(ଗାୟତ୍ରୀମନ୍ତ୍ର ଅକ୍ଷରାଣାଂ(ବର୍ଣାନାଂ) ଶ୍ରୀମଦ୍ ବାଲ୍ମୀକିରାମାୟଣେ ପ୍ରଦର୍ଶିତାଃ)
ତପସ୍ସ୍ୱାଧ୍ୟାୟନିରତଂ ତପସ୍ୱୀ ବାଗ୍ୱିଦାଂ ବରମ୍ ।
ନାରଦଂ ପରିପପ୍ରଚ୍ଛ ବାଲ୍ମୀକିର୍ମୁନିପୁଙ୍ଗବମ୍ ॥ ବାଲକାଣ୍ଡ ୧.୦୧.୦୦୧॥ ୧॥
ସ ହତ୍ୱା ରାକ୍ଷସାନ୍ସର୍ୱାନ୍ ଯଜ୍ଞଘ୍ନାନ୍ ରଘୁନନ୍ଦନଃ ।
ଋଷିଭିଃ ପୂଜିତସ୍ତତ୍ର ଯଥେନ୍ଦ୍ରୋ ବିଜୟୀ ପୁରା ॥ ବାଲକାଣ୍ଡ ୧.୦୩୦.୦୨୪॥ ୨॥
ବିଶ୍ୱାମିତ୍ରଃ ସରାମସ୍ତୁ ଶ୍ରୁତ୍ୱା ଜନକଭାଷିତମ୍ ।
ବତ୍ସ ରାମ ଧନୁଃ ପଶ୍ୟ ଇତି ରାଘବମବ୍ରବୀତ୍ ॥ ବାଲକାଣ୍ଡ ୧.୦୬୭.୦୧୨॥ ୩॥
ତୁଷ୍ଟାବାସ୍ୟ ତଦା ବଂଶଂ ପ୍ରବିଶ୍ୟ ଚ ବିଶାମ୍ପତେଃ ।
ଶୟନୀୟଂ ନରେନ୍ଦ୍ରସ୍ୟ ତଦାସାଦ୍ୟ ବ୍ୟତିଷ୍ଠତ ॥ ଅୟୋଧ୍ୟାକାଣ୍ଡ ୨.୦୧୫.୦୨୦॥ ୪॥
ବନବାସଂ ହି ସଙ୍ଖ୍ୟାୟ ବାସାଂସ୍ୟାଭରଣାନି ଚ ।
ଭର୍ତାରମନୁଗଚ୍ଛନ୍ତ୍ୟୈ ସୀତାୟୈ ଶ୍ୱଶୁରୋ ଦଦୌ ॥ ଅୟୋଧ୍ୟାକାଣ୍ଡ ୨.୦୪୦.୦୧୪॥ ୫॥
ରାଜା ସତ୍ୟଂ ଚ ଧର୍ମଶ୍ଚ ରାଜା କୁଲବତାଂ କୁଲମ୍ ।
ରାଜା ମାତା ପିତା ଚୈବ ରାଜା ହିତକରୋ ନୃଣାମ୍ ॥ ଅୟୋଧ୍ୟାକାଣ୍ଡ ୨.୦୬୭.୦୩୪॥ ୬॥
ନିରୀକ୍ଷ୍ୟ ସ ମୁହୂର୍ତଂ ତୁ ଦଦର୍ଶ ଭରତୋ ଗୁରୁମ୍ ।
ଉଟଜେ ରାମମାସୀନଂ ଜଟାମଣ୍ଡଲଧାରିଣମ୍ ॥ ଅୟୋଧ୍ୟାକାଣ୍ଡ ୨.୦୯୯.୦୨୫॥ ୭॥
ଯଦି ବୁଦ୍ଧିଃ କୃତା ଦ୍ରଷ୍ଟୁମଗସ୍ତ୍ୟଂ ତଂ ମହାମୁନିମ୍ ।
ଅଦ୍ୟୈବ ଗମନେ ବୁଦ୍ଧିଂ ରୋଚୟସ୍ୱ ମହାମତେ ॥ ଅରଣ୍ୟକାଣ୍ଡ ୩.୦୧୧.୦୪୩॥ ୮॥
ଭରତସ୍ୟାର୍ୟପୁତ୍ରସ୍ୟ ଶ୍ୱଶ୍ରୂଣାଂ ମମ ଚ ପ୍ରଭୋ ।
