ଓଁ
ଅଥ ମହାଗାୟତ୍ରୀଲୀଲାସ୍ତୁତିଃ ।
ସଦା ଗବେଷୟନ୍ ଜଗତ୍ରୟେଷୁ ବେଦମାତରଂ
ଚିଦାତ୍ମନା କୃତସ୍ଥିତଂ ସମତ୍ର ଚାଦ୍ୟ ଲବ୍ଧବାନ୍ ।
ଉଦସ୍ରୁ ଗଦଦଂ ମହୋଦୟାତ୍ପ୍ରଣୌମି ଭକ୍ତିନୌକୟା
ସୁଦୁସ୍ତରଂ ଦ୍ରୁତଂ ତିତୀର୍ଷୁରାପଦର୍ଣବମ୍ ॥ ୧॥
ସୁହୀନଲୋକପାତିନୀ ସତାଂ କୃପାଽତିଶୋଭତେ
ହ୍ୟତ୍ସୁଧାଂଶୁଚକ୍ଷୁଷେ କ୍ଷୟାମ୍ବ ! ମାଦ୍ୟଶଂ ଜନମ୍ ।
ନବାପି ହୀୟତେ ତବେଷଦୀଶି ! ପାଲନେନନୋ
ଭବାଦ୍ୟତଃ କୁପୁତ୍ରତା ନ ଭାସତେ ପ୍ରସୂହ୍ରଦି ॥ ୨।
ନମାମି ମୁକ୍ତବିଦ୍ରୁମପ୍ରତପ୍ତହାଟକାଽସିତା-
ବଦାତବର୍ଣସୁନ୍ଦରୈଃ ଷଡର୍ଧଲୋଲଲୋଚନୈଃ ।
ସରୋଜଷଣ୍ଡବାନ୍ଧବପ୍ରତପ୍ତପାବକପ୍ରଭୈଃ
କିରୀଟରତ୍ନରଞ୍ଜିତୈଃ ସୁଧାଂଶୁଖଣ୍ଡମଣ୍ଡିତୈଃ ॥ ୩॥
ମୁଖୈର୍ଦଶାର୍ଧସଂମିତୈର୍ୱିରାଜମାନବିଗ୍ରହାଂ
ସୁରେଶଚାପସପ୍ରଭାଂ ସମସ୍ତଦେବବନ୍ଦିତାମ୍ ।
ବରାଭୟାଙ୍କୁଶାନ୍ୱିତୈଃ କପାଲଶୂଲ ଶଙ୍ଖ-
ଚକ୍ରସାରସଦ୍ୱୟୀଗୁଣାଙ୍କିତୈଃ କରୈର୍ୱିରାଜିତାମ୍ ॥ ୪॥
ଭବଦ୍ରୁମସ୍ୟ ମୂଲତାଂ ଗତାଂ ମୁନୀନ୍ଦ୍ରବନ୍ଦିତାମ୍
ଅଖଣ୍ଡ ଭାବମଣ୍ଡଲପ୍ରକାଶକାରିଣୀଂ ଶିବାମ୍ ।
ସମସ୍ତଦେବତାମୟୀଂ ସମସ୍ତ ସିଦ୍ଧିଦୟିନୀମ୍
ପୂର୍ୱରୂପ ବିଗ୍ରହାଂ ସରସ୍ୱତୀଂ ଭବାର୍ତିହାମ୍ ॥ ୫॥
ଶୁଚୀନ୍ଦୁସୂର୍ୟଲୋଚନାଂ ଶୁଚୀନ୍ଦୁସୂର୍ୟ ବିଗ୍ରହାମ୍
ଶୁଚୀନ୍ଦୁସୂର୍ୟସଙ୍ଗମସ୍ୱଭାବଶାଲିନୀଂ ଶୁଭାମ୍ ।
ପଦଦ୍ୱୟାନୁକମ୍ପିତସ୍ୱଶକ୍ତିଚକ୍ରସେବିତାଂ
ପରେଶଶକ୍ତିମୁତ୍ତମାଂ ଭଜେ ତ୍ରିଲୋକସୁନ୍ଦରୀମ୍ ॥ ୬॥
ମହାମହେଶ୍ୱରୀ ଜଗଦ୍ୱିସର୍ଗସୁସ୍ଥିତିକ୍ଷୟ-
ସ୍ୱତନ୍ତ୍ରତା ଶରୀରିଣୀ ବଭୂବ ଯା ମହେଶିତୁଃ ।
ଦ୍ୱିପତ୍ରିତାଦିଭେଦତୋ ଲତାୟମାନବିଗ୍ରହା
ତ୍ରୟୀଶ୍ୱରୀ ସଦା ତୁ ସା ଜଗଙ୍ଜୟାୟ ଜାୟତାମ୍ ॥ ୭॥
