦା ଋଜୁମାର୍ଗସ୍ଥା ଋଜୁଧର୍ମା ଋତୁପ୍ରଦା ॥ ୨୪॥
ଋଗ୍ୱେଦନିଲୟା ଋଜ୍ୱୀ ଲୁପ୍ତଧର୍ମପ୍ରବର୍ତିନୀ ।
ଲୂତାରିବରସମ୍ଭୂତା ଲୂତାଦିବିଷହାରିଣୀ ॥ ୨୫॥
ଏକାକ୍ଷରା ଚୈକମାତ୍ରା ଚୈକା ଚୈକୈକନିଷ୍ଠିତା ।
ଐନ୍ଦ୍ରୀ ହ୍ୟୈରାବତାରୂଢା ଚୈହିକାମୁଷ୍ମିକପ୍ରଦା ॥ ୨୬॥
ଓଙ୍କାରା ହ୍ୟୋଷଧୀ ଚୋତା ଚୋତପ୍ରୋତନିବାସିନୀ ।
ଔର୍ୱା ହ୍ୟୌଷଧସମ୍ପନ୍ନା ଔପାସନଫଲପ୍ରଦା ॥ ୨୭॥
ଅଣ୍ଡମଧ୍ୟସ୍ଥିତା ଦେବୀ ଚାଃକାରମନୁରୂପିଣୀ ।
କାତ୍ୟାୟନୀ କାଲରାତ୍ରିଃ କାମାକ୍ଷୀ କାମସୁନ୍ଦରୀ ॥ ୨୮॥
କମଲା କାମିନୀ କାନ୍ତା କାମଦା କାଲକଣ୍ଠିନୀ ।
କରିକୁମ୍ଭସ୍ତନଭରା କରବୀରସୁବାସିନୀ ॥ ୨୯॥
କଲ୍ୟାଣୀ କୁଣ୍ଡଲବତୀ କୁରୁକ୍ଷେତ୍ରନିବାସିନୀ ।
କୁରୁବିନ୍ଦଦଲାକାରା କୁଣ୍ଡଲୀ କୁମୁଦାଲୟା ॥ ୩୦॥
କାଲଜିହ୍ୱା କରାଲାସ୍ୟା କାଲିକା କାଲରୂପିଣୀ ।
କମନୀୟଗୁଣା କାନ୍ତିଃ କଲାଧାରା କୁମୁଦ୍ୱତୀ ॥ ୩୧॥
କୌଶିକୀ କମଲାକାରା କାମଚାରପ୍ରଭଞ୍ଜିନୀ ।
କୌମାରୀ କରୁଣାପାଙ୍ଗୀ କକୁବନ୍ତା କରିପ୍ରିୟା ॥ ୩୨॥
କେସରୀ କେଶବନୁତା କଦମ୍ବକୁସୁମପ୍ରିୟା ।
କାଲିନ୍ଦୀ କାଲିକା କାଞ୍ଚୀ କଲଶୋଦ୍ଭବସଂସ୍ତୁତା ॥ ୩୩॥
କାମମାତା କ୍ରତୁମତୀ କାମରୂପା କୃପାବତୀ ।
କୁମାରୀ କୁଣ୍ଡନିଲୟା କିରାତୀ କୀରବାହନା ॥ ୩୪॥
କୈକେୟୀ କୋକିଲାଲାପା କେତକୀ କୁସୁମପ୍ରିୟା ।
କମଣ୍ଡଲୁଧରା କାଲୀ କର୍ମନିର୍ମୂଲକାରିଣୀ ॥ ୩୫॥
କଲହଂସଗତିଃ କକ୍ଷା କୃତକୌତୁକମଙ୍ଗଲା ।
କସ୍ତୂରୀତିଲକା କମ୍ରା କରୀନ୍ଦ୍ରଗମନା କୁହୂଃ ॥ ୩୬॥
କର୍ପୂରଲେପନା କୃଷ୍ଣା କପିଲା କୁହରାଶ୍ରୟା ।
କୂଟସ୍ଥା କୁଧରା କମ୍ରା କୁକ୍ଷିସ୍ଥାଖିଲବିଷ୍ଟପା ॥ ୩୭॥
ଖଡ୍ଗଖେଟକରା ଖର୍ୱା ଖେଚରୀ ଖଗବାହନା ।
ଖଟ୍ୱାଙ୍ଗଧାରିଣୀ ଖ୍ୟାତା ଖଗରାଜୋପରିସ୍ଥିତା ॥ ୩୮॥
ଖଲଘ୍ନୀ ଖଣ୍ଡିତଜରା ଖଣ୍ଡାଖ୍ୟାନପ୍ରଦାୟିନୀ ।
ଖଣ୍ଡେନ୍ଦୁତିଲକା ଗଙ୍ଗା ଗଣେଶଗୁହପୂଜିତା ॥ ୩୯॥
ଗାୟତ୍ରୀ ଗୋମତୀ ଗୀତା ଗାନ୍ଧାରୀ ଗାନଲୋଲୁପା ।
ଗୌତମୀ ଗାମିନୀ ଗାଧା ଗନ୍ଧର୍ୱାପ୍ସରସେବିତା ॥ ୪୦॥
ଗୋବିନ୍ଦଚରଣାକ୍ରାନ୍ତା ଗୁଣତ୍ରୟବିଭାବିତା ।
ଗନ୍ଧର୍ୱୀ ଗହ୍ୱରୀ ଗୋତ୍ରା ଗିରୀଶା ଗହନା ଗମୀ ॥ ୪୧॥
ଗୁହାବାସା ଗୁଣବତୀ ଗୁରୁପାପପ୍ରଣାଶିନୀ ।
ଗୁର୍ୱୀ ଗୁଣବତୀ ଗୁହ୍ୟା ଗୋପ୍ତବ୍ୟା ଗୁଣଦାୟିନୀ ॥ ୪୨॥
ଗିରିଜା ଗୁହ୍ୟମାତଙ୍ଗୀ ଗରୁଡଧ୍ୱଜବଲ୍ଲଭା ।
