ନମସ୍ତେ ଦେବି ଗାୟତ୍ରୀ ସାବିତ୍ରୀ ତ୍ରିପଦେଽକ୍ଷରୀ ।
ଅଜରେ ଅମରେ ମାତା ତ୍ରାହି ମାଂ ଭବସାଗରାତ୍ ॥ ୧॥
ନମସ୍ତେ ସୂର୍ୟସଙ୍କାଶେ ସୂର୍ୟବାବିତ୍ରିକେଽମଲେ ।
ବ୍ରହ୍ମବିଦ୍ୟେ ମହାବିଦ୍ୟେ ବେଦମାତର୍ନମୋଽସ୍ତୁ ତେ ॥ ୨॥
ଅନନ୍ତକୋଟି-ବ୍ରହ୍ମାଣ୍ଡବ୍ୟାପିନୀ ବ୍ରହ୍ମଚାରିଣୀ ।
ନିତ୍ୟାନନ୍ଦେ ମହାମୟେ ପରେଶାନୀ ନମୋଽସ୍ତୁ ତେ ॥ ୩॥
ତ୍ୱଂ ବ୍ରହ୍ମା ତ୍ୱଂ ହରିଃ ସାକ୍ଷାଦ୍ ରୁଦ୍ରସ୍ତ୍ୱମିନ୍ଦ୍ରଦେବତା ।
ମିତ୍ରସ୍ତ୍ୱଂ ବରୁଣସ୍ତ୍ୱଂ ଚ ତ୍ୱମଗ୍ନିରଶ୍ୱିନୌ ଭଗଃ ॥ ୪॥
ପୂଷାଽର୍ୟମା ମରୁତ୍ୱାଂଶ୍ଚ ଋଷୟୋଽପି ମୁନୀଶ୍ୱରାଃ ।
ପିତରୋ ନାଗୟକ୍ଷାଂଶ୍ଚ ଗନ୍ଧର୍ୱାଽପ୍ସରସାଂ ଗଣାଃ ॥ ୫॥
ରକ୍ଷୋ-ଭୂତ-ପିଶାଚାଚ୍ଚ ତ୍ୱମେବ ପରମେଶ୍ୱରୀ ।
ଋଗ୍-ଯଜୁ-ସ୍ସାମବିଦ୍ୟାଶ୍ଚ ଅଥର୍ୱାଙ୍ଗିରସାନି ଚ ॥ ୬॥
ତ୍ୱମେବ ସର୍ୱଶାସ୍ତ୍ରାଣି ତ୍ୱମେବ ସର୍ୱସଂହିତାଃ ।
ପୁରାଣାନି ଚ ତନ୍ତ୍ରାଣି ମହାଗମମତାନି ଚ ॥ ୭॥
ତ୍ୱମେବ ପଞ୍ଚଭୂତାନି ତତ୍ତ୍ୱାନି ଜଗଦୀଶ୍ୱରୀ ।
ବ୍ରାହ୍ମୀ ସରସ୍ୱତୀ ସନ୍ଧ୍ୟା ତୁରୀୟା ତ୍ୱଂ ମହେଶ୍ୱରୀ ॥ ୮॥
ତତ୍ସଦ୍ବ୍ରହ୍ମସ୍ୱରୂପା ତ୍ୱଂ କିଞ୍ଚିତ୍ ସଦସଦାତ୍ମିକା ।
ପରାତ୍ପରେଶୀ ଗାୟତ୍ରୀ ନମସ୍ତେ ମାତରମ୍ବିକେ ॥ ୯॥
ଚନ୍ଦ୍ରକଲାତ୍ମିକେ ନିତ୍ୟେ କାଲରାତ୍ରି ସ୍ୱଧେ ସ୍ୱରେ ।
ସ୍ୱାହାକାରେଽଗ୍ନିବକ୍ତ୍ରେ ତ୍ୱାଂ ନମାମି ଜଗଦୀଶ୍ୱରୀ ॥ ୧୦॥
ନମୋ ନମସ୍ତେ ଗାୟତ୍ରୀ ସାବିତ୍ରୀ ତ୍ୱଂ ନମାମ୍ୟହମ୍ ।
ସରସ୍ୱତୀ ନମସ୍ତୁଭ୍ୟଂ ତୁରୀୟେ ବ୍ରହ୍ମରୂପିଣୀ ॥ ୧୧॥
ଅପରାଧ ସହସ୍ରାଣି ତ୍ୱସତ୍କର୍ମଶତାନି ଚ ।
ମତ୍ତୋ ଜାତାନି ଦେବେଶୀ ତ୍ୱଂ କ୍ଷମସ୍ୱ ଦିନେ ଦିନେ ॥ ୧୨॥
॥ ଇତି ଶ୍ରୀବସିଷ୍ଠସଂହିତୋକ୍ତଂ ଗାୟତ୍ରୀସ୍ତୋତ୍ରଂ ସମ୍ପୂର୍ଣମ୍ ॥
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ଗାୟତ୍ରୀସ୍ତୋତ୍ରମ୍ ୨ https://gayatree-upasana.blogspot.com/2022/10/blog-post_80.html
No comments:
Post a Comment