ନମାମି ତନ୍ମୁଖାରବିନ୍ଦପଞ୍ଚକଂ ମଲାପହଂ
ଗଲୈକନାଲକଂ ସଦାବିକାସି ଭକ୍ତିସମ୍ଭବମ୍ ।
ସ୍ୱଭକ୍ତହଂସସେବିତଂ ଶୁଚୀନ୍ଦୁପଦ୍ମବନ୍ଧବଃ
ପ୍ରତୀକଭୂତବିଗ୍ରହା ଗତା ହି ଯତ୍ର ପଞ୍ଚତାମ୍ ॥ ୮॥
ଭବାର୍ଣବେଽତିଦୁଃସହସ୍ମରାଧିଦିଗ୍ଧମାନସଂ
ଷଡୂର୍ମିନିତ୍ୟପୀଡିତଂ ଜନଂ ଦିଧୀର୍ଷୁମାନସା ।
ଶ୍ରୁତିଧ୍ୱନିସ୍ଫୁରନ୍ମୁଖାରବିନ୍ଦଭୂସୁରୈଃ ସଦା
ତ୍ରିସନ୍ଧ୍ୟମୀଶ୍ୱରୀ ନୁତାଽସ୍ତୁ ସା ସୁଖପ୍ରଦା ହି ନଃ ॥ ୯॥
ତ୍ରୟୀପ୍ରସୂଃ ସ୍ୱଦୃଷ୍ଟିପାତଧୂତଭକ୍ତକଲ୍ମଷା
ସମୈର୍ଜୁନୈର୍ନୁତା ମୁଦା ସ୍ୱବର୍ଣଧର୍ମଭେଦତଃ ।
ନିଲିମ୍ପନିମ୍ନଗାମିଷେଣ ପାଦଦ୍ୟୌତଜଂ ଜଲଂ
ଯଦୀୟମାଗତଂ କ୍ଷିର୍ତି ତନୋତୁ ନଃ ଶିବଂ ତୁ ସା ॥ ୧୦॥
ସ୍ୱଦମ୍ଭବଞ୍ଚିତାଖିଲଂ କୁଭୋଗସକ୍ତମାନସଂ
ସଦାଽଶୁଚିଂ କୁମାର୍ଗଗଂ ଶଠଂ ଚ ଶଙ୍କସେ ଯଦି ।
କଥଂ ସ୍ୱପାଦଚିନ୍ତନୋତ୍ଥବୈଭବଂ ନହୀଶ୍ୱରି !
ଯତୋଙ୍ୱ୍ରିଚିନ୍ତକଂ ଦୟାଦୃଶେକ୍ଷସେ ନ ମାଦ୍ୟଶମ୍ ॥ ୧୧॥
ଅନେକଦୋଷଦୂଷିତେଷ୍ୱନିର୍ୱିବେଚନା ସତୀ
ସ୍ୱତନ୍ତ୍ରଶକ୍ତିରୀଶ୍ୱରୀ ଭବାଧନାଶକାରିଣୀ ।
କୃପାମୟୀମ୍ ଦୃଶଂ ବିଧାୟ ସା ସ୍ୱଭକ୍ତିପାତ୍ରିତଂ
ସ୍ୱପତ୍କଜେ ମଧୁବ୍ରତଂ କରୋତୁ ମାମହର୍ନିଶମ୍ ॥ ୧୨॥
ତ୍ରିସନ୍ଧ୍ୟମିଷ୍ଟଦୈବତଂ ସୁକେଶବାସ୍ୟଜଂ ସ୍ତବଂ
ସ୍ମରନ୍ ହୃଦୀଦ୍ଧଭାବନୋ ବିଧାୟ ବେଦମାତରମ୍ ।
ବିଧୂୟ ପାପସଞ୍ଚୟଂ ବିତୀର୍ୟ କୀର୍ତିମୁତ୍ତମାମ୍-
ଇହ ତ୍ୱମୁତ୍ର କୈବଲଂ ପଦଂ ସ ଯାତି ନିର୍ଭୟମ୍ ॥ ୧୩॥
ଇତି ଶ୍ରୀମହାଗାୟତ୍ରୀଲୀଲାସ୍ତୁତିଃ ।
ଗାୟତ୍ରୀ ଆବାହନ
ଗାୟତ୍ରୀ ମନ୍ତ୍ର ଆହୁତି
ଗାୟତ୍ରୀ ଆରତୀ
ମୁକ୍ତିଚିନ୍ତାମଣି ଗାୟତ୍ରୀକବଚମ୍ https://gayatree-upasana.blogspot.com/2022/10/blog-post_44.html
No comments:
Post a Comment