ଗର୍ୱାପହାରିଣୀ ଗୋଦା ଗୋକୁଲସ୍ଥା ଗଦାଧରା ॥ ୪୩॥
ଗୋକର୍ଣନିଲୟାସକ୍ତା ଗୁହ୍ୟମଣ୍ଡଲବର୍ତିନୀ ।
ଘର୍ମଦା ଘନଦା ଘଣ୍ଟା ଘୋରଦାନବମର୍ଦିନୀ ॥ ୪୪॥
ଘୃଣିମନ୍ତ୍ରମୟୀ ଘୋଷା ଘନସମ୍ପାତଦାୟିନୀ ।
ଘଣ୍ଟାରବପ୍ରିୟା ଘ୍ରାଣା ଘୃଣିସନ୍ତୁଷ୍ଟକାରିଣୀ ॥ ୪୫॥
ଘନାରିମଣ୍ଡଲା ଘୂର୍ଣା ଘୃତାଚୀ ଘନବେଗିନୀ ।
ଜ୍ଞାନଧାତୁମୟୀ ଚର୍ଚା ଚର୍ଚିତା ଚାରୁହାସିନୀ ॥ ୪୬॥
ଚଟୁଲା ଚଣ୍ଡିକା ଚିତ୍ରା ଚିତ୍ରମାଲ୍ୟବିଭୂଷିତା ।
ଚତୁର୍ଭୁଜା ଚାରୁଦନ୍ତା ଚାତୁରୀ ଚରିତପ୍ରଦା ॥ ୪୭॥
ଚୂଲିକା ଚିତ୍ରବସ୍ତ୍ରାନ୍ତା ଚନ୍ଦ୍ରମଃକର୍ଣକୁଣ୍ଡଲା ।
ଚନ୍ଦ୍ରହାସା ଚାରୁଦାତ୍ରୀ ଚକୋରୀ ଚନ୍ଦ୍ରହାସିନୀ ॥ ୪୮॥
ଚନ୍ଦ୍ରିକା ଚନ୍ଦ୍ରଧାତ୍ରୀ ଚ ଚୌରୀ ଚୌରା ଚ ଚଣ୍ଡିକା ।
ଚଞ୍ଚଦ୍ୱାଗ୍ୱାଦିନୀ ଚନ୍ଦ୍ରଚୂଡା ଚୋରବିନାଶିନୀ ॥ ୪୯॥
ଚାରୁଚନ୍ଦନଲିପ୍ତାଙ୍ଗୀ ଚଞ୍ଚଚ୍ଚାମରବୀଜିତା ।
ଚାରୁମଧ୍ୟା ଚାରୁଗତିଶ୍ଚନ୍ଦିଲା ଚନ୍ଦ୍ରରୂପିଣୀ ॥ ୫୦॥
ଚାରୁହୋମପ୍ରିୟା ଚାର୍ୱାଚରିତା ଚକ୍ରବାହୁକା ।
ଚନ୍ଦ୍ରମଣ୍ଡଲମଧ୍ୟସ୍ଥା ଚନ୍ଦ୍ରମଣ୍ଡଲଦର୍ପଣା ॥ ୫୧॥
ଚକ୍ରବାକସ୍ତନୀ ଚେଷ୍ଟା ଚିତ୍ରା ଚାରୁବିଲାସିନୀ ।
ଚିତ୍ସ୍ୱରୂପା ଚନ୍ଦ୍ରବତୀ ଚନ୍ଦ୍ରମାଶ୍ଚନ୍ଦନପ୍ରିୟା ॥ ୫୨॥
ଚୋଦୟିତ୍ରୀ ଚିରପ୍ରଜ୍ଞା ଚାତକା ଚାରୁହେତୁକୀ ।
ଛତ୍ରୟାତା ଛତ୍ରଧରା ଛାୟା ଛନ୍ଦଃପରିଚ୍ଛଦା ॥ ୫୩॥
ଛାୟାଦେବୀ ଛିଦ୍ରନଖା ଛନ୍ନେନ୍ଦ୍ରିୟବିସର୍ପିଣୀ ।
ଛନ୍ଦୋଽନୁଷ୍ଟୁପ୍ପ୍ରତିଷ୍ଠାନ୍ତା ଛିଦ୍ରୋପଦ୍ରବଭେଦିନୀ ॥ ୫୪॥
ଛେଦା ଛତ୍ରେଶ୍ୱରୀ ଛିନ୍ନା ଛୁରିକା ଛେଦନପ୍ରିୟା ।
ଜନନୀ ଜନ୍ମରହିତା ଜାତବେଦା ଜଗନ୍ମୟୀ ॥ ୫୫॥
ଜାହ୍ନବୀ ଜଟିଲା ଜେତ୍ରୀ ଜରାମରଣବର୍ଜିତା ।
ଜମ୍ବୂଦ୍ୱୀପବତୀ ଜ୍ୱାଲା ଜୟନ୍ତୀ ଜଲଶାଲିନୀ ॥ ୫୬॥
ଜିତେନ୍ଦ୍ରିୟା ଜିତକ୍ରୋଧା ଜିତାମିତ୍ରା ଜଗତ୍ପ୍ରିୟା ।
ଜାତରୂପମୟୀ ଜିହ୍ୱା ଜାନକୀ ଜଗତୀ ଜରା ॥ ୫୭॥
ଜନିତ୍ରୀ ଜହ୍ନୁତନୟା ଜଗତ୍ତ୍ରୟହିତୈଷିଣୀ ।
ଜ୍ୱାଲାମୁଖୀ ଜପବତୀ ଜ୍ୱରଘ୍ନୀ ଜିତବିଷ୍ଟପା ॥ ୫୮॥
ଜିତାକ୍ରାନ୍ତମୟୀ ଜ୍ୱାଲା ଜାଗ୍ରତୀ ଜ୍ୱରଦେବତା ।
ଜ୍ୱଲନ୍ତୀ ଜଲଦା ଜ୍ୟେଷ୍ଠା ଜ୍ୟାଘୋଷାସ୍ଫୋଟଦିଙ୍ମୁଖୀ ॥ ୫୯॥
ଜମ୍ଭିନୀ ଜୃମ୍ଭଣା ଜୃମ୍ଭା ଜ୍ୱଲନ୍ମାଣିକ୍ୟକୁଣ୍ଡଲା ।
ଝିଞ୍ଝିକା ଝଣନିର୍ଘୋଷା ଝଞ୍ଝାମାରୁତବେଗିନୀ ॥ ୬୦॥