ମୃଗରୂପମିଦଂ ବ୍ୟକ୍ତଂ ବିସ୍ମୟଂ ଜନୟିଷ୍ୟତି ॥ ଅରଣ୍ୟକାଣ୍ଡ ୩.୦୪୩.୦୧୮॥ ୯॥
ଗଚ୍ଛ ଶୀଘ୍ରମିତୋ ରାମ ସୁଗ୍ରୀବଂ ତଂ ମହାବଲମ୍ ।
ବୟସ୍ୟଂ ତଂ କୁରୁ କ୍ଷିପ୍ରମିତୋ ଗତ୍ୱାଽଦ୍ୟ ରାଘବ ॥ ଅରଣ୍ୟକାଣ୍ଡ ୩.୦୭୨.୦୧୭॥ ୧୦॥
ଦେଶକାଲୌ ଭଜସ୍ୱାଦ୍ୟ କ୍ଷମମାଣଃ ପ୍ରିୟାପ୍ରିୟେ ।
ସୁଖଦୁଃଖସହଃ କାଲେ ସୁଗ୍ରୀବବଶଗୋ ଭବ ॥ କିଷ୍କିନ୍ଧାକାଣ୍ଡ ୪.୦୨୨.୦୨୦॥ ୧୧॥
ବନ୍ଦିତବ୍ୟାସ୍ତତଃ ସିଦ୍ଧାସ୍ତପସା ବୀତକଲ୍ମଷାଃ ।
ପ୍ରଷ୍ଟବ୍ୟା ଚାପି ସୀତାୟାଃ ପ୍ରବୃତ୍ତିର୍ୱିନୟାନ୍ୱିତୈଃ ॥ କିଷ୍କିନ୍ଧାକାଣ୍ଡ ୪.୦୪୩.୦୩୩॥ ୧୨॥
ସ ନିର୍ଜିତ୍ୟ ପୁରୀଂ ଲଙ୍କାଂ ଶ୍ରେଷ୍ଠାଂ ତାଂ କାମରୂପିଣୀମ୍ ।
ବିକ୍ରମେଣ ମହାତେଜା ହନୂମାନ୍ କପିସତ୍ତମଃ ॥ ସୁନ୍ଦରକାଣ୍ଡ ୫.୦୪.୦୦୧॥ ୧୩॥
ଧନ୍ୟା ଦେବାଃ ସଗନ୍ଧର୍ୱାଃ ସିଦ୍ଧାଶ୍ଚ ପରମର୍ଷୟଃ ।
ମମ ପଶ୍ୟନ୍ତି ଯେ ବୀରଂ ରାମଂ ରାଜୀବଲୋଚନମ୍ ॥ ସୁନ୍ଦରକାଣ୍ଡ ୫.୦୨୬.୦୪୧॥ ୧୪॥
ମଙ୍ଗଲାଭିମୁଖୀ ତସ୍ୟ ସା ତଦାସୀନ୍ମହାକପେଃ ।
ଉପତସ୍ଥେ ବିଶାଲାକ୍ଷୀ ପ୍ରୟତା ହବ୍ୟବାହନମ୍ ॥ ସୁନ୍ଦରକାଣ୍ଡ ୫.୦୫୩.୦୨୬॥ ୧୫॥
ହିତଂ ମହାର୍ଥଂ ମୃଦୁ ହେତୁସଂହିତଂ ବ୍ୟତୀତକାଲାୟତିସମ୍ପ୍ରତିକ୍ଷମମ୍ ।
ନିଶମ୍ୟ ତଦ୍ୱାକ୍ୟମୁପସ୍ଥିତଜ୍ୱରଃ ପ୍ରସଙ୍ଗବାନୁତ୍ତରମେତଦବ୍ରବୀତ୍ ॥ ୬.୦୧୦.୦୨୭॥ ୧୬॥
ଧର୍ମାତ୍ମା ରକ୍ଷସଶ୍ରେଷ୍ଠଃ ସମ୍ପ୍ରାପ୍ତୋଽୟଂ ବିଭୀଷଣଃ ।
ଲଙ୍କୈଶ୍ୱର୍ୟମିଦଂ ଶ୍ରୀମାନ୍ଶ୍ରୁବଂ ପ୍ରାପ୍ନୋତ୍ୟକଣ୍ଟକମ୍ ॥ ଯୁଦ୍ଧକାଣ୍ଡ ୬.୦୪୧.୦୬୮॥ ୧୭॥
ଯୋ ବଜ୍ରପାତାଶନିସନ୍ନିପାତାନ୍ନ ଚୁକ୍ଷୁଭେ ନାପି ଚଚାଲ ରାଜା ।