ଝଲ୍ଲରୀବାଦ୍ୟକୁଶଲା ଞରୂପା ଞଭୁଜା ସ୍ମୃତା ।
ଟଙ୍କବାଣସମାୟୁକ୍ତା ଟଙ୍କିନୀ ଟଙ୍କଭେଦିନୀ ॥ ୬୧॥
ଟଙ୍କୀଗଣକୃତାଘୋଷା ଟଙ୍କନୀୟମହୋରସା ।
ଟଙ୍କାରକାରିଣୀ ଦେବୀ ଠଠଶବ୍ଦନିନାଦିନୀ ॥ ୬୨॥
ଡାମରୀ ଡାକିନୀ ଡିମ୍ଭା ଡୁଣ୍ଡୁମାରୈକନିର୍ଜିତା ।
ଡାମରୀତନ୍ତ୍ରମାର୍ଗସ୍ଥା ଡମଡ୍ଡମରୁନାଦିନୀ ॥ ୬୩॥
ଡିଣ୍ଡୀରବସହା ଡିମ୍ଭଲସତ୍କ୍ରୀଡାପରାୟଣା ।
ଢୁଣ୍ଢିବିଘ୍ନେଶଜନନୀ ଢକ୍କାହସ୍ତା ଢିଲିବ୍ରଜା ॥ ୬୪॥
ନିତ୍ୟଜ୍ଞାନା ନିରୁପମା ନିର୍ଗୁଣା ନର୍ମଦା ନଦୀ ।
ତ୍ରିଗୁଣା ତ୍ରିପଦା ତନ୍ତ୍ରୀ ତୁଲସୀ ତରୁଣା ତରୁଃ ॥ ୬୫॥
ତ୍ରିବିକ୍ରମପଦାକ୍ରାନ୍ତା ତୁରୀୟପଦଗାମିନୀ ।
ତରୁଣାଦିତ୍ୟସଙ୍କାଶା ତାମସୀ ତୁହିନା ତୁରା ॥ ୬୬॥
ତ୍ରିକାଲଜ୍ଞାନସମ୍ପନ୍ନା ତ୍ରିବଲୀ (ତ୍ରିବେଣୀ) ଚ ତ୍ରିଲୋଚନା ।
ତ୍ରିଶକ୍ତିସ୍ତ୍ରିପୁରା ତୁଙ୍ଗା ତୁରଙ୍ଗବଦନା ତଥା ॥ ୬୭॥
ତିମିଙ୍ଗିଲଗିଲା ତୀବ୍ରା ତ୍ରିସ୍ରୋତା ତାମସାଦିନୀ ।
ତନ୍ତ୍ରମନ୍ତ୍ରବିଶେଷଜ୍ଞା ତନୁମଧ୍ୟା ତ୍ରିବିଷ୍ଟପା ॥ ୬୮॥
ତ୍ରିସନ୍ଧ୍ୟା ତ୍ରିସ୍ତନୀ ତୋଷାସଂସ୍ଥା ତାଲପ୍ରତାପିନୀ ।
ତାଟଙ୍କିନୀ ତୁଷାରାଭା ତୁହିନାଚଲବାସିନୀ ॥ ୬୯॥
ତନ୍ତୁଜାଲସମାୟୁକ୍ତା ତାରହାରାବଲିପ୍ରିୟା ।
ତିଲହୋମପ୍ରିୟା ତୀର୍ଥା ତମାଲକୁସୁମାକୃତିଃ ॥ ୭୦॥
ତାରକା ତ୍ରିୟୁତା ତନ୍ୱୀ ତ୍ରିଶଙ୍କୁପରିବାରିତା ।
ତଲୋଦରୀ ତିଲାଭୂଷା ତାଟଙ୍କପ୍ରିୟବାହିନୀ ॥ ୭୧॥
ତ୍ରିଜଟା ତିତ୍ତିରୀ ତୃଷ୍ଣା ତ୍ରିବିଧା ତରୁଣାକୃତିଃ ।
ତପ୍ତକାଞ୍ଚନସଙ୍କାଶା ତପ୍ତକାଞ୍ଚନଭୂଷଣା ॥ ୭୨॥
ତ୍ରୈୟମ୍ବକା ତ୍ରିବର୍ଗା ଚ ତ୍ରିକାଲଜ୍ଞାନଦାୟିନୀ ।
ତର୍ପଣା ତୃପ୍ତିଦା ତୃପ୍ତା ତାମସୀ ତୁମ୍ବୁରୁସ୍ତୁତା ॥ ୭୩॥
ତାର୍କ୍ଷ୍ୟସ୍ଥା ତ୍ରିଗୁଣାକାରା ତ୍ରିଭଙ୍ଗୀ ତନୁବଲ୍ଲରିଃ ।
ଥାତ୍କାରୀ ଥାରବା ଥାନ୍ତା ଦୋହିନୀ ଦୀନବତ୍ସଲା ॥ ୭୪॥
ଦାନବାନ୍ତକରୀ ଦୁର୍ଗା ଦୁର୍ଗାସୁରନିବର୍ହିଣୀ ।
ଦେବରୀତିର୍ଦିବାରାତ୍ରିର୍ଦ୍ରୌପଦୀ ଦୁନ୍ଦୁଭିସ୍ୱନା ॥ ୭୫॥
ଦେବୟାନୀ ଦୁରାବାସା ଦାରିଦ୍ର୍ୟୋଦ୍ଭେଦିନୀ ଦିବା ।
ଦାମୋଦରପ୍ରିୟା ଦୀପ୍ତା ଦିଗ୍ୱାସା ଦିଗ୍ୱିମୋହିନୀ ॥ ୭୬॥
ଦଣ୍ଡକାରଣ୍ୟନିଲୟା ଦଣ୍ଡିନୀ ଦେବପୂଜିତା ।
ଦେବବନ୍ଦ୍ୟା ଦିବିଷଦା ଦ୍ୱେଷିଣୀ ଦାନବାକୃତିଃ ॥ ୭୭॥
ଦୀନାନାଥସ୍ତୁତା ଦୀକ୍ଷା ଦୈବତାଦିସ୍ୱରୂପିଣୀ ।
ଧାତ୍ରୀ ଧନୁର୍ଧରା ଧେନୁର୍ଧାରିଣୀ ଧର୍ମଚାରିଣୀ ॥ ୭୮॥
ଧରନ୍ଧରା ଧରାଧାରା ଧନଦା ଧାନ୍ୟଦୋହିନୀ ।
ଧର୍ମଶୀଲା ଧନାଧ୍ୟକ୍ଷା ଧନୁର୍ୱେଦବିଶାରଦା ॥ ୭୯॥
ଧୃତିର୍ଧନ୍ୟା ଧୃତପଦା ଧର୍ମରାଜପ୍ରିୟା ଧ୍ରୁବା ।
ଧୂମାବତୀ ଧୂମକେଶୀ ଧର୍ମଶାସ୍ତ୍ରପ୍ରକାଶିନୀ ॥ ୮୦॥
ନନ୍ଦା ନନ୍ଦପ୍ରିୟା ନିଦ୍ରା ନୃନୁତା ନନ୍ଦନାତ୍ମିକା ।
ନର୍ମଦା ନଲିନୀ ନୀଲା ନୀଲକଣ୍ଠସମାଶ୍ରୟା ॥ ୮୧॥
ନାରାୟଣପ୍ରିୟା ନିତ୍ୟା ନିର୍ମଲା ନିର୍ଗୁଣା ନିଧିଃ ।
ନିରାଧାରା ନିରୁପମା ନିତ୍ୟଶୁଦ୍ଧା ନିରଞ୍ଜନା ॥ ୮୨॥
ନାଦବିନ୍ଦୁକଲାତୀତା ନାଦବିନ୍ଦୁକଲାତ୍ମିକା ।
ନୃସିଂହିନୀ ନଗଧରା ନୃପନାଗବିଭୂଷିତା ॥ ୮୩॥
ନରକକ୍ଲେଶଶମନୀ ନାରାୟଣପଦୋଦ୍ଭବା ।
ନିରବଦ୍ୟା ନିରାକାରା ନାରଦପ୍ରିୟକାରିଣୀ ॥ ୮୪॥
ନାନାଜ୍ୟୋତିଃସମାଖ୍ୟାତା ନିଧିଦା ନିର୍ମଲାତ୍ମିକା ।
ନବସୂତ୍ରଧରା ନୀତିର୍ନିରୁପଦ୍ରବକାରିଣୀ ॥ ୮୫॥
ନନ୍ଦଜା ନବରତ୍ନାଢ୍ୟା ନୈମିଷାରଣ୍ୟବାସିନୀ ।
ନବନୀତପ୍ରିୟା ନାରୀ ନୀଲଜୀମୂତନିସ୍ୱନା ॥ ୮୬॥
ନିମେଷିଣୀ ନଦୀରୂପା ନୀଲଗ୍ରୀବା ନିଶୀଶ୍ୱରୀ ।
ନାମାବଲିର୍ନିଶୁମ୍ଭଘ୍ନୀ ନାଗଲୋକନିବାସିନୀ ॥ ୮୭॥
ନବଜାମ୍ବୂନଦପ୍ରଖ୍ୟା ନାଗଲୋକାଧିଦେବତା ।
ନୂପୁରାକ୍ରାନ୍ତଚରଣା ନରଚିତ୍ତପ୍ରମୋଦିନୀ ॥ ୮୮॥
ନିମଗ୍ନାରକ୍ତନୟନା ନିର୍ଘାତସମନିସ୍ୱନା ।
ନନ୍ଦନୋଦ୍ୟାନନିଲୟା ନିର୍ୱ୍ୟୂହୋପରିଚାରିଣୀ ॥ ୮୯॥
ପାର୍ୱତୀ ପରମୋଦାରା ପରବ୍ରହ୍ମାତ୍ମିକା ପରା ।
ପଞ୍ଚକୋଶବିନିର୍ମୁକ୍ତା ପଞ୍ଚପାତକନାଶିନୀ ॥ ୯୦॥
ପରଚିତ୍ତବିଧାନଜ୍ଞା ପଞ୍ଚିକା ପଞ୍ଚରୂପିଣୀ ।
ପୂର୍ଣିମା ପରମା ପ୍ରୀତିଃ ପରତେଜଃ ପ୍ରକାଶିନୀ ॥ ୯୧॥
ପୁରାଣୀ ପୌରୁଷୀ ପୁଣ୍ୟା ପୁଣ୍ଡରୀକନିଭେକ୍ଷଣା ।
ପାତାଲତଲନିର୍ମଗ୍ନା ପ୍ରୀତା ପ୍ରୀତିବିବର୍ଧିନୀ ॥ ୯୨॥
ପାବନୀ ପାଦସହିତା ପେଶଲା ପବନାଶିନୀ ।
ପ୍ରଜାପତିଃ ପରିଶ୍ରାନ୍ତା ପର୍ୱତସ୍ତନମଣ୍ଡଲା ॥ ୯୩॥
ପଦ୍ମପ୍ରିୟା ପଦ୍ମସଂସ୍ଥା ପଦ୍ମାକ୍ଷୀ ପଦ୍ମସମ୍ଭବା ।
ପଦ୍ମପତ୍ରା ପଦ୍ମପଦା ପଦ୍ମିନୀ ପ୍ରିୟଭାଷିଣୀ ॥ ୯୪॥
ପଶୁପାଶବିନିର୍ମୁକ୍ତା ପୁରନ୍ଧ୍ରୀ ପୁରବାସିନୀ ।
ପୁଷ୍କଲା ପୁରୁଷା ପର୍ୱା ପାରିଜାତସୁମପ୍ରିୟା ॥ ୯୫॥
ପତିବ୍ରତା ପବିତ୍ରାଙ୍ଗୀ ପୁଷ୍ପହାସପରାୟଣା ।
ପ୍ରଜ୍ଞାବତୀସୁତା ପୌତ୍ରୀ ପୁତ୍ରପୂଜ୍ୟା ପୟସ୍ୱିନୀ ॥ ୯୬॥ (ପ୍ରଜାବତୀସୁତା)