ସ ରାମବାଣାଭିହତୋ ଭୃଶାର୍ତଶ୍ଚଚାଲ ଚାପଂ ଚ ମୁମୋଚ ବୀରଃ ॥ ଯୁଦ୍ଧକାଣ୍ଡ ୬.୦୫୯.୧୩୯॥ ୧୮॥
ଯସ୍ୟ ବିକ୍ରମମାସାଦ୍ୟ ରାକ୍ଷସା ନିଧନଂ ଗତାଃ ।
ତଂ ମନ୍ୟେ ରାଘବଂ ବୀରଂ ନାରାୟଣମନାମୟମ୍ ॥ ଯୁଦ୍ଧକାଣ୍ଡ ୬.୦୭୨.୦୧୧॥ ୧୯॥
ନ ତେ ଦଦୃଶିରେ ରାମଂ ଦହନ୍ତମପିବାହିନୀମ୍ ।
ମୋହିତାଃ ପରମାସ୍ତ୍ରେଣ ଗାନ୍ଧର୍ୱେଣ ମହାତ୍ମନା ॥ ଯୁଦ୍ଧକାଣ୍ଡ ୬.୦୯୩.୦୨୬॥ ୨୦॥
ପ୍ରଣମ୍ୟ ଦେବତାଭ୍ୟଶ୍ଚ ବ୍ରାହ୍ମଣେଭ୍ୟଶ୍ଚ ମୈଥିଲୀ ।
ବଦ୍ଧାଞ୍ଜଲିପୁଟା ଚେଦମୁବାଚାଗ୍ନିସମୀପତଃ ॥ ଯୁଦ୍ଧକାଣ୍ଡ ୬.୧୧୬.୦୨୪॥ ୨୧॥
ଚଲନାତ୍ପର୍ୱତସ୍ୟୈବ ଗଣା ଦେବାଶ୍ଚ କମ୍ପିତାଃ ।
ଚଚାଲ ପାର୍ୱତୀ ଚାପି ତଦାଶ୍ଲିଷ୍ଟା ମହେଶ୍ୱରମ୍ ॥ ଉତ୍ତରକାଣ୍ଡ ୭.୦୧୬.୦୨୬॥ ୨୨॥
ଦାରାଃ ପୁତ୍ରାଃ ପୁରଂ ରାଷ୍ଟ୍ରଂ ଭୋଗାଚ୍ଛାଦନଭୋଜନମ୍ ।
ସର୍ୱମେବାବିଭକ୍ତଂ ନୌ ଭବିଷ୍ୟତି ହରୀଶ୍ୱର ॥ ଉତ୍ତରକାଣ୍ଡ ୭.୦୩୪.୦୪୧॥ ୨୩॥
ଯାମେବ ରାତ୍ରିଂ ଶତ୍ରୁଘ୍ନଃ ପର୍ଣଶାଲାଂ ସମାବିଶତ୍ ।
ତାମେବ ରାତ୍ରିଂ ସୀତାପି ପ୍ରସୂତା ଦାରକଦ୍ୱୟମ୍ ॥ ଉତ୍ତରକାଣ୍ଡ ୭.୦୬୬.୦୦୧॥ ୨୪॥
ଇଦଂ ରାମାୟଣଂ କୃତ୍ସ୍ନଂ ଗୟତ୍ରୀବୀଜସଂୟୁତମ୍ ।
ତ୍ରିସନ୍ଧ୍ୟଂ ଯଃ ପଠେନ୍ନିତ୍ୟଂ ସର୍ୱପାପୈଃ ପ୍ରମୁଚ୍ୟତେ ॥
ଇତି ଗାୟତ୍ରୀରାମାୟଣଂ ସମ୍ପୂର୍ଣମ୍ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଶ୍ରୀଗାୟତ୍ରୀକବଚମ୍ ୧ https://gayatree-upasana.blogspot.com/2022/10/blog-post_33.html
No comments:
Post a Comment