ପଟ୍ଟିପାଶଧରା ପଙ୍କ୍ତିଃ ପିତୃଲୋକପ୍ରଦାୟିନୀ ।
ପୁରାଣୀ ପୁଣ୍ୟଶୀଲା ଚ ପ୍ରଣତାର୍ତିବିନାଶିନୀ ॥ ୯୭॥
ପ୍ରଦ୍ୟୁମ୍ନଜନନୀ ପୁଷ୍ଟା ପିତାମହପରିଗ୍ରହା ।
ପୁଣ୍ଡରୀକପୁରାବାସା ପୁଣ୍ଡରୀକସମାନନା ॥ ୯୮॥
ପୃଥୁଜଙ୍ଘା ପୃଥୁଭୁଜା ପୃଥୁପାଦା ପୃଥୂଦରୀ ।
ପ୍ରବାଲଶୋଭା ପିଙ୍ଗାକ୍ଷୀ ପୀତବାସାଃ ପ୍ରଚାପଲା ॥ ୯୯॥
ପ୍ରସବା ପୁଷ୍ଟିଦା ପୁଣ୍ୟା ପ୍ରତିଷ୍ଠା ପ୍ରଣବାଗତିଃ ।
ପଞ୍ଚବର୍ଣା ପଞ୍ଚବାଣୀ ପଞ୍ଚିକା ପଞ୍ଜରସ୍ଥିତା ॥ ୧୦୦॥
ପରମାୟା ପରଜ୍ୟୋତିଃ ପରପ୍ରୀତିଃ ପରାଗତିଃ ।
ପରାକାଷ୍ଠା ପରେଶାନୀ ପାବିନୀ ପାବକଦ୍ୟୁତିଃ ॥ ୧୦୧॥
ପୁଣ୍ୟଭଦ୍ରା ପରିଚ୍ଛେଦ୍ୟା ପୁଷ୍ପହାସା ପୃଥୂଦରୀ ।
ପୀତାଙ୍ଗୀ ପୀତବସନା ପୀତଶୟ୍ୟା ପିଶାଚିନୀ ॥ ୧୦୨॥
ପୀତକ୍ରିୟା ପିଶାଚଘ୍ନୀ ପାଟଲାକ୍ଷୀ ପଟୁକ୍ରିୟା ।
ପଞ୍ଚଭକ୍ଷପ୍ରିୟାଚାରା ପୂତନାପ୍ରାଣଘାତିନୀ ॥ ୧୦୩॥
ପୁନ୍ନାଗବନମଧ୍ୟସ୍ଥା ପୁଣ୍ୟତୀର୍ଥନିଷେବିତା ।
ପଞ୍ଚାଙ୍ଗୀ ଚ ପରାଶକ୍ତିଃ ପରମାହ୍ଲାଦକାରିଣୀ ॥ ୧୦୪॥
ପୁଷ୍ପକାଣ୍ଡସ୍ଥିତା ପୂଷା ପୋଷିତାଖିଲବିଷ୍ଟପା ।
ପାନପ୍ରିୟା ପଞ୍ଚଶିଖା ପନ୍ନଗୋପରିଶାୟିନୀ ॥ ୧୦୫॥
ପଞ୍ଚମାତ୍ରାତ୍ମିକା ପୃଥ୍ୱୀ ପଥିକା ପୃଥୁଦୋହିନୀ ।
ପୁରାଣନ୍ୟାୟମୀମାଂସା ପାଟଲୀ ପୁଷ୍ପଗନ୍ଧିନୀ ॥ ୧୦୬॥
ପୁଣ୍ୟପ୍ରଜା ପାରଦାତ୍ରୀ ପରମାର୍ଗୈକଗୋଚରା ।
ପ୍ରବାଲଶୋଭା ପୂର୍ଣାଶା ପ୍ରଣବା ପଲ୍ଲବୋଦରୀ ॥ ୧୦୭॥
ଫଲିନୀ ଫଲଦା ଫଲ୍ଗୁଃ ଫୂତ୍କାରୀ ଫଲକାକୃତିଃ ।
ଫଣୀନ୍ଦ୍ରଭୋଗଶୟନା ଫଣିମଣ୍ଡଲମଣ୍ଡିତା ॥ ୧୦୮॥
ବାଲବାଲା ବହୁମତା ବାଲାତପନିଭାଂଶୁକା ।
ବଲଭଦ୍ରପ୍ରିୟା ବନ୍ଦ୍ୟା ବଡବା ବୁଦ୍ଧିସଂସ୍ତୁତା ॥ ୧୦୯॥
ବନ୍ଦୀଦେବୀ ବିଲବତୀ ବଡିଶଘ୍ନୀ ବଲିପ୍ରିୟା ।
ବାନ୍ଧବୀ ବୋଧିତା ବୁଦ୍ଧିର୍ବନ୍ଧୂକକୁସୁମପ୍ରିୟା ॥ ୧୧୦॥
ବାଲଭାନୁପ୍ରଭାକାରା ବ୍ରାହ୍ମୀ ବ୍ରାହ୍ମଣଦେବତା ।
ବୃହସ୍ପତିସ୍ତୁତା ବୃନ୍ଦା ବୃନ୍ଦାବନବିହାରିଣୀ ॥ ୧୧୧॥
ବାଲାକିନୀ ବିଲାହାରା ବିଲବାସା ବହୂଦକା ।
ବହୁନେତ୍ରା ବହୁପଦା ବହୁକର୍ଣାବତଂସିକା ॥ ୧୧୨॥
ବହୁବାହୁୟୁତା ବୀଜରୂପିଣୀ ବହୁରୂପିଣୀ ।
ବିନ୍ଦୁନାଦକଲାତୀତା ବିନ୍ଦୁନାଦସ୍ୱରୂପିଣୀ ॥ ୧୧୩॥
ବଦ୍ଧଗୋଧାଙ୍ଗୁଲିତ୍ରାଣା ବଦର୍ୟାଶ୍ରମବାସିନୀ ।
ବୃନ୍ଦାରକା ବୃହତ୍ସ୍କନ୍ଧା ବୃହତୀ ବାଣପାତିନୀ ॥ ୧୧୪॥
ବୃନ୍ଦାଧ୍ୟକ୍ଷା ବହୁନୁତା ବନିତା ବହୁବିକ୍ରମା ।
ବଦ୍ଧପଦ୍ମାସନାସୀନା ବିଲ୍ୱପତ୍ରତଲସ୍ଥିତା ॥ ୧୧୫॥
ବୋଧିଦ୍ରୁମନିଜାବାସା ବଡିସ୍ଥା ବିନ୍ଦୁଦର୍ପଣା ।
ବାଲା ବାଣାସନବତୀ ବଡବାନଲବେଗିନୀ ॥ ୧୧୬॥
ବ୍ରହ୍ମାଣ୍ଡବହିରନ୍ତଃସ୍ଥା ବ୍ରହ୍ମକଙ୍କଣସୂତ୍ରିଣୀ ।
ଭବାନୀ ଭୀଷଣବତୀ ଭାବିନୀ ଭୟହାରିଣୀ ॥ ୧୧୭॥
ଭଦ୍ରକାଲୀ ଭୁଜଙ୍ଗାକ୍ଷୀ ଭାରତୀ ଭାରତାଶୟା ।
ଭୈରବୀ ଭୀଷଣାକାରା ଭୂତିଦା ଭୂତିମାଲିନୀ ॥ ୧୧୮॥
ଭାମିନୀ ଭୋଗନିରତା ଭଦ୍ରଦା ଭୂରିବିକ୍ରମା ।
ଭୂତବାସା ଭୃଗୁଲତା ଭାର୍ଗବୀ ଭୂସୁରାର୍ଚିତା ॥ ୧୧୯॥
ଭାଗୀରଥୀ ଭୋଗବତୀ ଭବନସ୍ଥା ଭିଷଗ୍ୱରା ।
ଭାମିନୀ ଭୋଗିନୀ ଭାଷା ଭବାନୀ ଭୂରିଦକ୍ଷିଣା ॥ ୧୨୦॥
ଭର୍ଗାତ୍ମିକା ଭୀମବତୀ ଭବବନ୍ଧବିମୋଚିନୀ ।
ଭଜନୀୟା ଭୂତଧାତ୍ରୀରଞ୍ଜିତା ଭୁବନେଶ୍ୱରୀ ॥ ୧୨୧॥
ଭୁଜଙ୍ଗବଲୟା ଭୀମା ଭେରୁଣ୍ଡା ଭାଗଧେୟିନୀ ।
ମାତା ମାୟା ମଧୁମତୀ ମଧୁଜିହ୍ୱା ମଧୁପ୍ରିୟା ॥ ୧୨୨॥
ମହାଦେବୀ ମହାଭାଗା ମାଲିନୀ ମୀନଲୋଚନା ।
ମାୟାତୀତା ମଧୁମତୀ ମଧୁମାଂସା ମଧୁଦ୍ରବା ॥ ୧୨୩॥
ମାନବୀ ମଧୁସମ୍ଭୂତା ମିଥିଲାପୁରବାସିନୀ ।
ମଧୁକୈଟଭସଂହର୍ତ୍ରୀ ମେଦିନୀ ମେଘମାଲିନୀ ॥ ୧୨୪॥
ମନ୍ଦୋଦରୀ ମହାମାୟା ମୈଥିଲୀ ମସୃଣପ୍ରିୟା ।
ମହାଲକ୍ଷ୍ମୀର୍ମହାକାଲୀ ମହାକନ୍ୟା ମହେଶ୍ୱରୀ ॥ ୧୨୫॥
ମାହେନ୍ଦ୍ରୀ ମେରୁତନୟା ମନ୍ଦାରକୁସୁମାର୍ଚିତା ।
ମଞ୍ଜୁମଞ୍ଜୀରଚରଣା ମୋକ୍ଷଦା ମଞ୍ଜୁଭାଷିଣୀ ॥ ୧୨୬॥
ମଧୁରଦ୍ରାବିଣୀ ମୁଦ୍ରା ମଲୟା ମଲୟାନ୍ୱିତା ।
ମେଧା ମରକତଶ୍ୟାମା ମାଗଧୀ ମେନକାତ୍ମଜା ॥ ୧୨୭॥
ମହାମାରୀ ମହାବୀରା ମହାଶ୍ୟାମା ମନୁସ୍ତୁତା ।
ମାତୃକା ମିହିରାଭାସା ମୁକୁନ୍ଦପଦବିକ୍ରମା ॥ ୧୨୮॥
ମୂଲାଧାରସ୍ଥିତା ମୁଗ୍ଧା ମଣିପୂରକବାସିନୀ ।
ମୃଗାକ୍ଷୀ ମହିଷାରୂଢା ମହିଷାସୁରମର୍ଦିନୀ ॥ ୧୨୯॥
ଯୋଗାସନା ଯୋଗଗମ୍ୟା ଯୋଗା ଯୌବନକାଶ୍ରୟା ।
ଯୌବନୀ ଯୁଦ୍ଧମଧ୍ୟସ୍ଥା ଯମୁନା ଯୁଗଧାରିଣୀ ॥ ୧୩୦॥
ଯକ୍ଷିଣୀ ଯୋଗୟୁକ୍ତା ଚ ଯକ୍ଷରାଜପ୍ରସୂତିନୀ ।
ଯାତ୍ରା ଯାନବିଧାନଜ୍ଞା ଯଦୁବଂଶସମୁଦ୍ଭବା ॥ ୧୩୧॥
ଯକାରାଦିହକାରାନ୍ତା ଯାଜୁଷୀ ଯଜ୍ଞରୂପିଣୀ ।
ଯାମିନୀ ଯୋଗନିରତା ଯାତୁଧାନଭୟଙ୍କରୀ ॥ ୧୩୨॥
ରୁକ୍ମିଣୀ ରମଣୀ ରାମା ରେବତୀ ରେଣୁକା ରତିଃ ।
ରୌଦ୍ରୀ ରୌଦ୍ରପ୍ରିୟାକାରା ରାମମାତା ରତିପ୍ରିୟା ॥ ୧୩୩॥
ରୋହିଣୀ ରାଜ୍ୟଦା ରେବା ରମା ରାଜୀବଲୋଚନା ।
ରାକେଶୀ ରୂପସମ୍ପନ୍ନା ରତ୍ନସିଂହାସନସ୍ଥିତା ॥ ୧୩୪॥
ରକ୍ତମାଲ୍ୟାମ୍ବରଧରା ରକ୍ତଗନ୍ଧାନୁଲେପନା ।
ରାଜହଂସସମାରୂଢା ରମ୍ଭା ରକ୍ତବଲିପ୍ରିୟା ॥ ୧୩୫॥
ରମଣୀୟଯୁଗାଧାରା ରାଜିତାଖିଲଭୂତଲା ।
ରୁରୁଚର୍ମପରୀଧାନା ରଥିନୀ ରତ୍ନମାଲିକା ॥ ୧୩୬॥
ରୋଗେଶୀ ରୋଗଶମନୀ ରାବିଣୀ ରୋମହର୍ଷିଣୀ ।
ରାମଚନ୍ଦ୍ରପଦାକ୍ରାନ୍ତା ରାବଣଚ୍ଛେଦକାରିଣୀ ॥ ୧୩୭॥
ରତ୍ନବସ୍ତ୍ରପରିଚ୍ଛନ୍ନା ରଥସ୍ଥା ରୁକ୍ମଭୂଷଣା ।
ଲଜ୍ଜାଧିଦେବତା ଲୋଲା ଲଲିତା ଲିଙ୍ଗଧାରିଣୀ ॥ ୧୩୮॥
ଲକ୍ଷ୍ମୀର୍ଲୋଲା ଲୁପ୍ତବିଷା ଲୋକିନୀ ଲୋକବିଶ୍ରୁତା ।
ଲଜ୍ଜା ଲମ୍ବୋଦରୀ ଦେବୀ ଲଲନା ଲୋକଧାରିଣୀ ॥ ୧୩୯॥
ବରଦା ବନ୍ଦିତା ବିଦ୍ୟା ବୈଷ୍ଣବୀ ବିମଲାକୃତିଃ ।
ବାରାହୀ ବିରଜା ବର୍ଷା ବରଲକ୍ଷ୍ମୀର୍ୱିଲାସିନୀ ॥ ୧୪୦॥
ବିନତା ବ୍ୟୋମମଧ୍ୟସ୍ଥା ବାରିଜାସନସଂସ୍ଥିତା ।
ବାରୁଣୀ ବେଣୁସମ୍ଭୂତା ବୀତିହୋତ୍ରା ବିରୂପିଣୀ ॥ ୧୪୧॥
ବାୟୁମଣ୍ଡଲମଧ୍ୟସ୍ଥା ବିଷ୍ଣୁରୂପା ବିଧିପ୍ରିୟା ।
ବିଷ୍ଣୁପତ୍ନୀ ବିଷ୍ଣୁମତୀ ବିଶାଲାକ୍ଷୀ ବସୁନ୍ଧରା ॥ ୧୪୨॥
ବାମଦେବପ୍ରିୟା ବେଲା ବଜ୍ରିଣୀ ବସୁଦୋହିନୀ ।
ବେଦାକ୍ଷରପରୀତାଙ୍ଗୀ ବାଜପେୟଫଲପ୍ରଦା ॥ ୧୪୩॥
ବାସବୀ ବାମଜନନୀ ବୈକୁଣ୍ଠନିଲୟା ବରା ।
ବ୍ୟାସପ୍ରିୟା ବର୍ମଧରା ବାଲ୍ମୀକିପରିସେବିତା ॥ ୧୪୪॥
ଶାକମ୍ଭରୀ ଶିବା ଶାନ୍ତା ଶାରଦା ଶରଣାଗତିଃ ।
ଶାତୋଦରୀ ଶୁଭାଚାରା ଶୁମ୍ଭାସୁରବିମର୍ଦିନୀ ॥ ୧୪୫॥
ଶୋଭାବତୀ ଶିବାକାରା ଶଙ୍କରାର୍ଧଶରୀରିଣୀ ।
ଶୋଣା ଶୁଭାଶୟା ଶୁଭ୍ରା ଶିରଃସନ୍ଧାନକାରିଣୀ ॥ ୧୪୬॥
ଶରାବତୀ ଶରାନନ୍ଦା ଶରଜ୍ଜ୍ୟୋତ୍ସ୍ନା ଶୁଭାନନା ।
ଶରଭା ଶୂଲିନୀ ଶୁଦ୍ଧା ଶବରୀ ଶୁକବାହନା ॥ ୧୪୭॥
ଶ୍ରୀମତୀ ଶ୍ରୀଧରାନନ୍ଦା ଶ୍ରବଣାନନ୍ଦଦାୟିନୀ ।
ଶର୍ୱାଣୀ ଶର୍ୱରୀବନ୍ଦ୍ୟା ଷଡ୍ଭାଷା ଷଡୃତୁପ୍ରିୟା ॥ ୧୪୮॥
ଷଡାଧାରସ୍ଥିତା ଦେବୀ ଷଣ୍ମୁଖପ୍ରିୟକାରିଣୀ ।
ଷଡଙ୍ଗରୂପସୁମତିସୁରାସୁରନମସ୍କୃତା ॥ ୧୪୯॥
ସରସ୍ୱତୀ ସଦାଧାରା ସର୍ୱମଙ୍ଗଲକାରିଣୀ ।
ସାମଗାନପ୍ରିୟା ସୂକ୍ଷ୍ମା ସାବିତ୍ରୀ ସାମସମ୍ଭବା ॥ ୧୫୦॥
ସର୍ୱାବାସା ସଦାନନ୍ଦା ସୁସ୍ତନୀ ସାଗରାମ୍ବରା ।
ସର୍ୱୈଶ୍ୱର୍ୟପ୍ରିୟା ସିଦ୍ଧିଃ ସାଧୁବନ୍ଧୁପରାକ୍ରମା ॥ ୧୫୧॥
ସପ୍ତର୍ଷିମଣ୍ଡଲଗତା ସୋମମଣ୍ଡଲବାସିନୀ ।
ସର୍ୱଜ୍ଞା ସାନ୍ଦ୍ରକରୁଣା ସମାନାଧିକବର୍ଜିତା ॥ ୧୫୨॥
ସର୍ୱୋତ୍ତୁଙ୍ଗା ସଙ୍ଗହୀନା ସଦ୍ଗୁଣା ସକଲେଷ୍ଟଦା ।
ସରଘା ସୂର୍ୟତନୟା ସୁକେଶୀ ସୋମସଂହତିଃ ॥ ୧୫୩॥
ହିରଣ୍ୟବର୍ଣା ହରିଣୀ ହ୍ରୀଙ୍କାରୀ ହଂସବାହିନୀ ।
କ୍ଷୌମବସ୍ତ୍ରପରୀତାଙ୍ଗୀ କ୍ଷୀରାବ୍ଧିତନୟା କ୍ଷମା ॥ ୧୫୪॥
ଗାୟତ୍ରୀ ଚୈବ ସାବିତ୍ରୀ ପାର୍ୱତୀ ଚ ସରସ୍ୱତୀ ।
ବେଦଗର୍ଭା ବରାରୋହା ଶ୍ରୀଗାୟତ୍ରୀ ପରାମ୍ବିକା ॥ ୧୫୫॥
ଇତି ସାହସ୍ରକଂ ନାମ୍ନାଂ ଗାୟତ୍ର୍ୟାଶ୍ଚୈବ ନାରଦ ।
ପୁଣ୍ୟଦଂ ସର୍ୱପାପଘ୍ନଂ ମହାସମ୍ପତ୍ତିଦାୟକମ୍ ॥ ୧୫୬॥
ଏବଂ ନାମାନି ଗାୟତ୍ର୍ୟାସ୍ତୋଷୋତ୍ପତ୍ତିକରାଣି ହି ।
ଅଷ୍ଟମ୍ୟାଂ ଚ ବିଶେଷେଣ ପଠିତବ୍ୟଂ ଦ୍ୱିଜୈଃ ସହ ॥ ୧୫୭॥
ଜପଂ କୃତ୍ୱା ହୋମପୂଜାଧ୍ୟାନଂ କୃତ୍ୱା ବିଶେଷତଃ ।
ଯସ୍ମୈ କସ୍ମୈ ନ ଦାତବ୍ୟଂ ଗାୟତ୍ର୍ୟାସ୍ତୁ ବିଶେଷତଃ ॥ ୧୫୮॥
ସୁଭକ୍ତାୟ ସୁଶିଷ୍ୟାୟ ବକ୍ତବ୍ୟଂ ଭୂସୁରାୟ ବୈ ।
ଭ୍ରଷ୍ଟେଭ୍ୟଃ ସାଧକେଭ୍ୟଶ୍ଚ ବାନ୍ଧବେଭ୍ୟୋ ନ ଦର୍ଶୟେତ୍ ॥ ୧୫୯॥
ଯଦ୍ଗୃହେ ଲିଖିତଂ ଶାସ୍ତ୍ରଂ ଭୟଂ ତସ୍ୟ ନ କସ୍ୟଚିତ୍ ।
ଚଞ୍ଚଲାପି ସ୍ଥିରା ଭୂତ୍ୱା କମଲା ତତ୍ର ତିଷ୍ଠତି ॥ ୧୬୦॥
ଇଦଂ ରହସ୍ୟଂ ପରମଂ ଗୁହ୍ୟାଦ୍ଗୁହ୍ୟତରଂ ମହତ୍ ।
ପୁଣ୍ୟପ୍ରଦଂ ମନୁଷ୍ୟାଣାଂ ଦରିଦ୍ରାଣାଂ ନିଧିପ୍ରଦମ୍ ॥ ୧୬୧॥
ମୋକ୍ଷପ୍ରଦଂ ମୁମୁକ୍ଷୂଣାଂ କାମିନାଂ ସର୍ୱକାମଦମ୍ ।
ରୋଗାଦ୍ୱୈ ମୁଚ୍ୟତେ ରୋଗୀ ବଦ୍ଧୋ ମୁଚ୍ୟେତ ବନ୍ଧନାତ୍ ॥ ୧୬୨॥
ବ୍ରହ୍ମହତ୍ୟାସୁରାପାନସୁବର୍ଣସ୍ତେୟିନୋ ନରାଃ ।
ଗୁରୁତଲ୍ପଗତୋ ବାପି ପାତକାନ୍ମୁଚ୍ୟତେ ସକୃତ୍ ॥ ୧୬୩॥
ଅସତ୍ପ୍ରତିଗ୍ରହାଚ୍ଚୈବାଽଭକ୍ଷ୍ୟଭକ୍ଷାଦ୍ୱିଶେଷତଃ ।
ପାଖଣ୍ଡାନୃତ୍ୟମୁଖ୍ୟେଭ୍ୟଃ ପାଠନାଦେବ ମୁଚ୍ୟତେ ॥ ୧୬୪॥
ଇଦଂ ରହସ୍ୟମମଲଂ ମୟୋକ୍ତଂ ପଦ୍ମଜୋଦ୍ଭବ ।
ବ୍ରହ୍ମସାୟୁଜ୍ୟଦଂ ନୄଣାଂ ସତ୍ୟଂ ସନ୍ତ୍ୟଂ ନ ସଂଶୟ ॥ ୧୬୫॥
॥ ଇତି ଶ୍ରୀଦେବୀଭାଗବତେ ମହାପୁରାଣେ ଦ୍ୱାଦଶସ୍କନ୍ଧେ
ଗାୟତ୍ରୀସହସ୍ରନାମ ସ୍ତୋତ୍ରକଥନଂ ନାମ ଷଷ୍ଠୋଽଧ୍ୟାୟଃ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଶ୍ରୀଗାୟତ୍ରୀସହସ୍ରନାମସ୍ତୋତ୍ରମ୍ https://gayatree-upasana.blogspot.com/2022/10/blog-post_60.html
No comments:
Post a Comment